((الحلقة الثالثة والستون))
#انت_قلبي
#بوسي_مصطفي
____________________
في السجن
اسر ووليد قاعدين في مكتب الضابط معاهم تصريح بالزيارة ومنتظرين باباهم
يدخل على الحسيني وهم متكلبش بكلبش واحد مع العسكري
يفك العسكري الكلبش ويخرج الضابط وهو بيقول / هسيبكو براحتكو
اقعد ياعلي
________________
على / جايين ليه
وليد / مكونتش عايز تشوفنا يابابا؟
احنا جايين نطمن على حضرتك
على / وانت يااسر جاي ليه
اسر / عامل ايه يابابا
على / زي م انت شايف
بقولكو ايه انا مش عايز اشوف حد منكو هنا
مش عايز حد يزورني وقولوا لأختكو مش عايز اشوف وشها وانا لما اخرج من هنا هنتقم من كل اللي دخلني المكان ده
وليد / ومنه ذنبها ايه يابابا
على / اسأل جوزها
ابن خالة الهانم مرات اخوك
اسر / واياد ايه دخله بكل دا يابابا.. حضرتك اللي كنت عايز تكبر الشركة منين بقى مش مهم
على قام وهو منفعل / مشوفش وش حد فيكو انا مش عايز حد جنبي اوعو تفتكروا اني خلاص وقعت ومش هقوم تاني
لا لا انتو تبقوا بتحلموا
انا هخرج وهتتفك الحراسه على املاكي وهرجع لشركتي وانتو بقى ملكوش حاجه عندي
ومش هتطولوا ولا مليم من فلوسي
يلا اخرجوا بره
اسر بص لوليد وقام
اسر / ايه مش هتيجي معايا
وليد بص لوالدة / نشوف وشك بخير يابابا
على بانفعال / غوروا في داهيه
________________
في شقة منيرة
منيرة / عملت الببرونه لابنك يافريده
فريدة / تسلم ايدك ياماما
ندي / كلي المكسرات دي بقي يافريدة.
رحمه هاجمه على الطبق هتخلصه
رحمه بتكح / أعوذ بالله
منك
هاتيلي شوية مياه ياماما
ندي / ومتقوميش انتي ليه يااختي على رجلك نقش الحنه
رحمه /"ماهو مفروض إننا ضيوف عندك ياست ندي وانتي اللي مفروض تقومي
ندي / ليه ياحبيبتي... اقوم ليه
لما اشوفك تعبانه ومش قادرة تقومي هبقي اقوم اجيبلك مياه
فريدة / بطلوا مناقره مع بعض بقى.
قوليلي يارحمه اخبارك ايه
رحمه / الحمد لله
ندي / يااختي مهنيها ومستتها ومفرفشها عايزة ايه تاني
رحمه / ههههههههه وانتي مش متهنيه ومتستته ومفرفشه مع حازم ولا الكحكه في ايد اليتيم عجبه
ندي / ههههههههه
ادعي بس إن اخوكي يفضل ماشي كويس عشان لو اتعوج هكسره بجد المرادي
فريدة / لا حازم شكله ناوي يمشي مستقيم والبركه فيكي انتي بقى
ندي / ههههههههههه وانا همشي وراه
يافريدة انا ادتله فرصه تانيه وهو بقى ليستغلها ليضيعها من ايده ووقتها هكون ضيعت منه للأبد
فريدة / قفلي بقى على السيرة دي وخلينا نفرفش شويه
انتو وحشني اوي وعايزة اتكلم معاكو كتيييير
رحمه / لا انا مفياش دماغ للرغي هقوم اشوف ماما بتعمل ايه في المطبخ
_____________
في شقة حلمي
اكرم / ليك وحشه ياكريم
كريم / حبيبي ياعمي وانت كمان وحشني اوي
اكرم / محمد شبهك بقى ولا طالع لمامته
حلمي / شويه لفريدة وشويه لكريم ههههههههه
اكرم / يتربى في عزك ياحبيبي
علاء يبعد شوية وهو بيتكلم في التليفون
علاء / ايوه انا علاء حلمي مين حضرتك صوتك مش غريب عليه
هشام / اوعي تكون علاء حلمي
دفعة صيدلية ألفين وتلاته
علاء / هههههههههه ايه ياعم ده
انت مين بالظبط
هشام / هههههههههههههه يانهار ابيض على الدنيا
لا مش معقوله
انا هشام مراد ياابني كنت معاك في كلية صيدلية جامعة القاهرة
علاء بدهشه / هشااام
يااااه انت فين ياابني
هشام / انت اللي فين
علاء / في الدنيا هكون فين
بس قولي انت جبت رقمي منين
هشام / هههههههههه انت مش عامل اعلان في الجريدة عن بيع لقطعة أرض
علاء / ايوه بس دا من فترة والأرض اصلا مش بتاعتي دي بتاعت كريم اخويه
هشام / اوك مفيش مشكلة
نتقابل ونتفق وانا معنديش اي مشكلة في السعر بالعكس سعرها معقول جداً بس اشوفها واتحقق منها
علاء / بصراحه ياهشام هو كريم اخويه كان عايز يبيعها لمصلحة كده بس مكملتش مش عارف بقى رجع في قرار البيع ولا لأ
هشام / طيب تمام... اسأله
علاء / حاضر هسأله وارد عليك
هشام / اوك تمام... سلام
________________
أنت تقرأ
أنت قلبي🧡🥀الجزء الأول.
Genç Kız Edebiyatı#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
