((الحلقة الرابعة عشر))
#انت_قلبي
#بوسي_مصطفي
.......................
في المساء في فيلا مراد
الفيلا فيها عدد كبير من الناس
بالخارج أسر ومازن وحسام بياخدوا العزاء في مراد وواقفين جنب هشام
جه عاصم وهو بيجري
احتضن هشام اللي قابله بفتور
عاصم باكياً/مقولتليش ليه ياهشام كنت جيت شوفت مراد..
هشام/اتفضل حضرتك اقعد
نظر عاصم لهشام اللي بان عليه عدم رغبته في وجود عاصم
اسر اخد ب ايد عاصم وقعده بعيد شويه عنهم
مازن/اقعد استريح ياهشام شويه
هشام سكت ومردش
حسام بيهمس لمازن/سيبه براحته يامازن
مازن/انا بقول يريح بس رجله
مجدي داخل من بوابة الفيلا وجاي بسرعة احتضن هشام وهو حابس دموعه/البقاء لله
ياهشام... شد حيلك
وشد عليه ايده جامد
نظر ليه هشام ومتكلمش
ووقف
مجدي جنب هشام
دخلت داليا جوه ومعاها حماتها
قامت ياسمينه وفريدة تستقبلهم
داليا/ امال فين امل
ياسمينه/سهر بتقول إنها نايمه فوق
داليا/ طب مفيش حد هنا نعزيه
فريدة/ بنته قاعدة هناك اهيه
داليا/طب هروح اعزيها واجي اقعد جمبكم
تعالى معايا ياطنط
سهر نازله من فوق
ياسمينه /امل لسه نايمه
سهر وهي حابسه دموعها/لا فاقت بس طلبت مني اخرج
فريدة/ياحبيبتي تلاقي حالتها صعبه اوي دلوقت
سهر/هي لسه مش مستوعبه اللي حصل
ياسمينه/ماما ياسهر
سهر بتسلم ع نادين/اهلا ياطنط ازي حضرتك
نادين/الحمد لله... ياحبيبتي.. البقاء لله
فريدة/ماما كانت هنا من شويه ولسه خارجه
سهر/ معلش يافريدة م اخدتش بالي
فريدة/لا ياحبيبتي عادي ولا يهمك
داليا قربت من سهر وسلمت عليها
كانت هنادي قاعده بعيد
جات ناحيتهم
هنادي/البقاء لله... هو مينفعش نطلع نعزي امل
سهر/معلش ياهنادي مش هينفع
هنادي/طيب اني همشي بقى وهبقي اكلمها اطمن عليها
=بعد شويه...
جه هاني زوج وعد كان مسافر الغردقة في شغل
اخدها وقعدوا في غرفة من غرف الفيلا تحت
كان كل الموجودين خرجوا
دخل هشام ومعاه أسر ومجدي ومازن صديقه
سهر كانت قاعدة مع داليا
قعدوا كلهم
هشام ساكت مبيتكلمش
مجدي مسد ع ظهر هشام /شد حيلك ياهشام
انتصار/شد حيلك ياابني... كلنا لها
هشام /متشكر اوي ياجماعه تعبتكم معايا النهاردة
اسر بحزن/تعبتنا في ايه ياهشام
الله يرحمك... ياعمي
انهار هشام وبكى
مازن/هشام لازم تجمد عشان وعد وأمل
سهر ل اسر/مش يلا بينا احنا ونسيبهم يستريحوا
عشان لسه هنعدي ناخد الولاد من عند خالتي
اسر/طيب اطلعي اطمني ع امل قبل م نخرج
سهر/اوك حاضر
داليا لمجدي/مش يلا بينا احنا كمان مامتك قاعدة تعبانه
قرب مجدي من والدته بهمس/مالك ياماما انتي تعبانه
انتصار/رجلي بتوجعني شويه
مجدي/طب نستأذن احنا ياهشام
هشام هز راسه بحزن ومتكلمش
مازن/هكلمك قبل م تنام ياهشام
هز راسه ومتكلمش
مازن/بعد اذنكم
نزلت سهر من فوق
اسر/يلا احنا كمان... بعد اذنك ياهشام
سهر/هشام اطلع ل امل اطمن عليها
هشاَم/حاضر
اسر/يلا ياسهر... تصبح على خير ياهشام
..........................
أنت تقرأ
أنت قلبي🧡🥀الجزء الأول.
Literatura Feminina#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
