((الحلقة السابعة عشر))
#انت_قلبي
#بوسي_مصطفي
...........................
في شركة على الحسيني
اسر /وانا مستحيل اشتغل مع الست دي
علي/ليه مش دي كانت مراتك
اسر/حضرتك بتقول كانت
معينها ليه بقي في المكتب بتاعي؟
علي/انا حر الشركة شركتي واعين فيها اللي يعجبني
اسر/اوك يا بابا
انا مستقيل
على /في ستين داهيه
طالما عامل حساب اوي كده لبنت سهير ووخايف منها دا حتى ولادك مبقتش تروح تشوفهم
اسر/سهر ملهاش علاقة بالموضوع ده لو سمحت يابابا
وبعدين انا مبروحش هناك من رخامة الست هانم اللي حضرتك جبتها هنا عشان تزهقني في الشغل
علي/ يله هو انا مش عارفك ولا ايه... هي البت دي عملالك ايه مخلياك مش شايف غيرها
اسر/ عارف ليه عشان عيني مش زايغه.... بتجوز واروح أجرى ورا الستات
على أخد الكلام ع نفسه ماهو عمل كده زمان مع ملك والدة أسر
قرب على من أسر وصفعه على وجهه
اسر عينه تتلألأة بالدموع وهو بيحاول يمسح الدم اللي على بؤه
علي/تخرج من هنا مش عايز اشوف وشك في الشركة كلها
خرج أسر بسرعه
حسام قاعد ع المكتب بيتكلم في التليفون قفل الخط واتجه ناحية أسر اللي كان خارج بسرعة مسك ايده
حسام /في أي يااسر واي الدم ده
اسر بانفعال/سيبني ياحسام
حسام/اسيبك ايه بس وايه الدم ده... انت اتخانقت مع عمي ولا ايه
على بيزعق جوه وبينادي على حسام
اسر بحزن/روح شوف بابا عايز ايه
تركه أسر وخرج
................... .
في شقة كمال ونادين
وفي غرفة فيروز
ياسمينه قاعدة ع طرف السرير وعمر قاعد جنبها
ياسمينه /م تتكلم بقى... انت هتفضل ساكت كده
عمر/وفيها ايه يعني السكوت راحه
ياسمينه نظرت ليه بدهشه/عمر انت عايز ايه ؟
عايز تجنني صح؟!
عمر/انا اللي مش فاهمك بصراحه قولتلك تعالى جوه... م قولتش تعالى نتكلم جوه
ياسمينه/ايوه يعني احنا قاعدين هنا بنعمل ايه
عمر/قاعدين وخلاص لحد م القاعدة اللي بره دي تخلص
ياسمينه كتمت غيظها من ردود عمر
عمر بتهنيدة ونظر في السقف
ياسمينه وبتحرك رجلها بعصبيه
عمر بغضب /وقفي رجلك دي بقى الحركه دي بتعصبني
ياسمينه/هو مفيش حد غيري متعصب وهيتنقط
انت ايه يااخي مفيش خالص
عمر/مفيش ايه
ياسمينه/خليك قاعد لوحدك انا خارجه
مسك ايدها وقعدها/اقعدي لحد م يخلصوا كلام والأستاذ اللي بره دا يروح
ياسمينه /اشمعنه؟!
عمر/عشان يعرف يتكلم
انا شوفته مرتبك ومش عارف يجمع كلمتين ع بعض قولت اخفف عنه التوتر ونقوم احنا
ياسمينه /لا هو متوتر من ماما انت مش شايف بتبصله ازاي
عمر /مامتك معاها حق ياياسمين
ياسمينه/ماشي محدش قال حاجه بس تعدي الموقف بقى وخلاص هو مهما كان ضيف عندنا
استنى دا شكله خرج
ياسمينه بتفتح الباب بهدوء وتشوف الجو بره
ياسمينه/خرج... يلا بينا...
نادين قاعدة متعصبه وبتزعق لفيروز
نادين/وانا ع جثتي بقى ان الموضوع دا يتم
كمال/اهدي بس يانادين
ياسمينه/في ايه بس ياماما
فيروز بتعيط ودخلت جوه
نادين/لو عملتي ايه برضو مش هتتجوزي الواد دا يافيروز يعني مش هتتجوزيه
كمال سابها ودخل جوه
عمر بيحاول يهدي نادين /طنط ممكن تقعدي وتهدي شويه
نادين/بنتي بتتحداني يابشمهندس
عمر/اطمني مفيش حاجه هتحصل غير برضاكي حاولي بس تهدي ونتكلم بهدوء
نادين/وادي قعده اما اشوف اخرتها ايه
عمر /هو قالكو ايه السبب اللي خلاه يفكر في الجواز
نادين وهي بتحاول تهدا/اهو بيقول إنه مش مستريح معاها
ياسمينه/هي مش بنت عمه
نادين/ايوه لكن بيقول انهم جوزها له غصب عنه
ياسمينه/وهو في راجل بيتغصب ع الجواز ياماما وبعدين لو الموضوع كده كان طلقها اول م تجوزوا لكن دا متجوز بقاله سبع سنين فجأة كده عرف إنه اتغصب ع الجواز منها
خرجت فيروز/ايوه عشان هو بقاله كتير مستحمل لكن فاض بيه خلاص وبعدين هو بيحبني من تلات سنين بس اكتشف إنها حامل وقتها ومعرفش ياخد قرار
غمزت ياسمينه لفيروز عشان تاخد بالها من كلامها
نادين/ومالك يااختي بتقوليها بفخر كده وطبعاً طول التلات سنين دي بتتقابلوا بره ومقرطسيني مش كده؟!
فيروز سكتت
ياسمينه /لا طبعاً ياماما حضرتك مربيانا كويس وفيروز مش ممكن تعمل كده
وغمزت لفيروز/مش كده يافيروز
نادين/من الاخر عايز يتجوز يقول لمراته وتيجي هنا وتقولي انا موافقه وتعترفلي إن فعلاً في مشاكل بينهم
ياسمينه /هههههه اي الكلام دا بس ياماما هو في واحده ست هتعمل كده دي لو عرفت هتقطعه هو وبنتك
نادين/م انا عايزة دا يحصل
فيروز/نعم
نادين/اي مش بتحبيه استحملي بقى ولا انتي فاكره إن في ست هتتنازل عن جوزها بالسهولة دي
ياسمينه/خلاص يافيروز يبقى زي ماما م قالت هو يكلم مراته ويتفاهم معاه وتيجي تقولنا إنها موافقه عشان متعملش ليكي مشاكل بعد كده
فيروز اقتنعت بالفكرة اللي هي خطة كمال اللي اتفق مع نادين عليها
فيروز/خلاص ياماما حضرتك قولتيله كل ده هو بقى لو بيحبني هيعمل المستحيل عشاني
ياسمينه/ايوه كده ياعاقله... اتقلي بقى وسبيه يحل مشاكله دي واوعي تكلميه خالص الفترة دي
فيروز/اوك موافقه
نادين/ياسمين شوفي اخوكي جه من الدرس كده عشان بيفضل يلعب تحت ومبيطلعش الا اما اقفشه
ياسمينه/حاضر ياماما
نادين/اقعد بقى يابشمهندس هنتغدا مع بعض
معلش بقى ضيعنا عليك يوم اجازتك
عمر/ياخبر ياطنط متقوليش كده كفاية إننا شوفنا حضرتك وقعدنا معاكم
ياسمينه بتفتح الباب وفي ايدها سيف /ادخل ياللي جايبلنا المشاكل
سيف /وانتي مالك وبعدين سيبي ايدي بقى
نادين/في ايه ياياسمين عملت اي ياسيف تحت
ياسمينه /عمال يتخانق مع العيال تحت وبيحدفهم بالطوب ياماما
سيف/وانتي مالك يارخمه انتي
عمر بيضحك
ياسمينه/سامعه ياماما... سامع يابشمهندس مراتك بتتهزأ
عمر /م انتي اللي حاطه نقرك من نقر العيال استحملي بقى
ياسمينه /ولما واحد فيهم يخبطه في دماغه وتتفتح مين اللي هيجري بيه مش احنا برضو
سيف/لما اتعور ملكيش دعوة محدش هيقولك تعالي معانا
ياسمينه بتخبطه ع قفاه/ياض بطل لماضة بقى انا مش عارفة جايب طولة اللسان دي منين
سيف/ماما بتقولي اني طالعلك
ياسمينه نظرت لمامتها
نادين بارتباك تنادي ع هدى اللي كانت قاعدة جوه/ادخلي ياهدي جوه ل بابا وقوليله يجي عشان يتغدا
هدى من جوه/حاضر
ياسمينه قعدت
نادين/انتي هتقعدي تعالى ساعديني في المطبخ يلا
ياسمينه بتهنيدة /حاضر ياماما
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
