((الحلقة السبعون))
#انت_قلبي
#بوسي_مصطفي
____________________
في شقة كريم
فريدة خارجه من الشقة وفي ايدها صنيه تخبط على باب شقة حازم اللي قصاد شقتها
تفتح ندي الباب / بنت حلال كنت لسه هخبط عليكي
فريدة / خير
ندي / هههههههههه الفرن بتاعي جيت اشغله لاقيته بايظ
وجهزت البيتزا خلاص قولت اسويها عندك
فريدة / طيب خدي المفتاح من الجيب بتاعي
عشان في أيدي الشاي قولت نشربه مع بعض بدل م اشربه لوحدي
ندي بدور على المفتاح
فريدة / مش هنا الناحية التانيه
ندي / طب متقولي كده من الاول
فريدة / هههههههه اخلصي بقى ياندي بغير بجد
ندي بصتلها / هههههههههه ايه يابت يافريدة انتي بتتلككي ولا ايه؟
هو انا كنت عملتلك حاجه؟
فريدة / عماله تزغيني ههههههههههههه مش قادرة الصنية هتوقع من ايدي
ندي / خلاص لاقيته
فريدة / طب يلا افتحي
ندي / مش عارفه افتح الباب
فريدة / امسكي الصنيه
بصتلها ندي
فريدة / امسكيها بس انا هوريكي بيتفتح ازاي ياغبيه
فريدة بتفتح الباب
ندي / انا اللي غبيه برضو؟!
لو كنت اخدت انا الصنيه من الاول ودورتي انتي على مفتاحك مش كنا وفرنا كل الوقت دا عشان نفتح الباب وسعى بقى اجيب البيتزا
وانتي شغلي الفرن عقبال م اجي
فريدة / حاضر
دخلت فريدة المطبخ شغلت الفرن جات ندي دخلت البيتزا الفرن وقعدوا يشربوا الشاي
ندي / هو محمد نايم
فريدة / اه يااختي بعد م غلبني قولت اعملي كوباية شاي واروق دماغي شويه
ندي /"هههههههههههه انتي حامل صحيح يافريدة
فريدة / اه حامل
ندي / ههههههههه يعني كلام طنط سميرة صح
فريدة / لا هي كانت عايزة تجرجرني في الكلام
ندي / هههههههههه وانتي مش عايزة حد يعرف ولا ايه؟!
فريدة / لا طبعاً عادي اللي يعرف يعرف
جرس الباب يرن
ندي / خليكي قاعدة انا هشوف مين
فريدة / دا مش كريم عشان معاه المفتاح
ندي / يااهلا وسهلاً
حازم / بتعملي ايه عندك
ودخل جوه قعد على الكرسي جنب فريدة
حازم / ازيك يافريدة
واخدت قطعة كيك وبياكل
فريدة / الحمد لله
اخد كوباية الشاي بتاعت ندي وبيشرب
ندي / دي كوبايتي على فكرة
فريدة / هقوم اعملك
ندي / لا احنا هنشرب في بيتنا يلا ياحازم
ابقى شوفي البيتزا يافريدة
فريدة / زمانها اتحرقت ادخلي شوفيها
ندي / ياشيخه لازم توقعي قلبي هي لحقت
فريدة / وانا مالي انتي حره
جريت ندي تشوف البيتزا
حازم لندى وهي في المطبخ / اوعي تكوني عامله بيتزا بس من غير حاجه جنبها
ياويلك ياندي مني الليلة
فريدة / ههههههههه ليه بقى هتعملها ايه
حازم / هي عارفه عشان انا قولتلها قبل كده البيتزا دي بالنسبالي تسالي كده زي اللب مبتشبعنيش
فريدة / عندي فراخ مشوية ومحشي ورق عنب ماما بعتهولي هعملك طبق
وقامت فريدة دخلت المطبخ
جه حازم وراها على المطبخ
حازم / ماما بتبعتلك محشي وفراخ!
اومال احنا مبنشوفش حاجه ليه؟! ههههههههههه
ندي/ تقريباً كده مغضوب علينا هههههههههه
فريدة / اخص عليكي ياندي دي ماما بتحبك بس انا كنت تعبانه الصبح ومقدرتش اعمل حاجه
ندي / هي اعراض الحمل لحقت تجيلك
حازم بدهشة / حمل!
حمل ايه؟!
انتي حامل يافريدة؟!
ندي / ههههههههه ايه ياابني مالك اتخضيت كده ليه
عقبالي انا كمان
فريدة / اه ياحازم انا حامل
حازم / ليه يافريدة؟!
ندي / هههههههههه هو ايه اللي ليه
هي الناس بتحمل عشان ايه؟!
مش عشان تجيب عيال يتنططوا ويلعبوا حواليهم
حازم / اقصد ليه دلوقت
ابنك صغير اوي
طب الحمل اللي فات وقولنا مفيش مشكلة يمكن معملتش حسابها لكن تحملي ليه تاني دلوقت
انتي مش خايفه على صحتك
ندي / وانت مالك يااخي هي كانت اشتكيتلك
هي وجوزها احرار
حازم / وجوزها دا ايه
فاكرها ارنبه كل تسع شهور تجيبله عيل
فريدة حابسه دموعها ومنطقتش
ندي اخدت البيتزا وخرجت من المطبخ / البيتزا بتاعتك في الفرن يافريدة... يلا ياحازم
فريدة / طب استنى ياندي
خدي طبق ورق العنب دا
ندي / هاته ياحازم
حازم لفريدة / متزعليش مني انا خايف عليكي
فريدة ببتسامة بتحاول تداري دموعها / هزعل من ايه بس ياحازم؟
انا عمري مزعل منك ابدا
حازم / طب هاتي طبق ورق العنب بقى
__________________
في شقة حازم
على السفره وبعد م خلصوا اكل
ندي / ايه اللي قولته لفريدة دا؟
حازم / خايف عليها وبعدين شايف جوزها مفيش في دماغه غير الخلفه وبس
يخاف على صحتها على الاقل دا لو بيحبها فعلاً
ندي / هما احرار مع بعض ياحازم وبعدين انت عارف إن كريم مش صغير وعايز يفرح ويكون عنده ولاد
حازم / وهي ذنبها ايه في دا
ندي / كريم الدراسه والشغل أخرته عن الجواز م انت عارف وبعدين هما كانوا متجوزين قبل كده من ست سنين
ومحصلش نصيب يكملوا مع بعض و... الحمد لله
رجعوا لبعض تاني
عايز يعوض كل السنين اللي فاتت دي
متظلمش حد وانت معشتش ظروفه ولا عارف جواه ايه
انت اهوه مثلاً هتجنن ونجيب اخ ولا اخت ل انس
يبقى ليه متحمل كده على كريم
حازم / انا معاكي في كل اللي قولتيه بس فريدة متغيره اوي ياندي.. صحتها وجسمها بقوا غير زمان خالص وانا خايف عليها دا تالت حمل في سنتين بس
ندي / بإذن ﷲ
هتقوم بالسلامة والواد ولا البت دي تشرف وتستريح بقي شويه
حازم / يارب
احسن انا من لحظة معرفت انها حامل وقلبي اتقبض مش عارف ليه
ندي / طب وانا لما احمل مش هتخاف عليه؟
حازم / هخاف عليكي طبعاً
بس فريدة السنه اللي عدت عليها دي كانت صعبه حمل وولاده وحمل تاني واجهاض واهو حامل لتالت مره
ندي / لا دي الرابعه انت ناسي انها حملت في اول جوازها
حازم / شوفتي بقى انا خايف عليها ليه
ندي / متخافش ياحزوم وادعي بقى اطلع حامل الشهر ده
حازم / بدعيلك يانونه
ندي / ههههههههه تسلم ياقلب نونه ساعدني بقى وشيل الأطباق معايا
حازم ببتسامة / حاضر
_____________________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
