((الحلقة 100))
#انت_قلبي
#بوسي_مصطفي
_________________
في شقة اسر
اسر واقف قدام المرايا بيلبس
التليفون يرن
اسر / وحضرتك طيبه وبخير
ملك / لسه منزلتش من البيت
اسر / بلبس ونازل
ملك / طيب ياحبيبي تخلص شغل وتجيب الولاد وتجيوا تفطروا معايا النهارده اول يوم وعايزين نتجمع كلنا مع بعض سفرة واحده
اسر / مش هينفع ياماما
ملك / ليه... عشان سهر ؟؟
خلاص هاتها معاك
اسر / لا معلش ياماما مش هينفع برضو
ملك / بقى كده يااسر
عايزني افطر لوحدي
اسر / تعالى حضرتك افطري معانا
سهر بتخلع إسدال الصلاة وبتضعه على الكرسي وتقعد
ملك / خلاص يااسر متجيش
اسر / هعدي على حضرتك بعد الفطار
ملك / لأ متجيش عشان مش هفتح الباب
وقفلت ملك التليفون
اسر يضع التليفون على الطربيزة ويكمل لبس
سهر / روح يااسر
التفت اسر لسهر بدهشه
اسر / اروح فين ياسهر
سهر/ تروح تفطر مع مامتك
اسر / اشمعنه
سهر / عشان النهارده اول يوم رمضان واحنا في شهر كريم انساني خالص وافتكر انها مامتك
اسر / لا غلطانه ياسهر... ازاي انساكي اللي بينا أقوى من اي حاجه صحيح هي والدتي وليها حق عليه بس كمان مينفعش أظلم حد فيكو على حساب التاني
سهر / ومين قالك انك هتظلمني لما تروح تفطر عندها
اسمع يااسر هي هتفضل مامتك مهما حصل ولازم تبرها وتجبر بخاطرها في يوم زي ده
اسر / سهر انتي بتقولي ايه
سهر / أسر انا عيشت محرومه من أبويه وامي مش عايزاك تحس الاحساس اللي انا حسيته زمان انا مش هبقي مبسوطه لما تقاطع مامتك عشاني انا بس عايزاك تتعامل معاها عادي بس متجبرنيش اني اتعامل مع مامتك.
اسر / عمري ياسهر... وانتي عارفه كده... عمري م اجبرك على حاجه انتي مش حباها وخصوصاً في الموضوع ده لاني عارف انتي اتأذيتي نفسياً من امي ازاي
وبقولك سامحيني لاني مستحيل
اقدر اجيبلك حقك لو فلوس كنت جيبتاها لو حتى كانت في بوق الأسد بس الاهانه اللي حصلت ليكي من امي وابويه معرفش سامحيني
سهر / وانا مش عايزة منك غير انك تسيبني براحتي مش عايزة احتك بمامتك خالص
اسر / حاضر
سهر / تروح بقى النهارده وتاخد الولاد وتفطر هناك
اسر / تاني ياسهر
سهر / برك ل مامتك ملوش علاقه بيه.. هتفضل مامتك وهتفضل انت ابنها روحلها ومتكسرش بقلبها هي ملهاش غيرك ولازم تحس بوجودك في يوم زي ده.
اسر / وانتي
سهر / مرات عمار ابن خالتي اتصلت امبارح تعزمنا على الفطار وانا قولتلها مش عارفه ظروفنا ايه والصبح هكلم اسر وارد عليكي وبما إنك بقى هتاخد الولاد وتفطروا عند مامتك فهروح انا افطر معاهم عشان ميزعلوش
اسر / بس مش شايفه إن دا مش صح مفروض نكون في بيتنا في اول يوم
سهر / مش هتفرق ياحبيبي
اسر باس ايدها / انتي بنت حلال ياسهر
سهر ببتسامة / طب م انا عارفه
اسر / طيب متتعبيش نفسك وتروحي تاخدي الولاد من المدرسة انا هقول لماما تعدي تاخدهم معاها
سهر / اللي تشوفه ياحبيبي
اسر / طيب سلام بقى عشان عندي شغل ابقى اتصلي طمنيني لما توصلي هناك
سهر / حاضر
_________________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
