الحلقة 118
#انت_قلبي
#بوسي_مصطفي
_______________________
كمال / ومستعجل على ايه بس ياابني مش بكره اجازه برضو ولا انا بيتهيألي
معتز / ههههههههه ماهو عشان كده ياعمي الواحد محتاج ينام لحد صلاة الجمعه حضرتك عارف بقى اني بقف في الصيدلية من بعد الصلاة اراجع الحسابات واعمل جرد بالأدوية اللي موجوده واللي ناقصه ومحتاجينها دا غير كمان إن في أدوية بتتلم من الصيدليات دلوقت
كمال / ليه هي خطر على صحة الناس ولا ايه مش فاهم
معتز / ثبت إن التشغيله بتاعتها قديمة وبتتلم دلوقت
كمال / ربنا يرحمنا برحمته حتى العيانين مسبهمش في حالهم كمان يعني مرض وعلاج فاسد
معتز / ربنا يرحمنا برحمته
زي م حضرتك قولت
كمال / طب يلا ياهدي يابنتي عشان جوزك مستعجل
هدى خارجه من الغرفه
هدى / ايه دا ياسي بابا حضرتك بتطردني من بيتك ولا ايه
معتز / ههههههههه
كمال / لا ياحبيبتي دا بيتك ومحدش يقدر يطردك منه جوزك اللي مستعجل
معتز / معلش ياعمي حقك عليه هنعمل ايه بس في بنتك حساسه اوي وبتزعل من أقل حاجه
هدى / انت بتشتكيني لبابا ولا ايه
نادين خارجه من المطبخ
نادين / اقعدي ياهدي اشربي النسكافيه بتاعك وعملتلك كيكة الشيكولاته اللي بتحبيها
معتز / احنا كده مش هنروح بقى ياطنط هههههههه
تسلم ايدك... اقعدي ياهدي
نادين / بألف هنا ياابني
هدى / ايه دا مش من شويه كنت مستعجل
معتز / يعني ينفع نتعب طنط ومندوقش عمايل ايدها
كمال / م تقعدي يابنتي بقى
هدى لمعتز / اقعد
معتز / هههههههههه م تقعدي يابنتي بقى في ايه
هدى / هههههههههه طيب
فيروز / انا هنزل بقى ياماما محتاجين مني حاجه
كمال / اقعدي يافيروز مش وليد لسه تحت عند مامته
فيروز / اه هو تحت بس هنزل بقى اسلم على حماتي ونروح
تصبحو على خير
نادين / استنى يافيروز
فيروز بهمس لنادين / مش هاخد حاجه معايا انا تلاجتي مليانه اكل مش لاقيه
اللي ياكله
________________
في المدينه الجامعيه
سارة / يووووه متقفلي البتاع دا ياامينه مش عارفه اذاكر
امينه / وانا فاتحه الكاسيت عشان يسليني وانا بلم حاجتي
سارة /"في اختراع كده اسمه سماعات بتتحط في الودان
عشان حضرتك تسمعي على قدك
امينه / هههههههههه ودني بتوجعني وبعدين انا بسليكي اهو عشان متمليش من المذاكرة
سارة / ياسلام!
امينه / قوليلي ياسارة هو انتي مش هتنزلي اجازة الأسبوع دا كمان
سارة / لأ
امينه / يابنتي كفايه كده بقى انتي بقالك اكتر من شهر مروحتيش عند خالك زمانه قلقان عليه
سارة / لا متقلقيش خالي مش في دماغه اصلا هو واحد بس اللي كان بيخاف عليه
امينه بمكر / ودا مين بقى؟
سارة / بابا... ﷲ يرحمه
امينه بتأثر / ﷲ يرحمه
ياحبيبتي انا آسفة لو سؤالي ضايقك وقلب عليكي المواجع
سارة / سابني في اكتر وقت كنت محتاجاله فيه
زي م ماما سابتني من غير م شوفها ولا حتى ايدي لمست كفوفها
امينه / هوني على نفسك ياسارة تعرفي اني مش عايزة انزل اسكندريه غير عشان حاجه واحده بس
سارة وهي بتمسح دموعها وبتبتسم/ عشان توقفي قدام البحر صح
امينه / هههههههههه لا طبعاً مش كده خالص
شكلك روحتي اسكندريه كتير قبل كده
سارة / عمري م روحتها بس بابا كان بيوصفها ليه اصل اول مرة شاف ماما فيها كانت هناك
امينه / هههههههههه اوعي تقوليلي انها كانت ماشيه علي الشط وهيمانه وسرحانه كده هوب بابا لمحها وهي بترجع شعرها ورا ودنها بعد م الهوا طيره
سارة / هههههههههه
امينه كملت / قوم ايه عينه جات في عينها واتولد الحب بينهم ودا الحب اللي من أول نظره
سارة / هههههههههه لأ مش كده
امينه / اه يبقى مامتك كانت ماشيه على الكورنيش وفي ايدها شنطه حلوه كده قوم واد معدي خطفها منها وجرى لمحها بابا جرى ورا الواد واخد الشنطه ورجع لماما
قالها بحنيه اتفضلي ياانسه شنطتك
قامت رفعت راسها وبصت في عيونه وهي بتقوله ميرسي
اهي ميرسي دي بقي اللي وقعت بابا متنكريش
سارة / هههههههههه لا يابنتي مش كده واتهدي بقى عشان احكيلك
امينه / بس هي دي مفيش غيرها
سارة / خضتيني يابنتي في ايه؟!
امينه / هههههههههه بابا كان بيصطاد سمك من البحر عدت ساعة اتنين تلاته لحد عشر ساعات بابا مصطادش حاجه قام يروح وهو مضايق بيسحب السنارة من البحر عشان يمشي لاقي حاجه تقيله ماسكه في السنارة قعد يسحب يسحب وهو فرحان وخلاص بقى هيروح البيت ومعاه سمكه ومش اي سمكه دي سمكه كبيره كمان
سارة / هههههههههه اخلصي يااختي وأنهى القصة بتاعتك دي
امينه / سحب السنارة بكل قوته وهو متبت في الأرض وكانت المفاجأة إنه اصطاد عروسة البحر
سارة / هههههههههه لا دا انتي خيالك واسع اوي
امينه / مش عايزة تعرفي مين هي عروسة البحر دي
سارة بسخريه / قولي الفضول هيموتني
هههههههههههههههههه
امينه / لاقاها ماما عينه جات في عينها هوب اتولد الحب بينهم خطفها وراح بيها عند بيتهم واتقدملها واتجوزها
سارة / ياسلام!
امينه / بس قص ديلها الأول مش معقول يعني هيمشي بيها كده
هههههههههههههههههه
سارة / لا ياام دم خفيف الحكاية مش كده
امينه / طب استنى هروح اعمل كوبايتين شاي عشان نصحصح ونعرف نستمتع بالرواية ال فظيعه دي
سارة / رواية ايه؟!
امينه / قصة حب هيثم وسارة
هههههههههههههههههه
سارة / يامجنونه ههههههههههه
امينه / طب تاكلي ايه جنب الشاي ولا هتشربيه قرديحي كده
_____________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
