الحلقة 125
#انت_قلبي
#بوسي_مصطفيع السلم
شهد / كنت فين ياندي
ندي / كنت تحت بجيب حاجه من الصيدلية
شهد / مفيش في ايدك حاجه يعني
ندي / اومال دا ايه
شهد / م اخدتش بالي
هو مين اللي تحت مع علاء
ندي / مفيش حد معاه
شهد / يعني معتز اخويه مش تحت
ندي / قولتلك مفيش غير علاء تحت
شهد / غريبه اومال اتأخر ليه
ندي / طب م تنزلي تسأليه وسيبيني ادخل شقتي عشان تعبانه وعايزة انام
شهد / تصبحي على خير
ندي / وانتي من اهله
شهد / بالحق ياندي هي هدى مرات معتز اخويه كانت بتقولك ايه لما كانت هنا اخر مرة
ندي / هو احنا اتكلمنا في حاجات كتير ولو عايزة تعرفي حاجه معينه اتصلي اسأليها
شهد / وانت مالك اضايقتي ليه دا كان مجرد سؤال
ندي / شهد انا صاحيه من خمسه الفجر ودماغي خلاص مبقتش فيه ممكن لو سمحتي تسبيني ادخل شقتي
شهد / لو تعبانه اقعدي من الشغل
ندي / لا مش تعبانه بس انا بحب انام بدري بعد اذنك
شهد تنزل تحت
سميرة بتخرج الزباله و علاء لسه بيدخل من مدخل العمارة
لمح مامته جرى اخد منها الحاجه اللي في ايدها
علاء / سبيها ياماما انا هخرجها في الصندوق اللي بره
سميرة / متحرمش منك ياحبيبي
شهد / على فكرة احنا كمان عندنا
قاطعها علاء / هبقي اطلع اجيبها... انتي ايه اللي نزلك في الوقت دا
ندي / ياسلام ماهي ندي كانت تحت
علاء / وانتي مالك ومال ندي هي نزلت تشتري حاجه من تحت
انتي بقى ايه نزلك
سميرة / ادخلي ياشهد
علاء / معلش ياماما الوقت اتأخر تبقى تجي لحضرتك الصبح
شهد / بس انا مش هنام دلوقت
سميرة / خليها تدخل ياابني عقبال م تيجي
تعالي يابنتي
جوه :
شهد / شوفتي ياطنط ابنك بيعاملني ازاي
سميرة / انا شايفه إنه مغلطش ياشهد هو مش عايزك تنزلي في الوقت دا وبعدين الدنيا برد يابنتي خايف عليكي
شهد / خايف عليه اوي
سميرة / ربنا يهديكم... لبعض يابنتي
علاء عند الباب
علاء / يلا عشان عايز انام
شهد / هو انا لسه قعدت
سميرة / معلش يابنتي اطلعي مع جوزك
شهد / مش هنام انا دلوقت
علاء / خلاص براحتك
انا قفلت البوابه ياماما هو بابا جوه
سميرة / اه ياحبيبي نايم جوه
علاء / طيب تصبحو على خير
وطلع علاء فوق
سميرة / مينفعش تسيبي جوزك ينام لوحده يابنتي
شهد / ليه هيخاف ولا ايه وبعدين اطمني ياطنط هو اصلا بقاله كام يوم بينام لوحده
سميرة / ازاي دا بس ياشهد
شهد / براحته ياطنط
سميرة / شوفي انا مبحبش ادخل بينكو بس الوضع دا ميرضيش حد يابنتي
شوفي جوزك زعلان من ايه وراضيه
شهد / عشان قلبي عليه وعلى مصلحته شايف اني كده ابقى طماعه ووحشه
سميرة / انا مش فاهمه حاجه
اقولك قومي اطلعي شقتك وغيري اللي انتي لابساه ده وادخلي ادلعي عليه شويه كده زي الستات هتلاقي قلبه صفي من ناحيتك والليلة هتعدي بسلام
هههههههههههههههههه
شهد / هو ايه اللي زي الستات دي ياطنط
هو حضرتك شايفاني مش ست
سميرة / هههههههههه لأ يابنتي انتي ست الستات كمان
شهد / انا طالعه انام تصبحي على خير
سميرة / هههههههههه وانتي من اهل الخير
شهد / هنام في اوضة كريم ياطنط
سميرة / براحتك انتي حره
شهد / اه عشان بس دماغك متروحش لبعيد
سميرة / يااختي وانا مالي م تنامي مكان م تحبي
شهد / ماشي سلام
___________
أنت تقرأ
أنت قلبي🧡🥀الجزء الأول.
Literatura Feminina#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...