(( الحلقة الخامسة))
#انت_قلبي
#بوسي_مصطفي..........................
خرجت امل بسرعة من المدرسة
في غرفة المدرسين
طارق/سلام عليكم
كانت فريدة وياسمين لسه بيتكلموا مع بعض ع اللي قالته امل
رددوا/وعليكم السلام
طارق/هي أستاذة امل مالها ياجماعة شوفتها خارجه بسرعة ناديت عليها مردتش
ياسمينه/اصل حماها تعب ونقلوه المستشفى
طارق/ياخبر.... طب محدش يعرف العنوان
فريدة/لأ هي خرجت بسرعة ملحقناش نعرف منها اي حاجه
طارق/طب َمتشكر
خرج طارق بسرعة من المكتب قابل المدير استأذنه إنه يخرج ساعة ويرجع
امل واقفه بتشوف تاكسي عشان تروح المستشفى
طارق كان شاور لتاَكسي وقف
طارق ل امل/اتفضلي يااستاذة امل
امل نظرت ليه بدهشه وسكتت
ركبوا مع بعض التاكسي
امل بتتكلم في التليفون
امل /اروح فين ياهشام؟
هشام /هتيجي تعملي ايه ياامل وعد معايا هنا ارجعي انتي البيت عشان الولاد
امل /الولاد لسه مرجعوش من المدرسة وبعدين رباب هناك متقلقش
وبهَمس/جاي معايا الأستاذ طارق
هشام/ليه
امل/معرفش ياهشام المهم بابا عامل ايه
هشام/تعبان اوي ياامل والدكاترة مانعين حد يدخله
امل بتعيط/ياحبيبي يابابا
هشام /اقفلي دلوقت ياامل وكلَميني لما توصلي
امل/حاضر...........
في شقة طارق
هنادي /مصر كلها نورت
نرمين/متشكره هو طارق هيتاخر
هنادي / بيرجع بعد الضهر ادخل اجهزلك الفطار واعملك كوباية شاي
نرمين/لا مش عايزة انا هدخل انام الاوضة نضيفه
هنادي /اه نضيفه تعالى معايا
دخلت هنادي الغرفة اللي هتنام فيها نرمين وودخلت نرمين بعدها
نرمين /اي السرير الصغير ده
هنادي/دا لمازن ابني
نرمين/هو مش نايم جوه
هنادي/اه بينام جوه في اوضتنا بالنهار بس بالليل بنيمه هنا
نرمين/وايه المشكلة إنه ينام معاكو بالليل
هنادي/اني معنديش مشكلة طارق اللي مبيعرفش ينام
نرمين/لا اتصرفوا بقى انا معرفش انام وحد معايا في الاوضه وخصوصاً لو كان عيل صغير هيصحي طبعاً يشرب ولا يدخل الحمام وهيقلقني
هنادي/لا متقلقيش مازن مبيصحاش بالليل... بعد اذنك هروح اشوف الغدا
نرمين قعدت ع السرير بغضب/ابتدينا بقى ياهنادي شغل المكر بتاعك ده بس ع مين انا مش هسمحلك تعيشيني في شقة اخويه كأني ضيفه
هنادي رجعت تاني/صحيح نسيت أسألك هي أمه الحاجه واخواتك وهدي عاملين ايه
نرمين/كويسين ممكن تقغلي الباب دا عشان اقدر اغير هدومي
هنادي /حاضر
نرمين/اه نسيت... ابقى خبطي قبل متدخلي
هنادي /الباب كان مفتوح
نرمين/ولو برضو تخبطي... اقفلي بقى الباب وانتي خارجه
هنادي/حاضر........................
في شقة والد فريدة
منيرة لندي وهي في المطبخ/معلش ياندي ادخلي صحي فريدة المغرب أذن ولسه نايمه
ندي/سبيها براحتها ياطنط دا حتى بيقولوا نوم الظالم
وقبل م تكمل كلامها كانت فريدة بتفتح باب الغرفة
فريدة ونظرت لندي /متكملي ياندي هانم سكتي ليه
منيرة خارجه من المطبخ /انتي صحيتي يابنتي... أي كل النوم دا
فريدة/كنت تعبانه ياماما منمتش طول الليل
ندي بضيق/واي اللي منيمكيش يااختي
فريدة/انا مبكلمكيش انتي انا بتكلم مع ماما
منيرة/انتو اي حكايتكم بالظبط
ندي قامت/ابقى اعرفي منها ياطنط... تصبحو على خير
منيرة/هتطلعي تنامي من دلوقت يابنتي
ندي /هقعد اعمل ايه اهو أنس بيلعب مع على اخويا فوق ألحق بقى انام شويه قبل حازم م يرجع من بره
وخرجت ندي من الشقة
منيرة/انتي وندي مالكم بقى
فريدة/سيبك منها ياماما وقوليلي هي رحمه بجد ناويه تشغل المكتب بتاع جوزها
منيرة/حازم قالها بلاش بس هي َمصممه ع رأيها سبيها براحتها
فريدة/هي مبتتعلمش ابدا وبعدين ماهي عارفه إيهاب كان مشغل المكتب دا ازاي اي ناويه تشغله زي زمان
منيرة/طب م تسيبك من رحمه اختك وخليكي في نفسك وحالك اللي ميسرش ده
فريدة /تاني ياماما... يعني اعملكو ايه يعني
منيرة/بتعلي صوتك عليه يافريدة
فريدة/ياماما عشان خاطري متفتحيش الموضوع دا معايا تاني. .. كريم ومستحيل هينزل قبل م يخلص دراسته وانا مستحيل اسافر تاني وبعدين خلاص هانت... ريحي نفسك بس ومتقعديش تفكري كتير عشان متتعبيش
َمنيرة/انتو هتفضلوا ورايا لحد مقع محطش منطق
فريدة وافتكرت امل/دقيقه ياماما اطمن ع زميلتي
منيرة/ليه يابنتي مالها
فريدة /حماها تعب ونقلوه المستشفى
منيرة/لا حول ولا قوة إلا بالله
كلميها يابنتي وطمنيني
فريدة بتتصل ب امل
.................
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...