((الحلقة الثالثة والسبعون))
#انت_قلبي
#بوسي_مصطفي
__________________
في الصباح
في شقة طارق... في غرفة نرمين
نرمين بتتكلم مع خطيبها في التليفون
نرمين / هنادي ايه دي اللي تيجي معايا دي عمرها مدخلت الأماكن دي ولا تعرف شكلها ومستحيل اخد رأيها في اي حاجه دي آخرها المطبخ تدخل تعمل فيه حلة محشي
سامي / مش عجبني كلامك على مرات اخوكي
نرمين / يابشمهندس انت متعرفش هنادي دي مطلعتش من الزريبه اللي كانت عايشه فيها مفيش غير الجامعه اللي خلتها تشم نفسها شويه
سامي / على فكرة الزريبه اللي بتتكلمي عنها دي تبقي بلدك اللي تولدتي وتربيتي فيها
نرمين / ههههههههه انت زعلت عشان بقول على البلد زريبه هههههههه وانت شايف إنها حاجة تانية يعني قفل على موضوع هنادي والبلد وخلينا في موضوعنا هتنزل معايا اشتري حاجتي ولا هتحجج بالشغل
سامي / بصراحه مش هينفع انزل معاكي عندي شغل
نرمين / هو الشغل دا مبيخلصش اومال مين بس اللي هينزل معايا انا مش هعرف اختار لوحدي عايزة حد معايا عشان متدبسش ويضحك عليه
سامي / هو انتي حد يقدر يضحك عليكي يابنت العمدة
نرمين / ههههههههه ايه بنت العمدة دي؟!
بتتريق ولا ايه؟
سامي / لا هتريق ليه
هو انتي مش بنت العمدة برضو
نرمين / ههههههههه عايزة اشوفك بكره اوعي تقولي بقى ان عندك شغل ومش فاضي
سامي / هحاول الاقي وقت واجيلك حاضر
نرمين / اوك... سلام
سامي / سلام
_______________
قدام شقة حلمي شهد واقفه وشايله ابنها ترن الجرس
سميرة تفتح الباب ومحمد علي دراعها
شهد / سلام عليكم
سميرة / وعليكم السلام
ادخلي ياشهد ونزلي ابنك شايلاه ليه يابنتي على قلبك كده مش خايفه يكون في حاجه تقومي تتعبي
شهد / لا ياطنط مفيش حاجه ومش هيبقى في دلوقت
سميرة / ليه بس كده يابنتي
شهد / مش لما الأستاذ دا يكبر الأول دا مغلبني ومطلع عيني اقوم اادب نفسي كمان واحمل ليه مجنونه
سميرة / هو الحمل جنان اليومين دول ياشهد
شهد / عايزانى اعمل زي فريدة اسيبلك الواد طول النهار وكمان بالليل عشان اخد راحتي في شقتي
سميرة / اه هي الحكاية كده بقى يااختي ابقى نزليه وخدي راحتك في شقتك حد قالك حاجه
وبعدين انا اللي قولت لكريم يسيبه يبات معايا فريدة تعبانه اليومين دول ومش حمل مناهده مع الواد
شهد / ماهو دكتور كريم سافر سيباه معاكي ليه بقى
سميرة / فريدة نايمه فوق تعبانه محدش قالك ولا ايه
شهد / لا محدش قالي سلامتها الف سلامة
مالها ياطنط
من الحمل ولا ايه
سميرة / لا دي اخدت دور برد بس الظاهر شديد حبتين وعشان حامل وكده فجسمها مش مستحمل امها قاعده معاها فوق ابقى اطلعي اطمني عليها
شهد / ايوه طبعاً هطلع... الف بعد الشر عليها... َتلاقيها بس هدومها خفيفه
سميرة / تعالى يامحمد ياحبيبي اشرب اللبن
محمد لسه بيتعلم المشي
يقرب من سميرة وهو بيسند على الكرسي يوقع
شهد تشيله وهو بيعيط
سميرة / هاتيه ياشهد وافتحي التليفزيون ده
تاخده سميرة من شهد
سميرة / ياخبر انت اتعورت ياقلبي بابا هيزعل لو شافك كده
تعالي ياكريم خد الحاجه الحلوه من تيته
يقرب كريم وياخد شيكولاته
شهد / كفايه ياطنط بلاش تعوديه عليها عشان سنانه
سميرة / يااختي سبيه ياكل براحته... عارفه ياشهد ابنك دا نسخه كده من عمه عقبال مشوفه زيه... يارب
ويرجعك بالسلامة ليه يانور عيني
شهد / وعلاء ملوش دعوة حلوة كده ياطنط
سميرة / بدعيلهم يابنتي في كل صلاة.. يباركلي فيهم وفي ولادهم... يارب
ويكرمك ياكريم انت وعلاء
ويرزقكو من وسع
شهد / طب عشان الدعوة الحلوة دي قوليلي بقى اعملك ايه قبل م اطلع
سميرة / ولا حاجه ياشهد كفايه إنك تنزليلي كريم واسمع حس الولاد في البيت
شهد / اعملي حسابك ياطنط فريدة لو في بطنها ولد تسميه علاء زي م احنا سمينا على اسم جوزها
سميرة / بس تقوم بالسلامة الأول
___________________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
