((الحلقة 102))
#انت_قلبي
#بوسي_مصطفي
___________________في شقة عمار بعد كام يوم
سلمي / خلاص بقى يا وفاء افصلي ياحبيبتي دي التلاجه بتفصل
وفاء وهي بتمسح دموعها / مش قادره ياسلمي هموت الولاد وحشيني اوي
سلمي / لا يااختي مش هتموتي ولا حاجه والعيال مسيرها تيجي لوحدها هما اصلا هيزهقوا من هناك امها مبتستحملش العيال
متقولي حاجه ياسهر
سهر / بصي ياوفاء ياحبيبتي انا لو منك مزعلش ابدا هما هيجوا لوحدهم زي م قالت سلمي انتي بقى تعملي ايه في اليومين دول تنزلي تشتريلك كام طقم كده حلوين تروحي تظبطي شعرك وتقعدي في البيت كده تنوري لحد م جوزك يرجع من بره
سلمي / ههههههههه ايه اللي بتقوليه دا ياسهر هي العيال لسعت مخك ولا ايه
سهر / يابنتي انا لو جاتلي فرصة زيك كده مش هضيعها واعيشلي كام يوم كده حلوين واجدد شبابي من تاني
سلمي / ههههههههه اسمعي كلام العاقله بنت خالتي الظاهر ملك وابنها جننوها
سهر / اكدب عليكو يعني
انا نفسي بجد في يومين حلوين كده اعيشهم انا وجوزي لوحدنا
سلمي / ههههههههه العيال شكلهم خنقينك ياسهر
سهر / لا ياسلمي مش خنقني ولا حاجه بس يعني أوقات كده بتيجي للواحد هلاوس زي اللي جات دلوقت كده
وفاء / بس اتعودت عليهم وهما كمان اتعودوا عليه ازاي يسيبوني ويمشوا
سلمي / دي امهم يا وفاء وانتي لازم تعرفي إن اكيد هيجي عليهم وقت يكونوا محتاجينلها ومش معنى كده انهم مبيحبوكيش بس هي وحشاهم بعد كام يوم هتوحشيهم برضو وهيجولك
سهر / بقولك ايه انتي وهي اختاروا طقم من دا البسوا يلا
دا ولا دا
وفاء / الموف دا جميل اوي ياسهر وكمان هيبقى خطير عليكي خصوصاً إن عينك قريبه من اللون دا اوي
سلمي / لا لا ياسهر متسمعيش كلامها الفيروزي دا هينطق عليكي اكتر
سهر / حيرتوني
وفاء / اقولك البسيهم وابعتي الصور لجوزك خدي رأيه وشوفي هيقولك ايه
سهر / انا عارفه هيقولي لا دا ولا دا
سلمي / اي الراجل الكئيب ده
مش عايزك تلبسي اللي انتي حباه ليه
سهر / خايف عليه
وفاء / من ايه
سهر / بيقولي الاتنين حلوين اوي عليكي وانا مش عايزك تلبسيهم
سلمي / البسيله اسود عشان يستريح
وفاء / بصراحه هو معاه حق
انا لو راجل يعني وانتي مراتي مش هخرجك من البيت
وفاء / ليه ياست وفاء يكونش عليها تار ولا حاجه هههههههه
سهر / هههههههههههههههه
وفاء / هههههههههه لا يااختي بس سهر حلوه اوي... ما شاء ﷲ
ففعلا بقى ليه حق يخاف عليها
سلمي / الحلوه اللي قدامك دي اللي هو خايف عليها زي م بيقول راح اتجوز عليها واحده اقل منها في كل حاجه
سهر بغضب / خلاص بقى ياسلمي
سلمي / فميجيش دلوقت ويقول بخاف ومبخافش الحكايه بس إنه عايز يلبسها اللي على مزاجه هو وبس
سهر / لا ياسلمي انتي فاهمه اسر غلط خالص
اسر مش من نوع الرجاله ده
هو اه بيخاف عليه بس مش لدرجة السيطرة اللي بتقولي عليها دي
سلمي / انا قايمه عشان ألحق اعمل فطار باقي ساعتين على المغرب
سهر / استنى هنا مقولتيش انهو احلى عشان البسه
سلمي / الاتنين حلوين ياسهر
وفاء / البسي اللي قالتلك عليه سلمي
سهر / طب هدخل اقيسه وانتي شوفيه كده ياوفاء عشان حاسه إنه واسع شويه
سلمي / يااختي الناس بتتخن وانتي العكس بتاكلي ايه قوليلي
سهر / هههههههههه ولا حاجه انتي بس اقعدي احرقي في دمك كل يوم وانتي هتخسي لوحدك
سلمي / بجد يعني حرقة الدم جابت معاكي نتيجه
وفاء / هههههههههه اكيد بتهزر
سهر / اصل سلمي بنت خالتي دي مبيفرقش معاها اي حاجه زعلانه بتاكل فرحانه برضو بتاكل مفيش مشكلة
وفاء / هههههههههه
سلمي / ماشي ياسهر سيبهالك يااختي... سلام
_____________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...