((الحلقة السادسة والستون))
#انت_قلبي
#بوسي_مصطفي
____________________
ياسمينه / نادين تعالي هنا
سيبها ياسيف
جريت نادين ناحية ياسمين
هدى بتفتح الباب
امل /"سلام عليكم
هدى / وعليكم السلام
فريدة / ازيك ياهدي
هدى / الحمد لله
اتفضلوا ياسمين جوه
يدخلوا البنات... اللي اول م تشوفهم ياسمينه تنهار وتعيط يجروا عليها يحضنوها
فريدة / اهدي ياياسمين متخافيش مامتك هتبقى كويسه
امل / هو ايه وضعها بالظبط
ياسمينه بتمسح دموعها / انا مشوفتهاش بس عمر بيقول إن ليها عمليه لازم تتعمل ضروري عشان اي تأخير ممكن
وتسكت ياسمينه
سهر / طب كويس ياياسمين اتفائلي خير بقى
ياسمينه / العملية دي مبتتعملش في مصر لازم ماما تسافر تعملها بره
فريدة / طيب م دا كويس برضو ايه المشكلة م تعملها بره
امل بصت لفريدة وفهمت إن المشكلة مش في السفر المشكلة في الفلوس وتكاليف العمليه
فسكت فريدة
ياسمينه بعزة نفس / اه م احنا ماشيين في الإجراءات و
إن شاء ﷲ
تسافر قريب
سهر / إن شاء ﷲ
تخف ياياسمين
ياسمينه / مش عايزني اشوفها ياسهر
داليا / م انتي عارفه السبب ياياسمين... ادعيلها انتي بس دا اللي محتاجاه منك دلوقت
تدخل فيروز وهي منهاره وبتعيط.. تجري عليها ياسمين
ياسمينه / فيروز انتي جيتي امتى
فيروز / لسه من حوالي ساعة
هدى / طب اقعدي يافيروز
ياسمينه / مروحتيش تشوفي ماما ليه
فيروز / لسه جايه من هناك
ياسمينه / يعني شوفتي ماما؟
فيروز بتعيط / اه شوفتها
ياسمينه / عامله ايه؟
قالتلك حاجه؟
فيروز / لأ... كانت ساكته خالص متكلمتش معايا وخرجوني على طول
هدى بتقدم القهوة للبنات
امل / معلش ياياسمين هنستأذن احنا بقى
ياسمينه / اقعدوا شويه ياامل
داليا / معلش ياياسمين هبقي اجيلك في وقت تاني
ياسمينه / لا ولا يهمك ياداليا انا عارفه إنك سايبه ابنك في البيت تعبان
الف سلامة عليه
داليا / هنادي كان نفسها تيجي تطمن عليكي بس سافرت امبارح البلد
ياسمينه / اه عارفه... كفايه جيتكو ليه لحد هنا
سهر / إن شاء ﷲ
نيجي وطنط خارجه من المستشفى وتخف وتبقى كويسه
امل قربت من ياسمين حضنتها وطبطبت عليها
ياسمينه بتعيط
امل / متخافيش ياياسمين احنا جنبك لو احتاجتي اي حاجه اوعي تترددي إنك تقوللنا احنا اخوات سامعه
هزت ياسمينه راسها وهي بتعيط
فريدة / هجيلك بكره اطمن عليكي... ماشي
ياسمينه / متتعبيش نفسك يافريدة.. انا عارفه إن كل واحده فيكو ليها ظروفها... كتر خيركو
امل / ايه الكلام اللي بتقوليه دا ياياسمين هنزعل بجد
سهر وداليا وفريدة واقفين عند باب الشقة
وأمل بتتكلم مع ياسمين
كان عمر وكمال ووليد واقفين عند باب الشقة
كمال / اتفضلوا يابنات واقفين ليه كده
داليا / معلش ياعمي اصلنا لازم نروح
امل / يلا يابنات
ونزلوا البنات... ودخل كمال وعمر ووليد
ياسمينه لكمال / ماما عامله ايه
كمال قعد ومردش
عمر بص لياسمين ومتكلمش
ياسمينه / ايه مالك انت كمان
مش نفسك تقول حاجه؟
عمر / ادخلي ألبسي عشان ننزل يلا
ياسمينه / مش هخرج من هنا غير بعد خروج ماما من المستشفى
عمر / ادخلي ألبسي ياياسمين عندنا مشوار مهم
ياسمينه / ليه هنروح فين
اوعي تقولي اني هروح اعتذر لمامتك اسمع ياعمر انا ليه حق عند مامتك بس مش هاخده دلوقت ولا هتكلم فيه في الظروف اللي احنا فيها دي دلوقت
عمر / وانا بقول كده برضو لما نعدي الفترة الصعبه اللي احنا فيها دي نبقى نحقق ونشوف مين غلطان يابنت خالي
المهم ادخلي ألبسي عشان نخلص من المشوار ده
ياسمينه / شكلها شحنتك يابشمهندس
عمر / ياسمين انتي مش عايزة تبيعي نصيبك في البيت؟
انا شوفتلك زبون كوَيس وفلوسه جاهزه
ياسمينه / ومامتك
عمر / ملكيش دعوة بماما
بعد اذنك ياوليد هناخد فيروز معانا عشان تبقى حاضره البيع وتستلم نصيبها
فيروز / شوفت حد يتمن البيت
عمر / هنتكلم في كل الحاجات دي هناك المهم لو موافقين على البيع تعالوا معايا نخلص في الموضوع ده
ياسمينه / ومامتك موافقه
عمر / قولتلك ملكيش دعوة بماما
وليد / م بلاش من حكاية بيع البيت دي... احنا نشوف العملية هتتكلف كام وانا مستعد
كمال يقاطعه /
مع احترامي لكلامكو بس دي مراتي وانا ملزوم بكل مصاريفها
وليد / وفيها ايه بس ياعمي لما كلنا نحط ايدينا في ايد بعض عشان نخرج من المحنه اللي احنا فيها دي وعمتي تعمل العملية وترجع احسن من الاول
عمتي ليها دين في رقبتي ولازم اسده
كمال / يبقى بينك وبينها لما تقوم بالسلامة... إن شاء ﷲ
لكن مصاريف علاج وعملية دي فرض عليه انا
بعد اذنكو
وقام كمال دخل جوه
فيروز / معلش ياوليد متزعلش منه... قدر اللي هو فيه
وليد / لا ابدا انا مش زعلان بالعكس انا حاسس بيه وعارف قد ايه هو تعبان عشان عمتي
عمر / هتيجوا معايا ولا صرفتوا نظر عن بيع البيت
ياسمينه / هنيجي طبعاً مش كده يافيروز
فيروز / اه طبعاً جايه
وليد / انا بقول نخلي موضوع بيع البيت دا آخر حاجه
انا اقدر اتصرف في مبلغ كويس
فيروز / ايوه ياوليد بس تكاليف العملية كبيرة اوي
عمر / كده كده البيت هيتباع منعا للمشاكل
وبص لياسمين
ياسمينه / واضح إن عندك كلام كتير عايز تقوله أجله بقى دلوقت لحد م نخلص من اللي احنا فيه ده
عمر / طيب يلا بينا
_______________
أنت تقرأ
أنت قلبي🧡🥀الجزء الأول.
Чиклит#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
