أنت قلبي🧡🥀الجزء الأول.

الحلقة ٥٨

((الحلقة الثامنة والخمسون))
#انت_قلبي
#بوسي_مصطفي
__________________
في شقة كريستينا
ماريا قاعده على الكرسي ومحمد نايم على السرير بيعيط
ماريا وهي باصه ناحيته وايدها مقربه من رقبته
الفون يرن متردش
الولد بيعيط... ماريا عينها بتلف في كل مكان حواليها ومبرقه وبتاكل في صوابع ايدها
عينها جات على المخده قامت وقعدت على السرير اخدت المخده وقربتها من الولد وهو لسه بيعيط حطتها على دماغه
الولد يصرخ تبعد المخده عنه يصرخ اكتر تقربها منه تاني وتضغط بيها على بوقه
كريستينا تفتح باب الشقة وتدخل
_____________________
تسمع صوت الولد بيصرخ تجري تفتح باب الاوضة
وتصرخ / مارياااااا
وجريت اخدت الولد وحضنته وهو بيصرخ وبيعيط
كريستينا /
I was doing my work
(كنتي بتعملي ايه)؟
بصت لها ماريا وسكتت
صرخت كريستينا وكلمتها بلهجتنا اللبنانية
كريستينا / عم بسألك بتعملي ايه ماريا
بتقتلني محمد؟!
ماريا / ومين قتل جاك
كريستينا / محمد قتل جاك؟!
ماريا / محمد بكره يكبر ويقتل كلنا مام هما مش يحبونا انتي عارفه كده كويس
كريستينا / ماريا
فريدة تعبانه كتير البيبي اللي في بطنها مات وكريم حزين  عليها وعلى البيبي
ماريا سكتت
كريستينا / البسي وتعالى معايا نشوفها
ماريا هزت راسها وقعدت
كريستينا / خلاص هروح انا واخد محمد لفريدة
خرجت كريستينا من الشقة وهي حزينه للحاله اللي وصلتلها بنتها
__________________

في شقة والدة عمر
على السفرة
عمر / تسلم ايدك ياماما
سوسن / مجيبتش مراتك معاك ليه
عمر / ياسمينه عند مامتها
سوسن / وفيها ايه لما كانت أجلت زيارتها لمامتها وجات معاك
عمر / ماما عايز افاتحك في موضوع كده مش عارف ينفع ولا لأ
سوسن / انت ياعمر هتتكسف منى ولا ايه
عايز فلوس؟
عمر / لا الموضوع مش كده بس حضرتك يعني كنتي قولتي إنك هتشتري بيت جدتي ومن وقتها مفتحتيش الموضوع تاني
سوسن / ايوه خلاص م انا يعتبر اشتريته
عمر / ازاي
سوسن / مش البيت دا ليه انا وخالك
عمر / اه
سوسن / خلاص يبقى الجزء بتاعي خلصان مفيش غير الجزء بتاع ياسمين وفيروز وادي الجزء بتاع ياسمين كمان خلصان يبقى مفيش غير فيروز هروح اديها حقها واكتب عقد البيت بأسمي
عمر / تمام بس في حاجه مش فاهمها يعني ايه الجزء بتاع ياسمين خلصان
دا انا مفهمتش؟
سوسن / هي ياسمين دي مش تبقى مراتك
عمر / اه
سوسن / يبقى خلاص وبعدين اصلا نصيبها ليك
عمر / ازاي يعني ياماما نصيبها ليه لا طبعاً دا حقها وهي حره فيه
سوسن / انا اللي هاخد البيت ياعمر
عمر / ماشي ياماما م حضرتك هتاخديه بس نشوف حد يتمنلنا البيت ونشوف نصيب فيروز وياسمين هيطلع كام وياخدوا  نصيبهم
سوسن / نصيب فيروز بس إنما مراتك معانا ولو مصمم يبقى ادفعلها على مهلي مع إنها قلة ذوق اصلا إنها تاخد مني فلوس
عمر / قلة ذوق في ايه ياماما
دا ميراثها وحقها دي مفيهاش زعل
سوسن / وانت محموقلها اوي ليه كده
عمر / محموق للحق ياماما
سوسن / خلاص انا بقيت ظالمه ياعمر
عمر / مقصدش بس تفكيرك اللي مندهش منه بجد عاوزه تاخدي نصيب ياسمين و تقولي ماهي مرات ابني ماله ده ومال حقها مش فاهم
سوسن / خلاص ياعمر قولتلك هديها نصيبها بس على مهلي بقى الفلوس اللي معايا متقضيش ادفع للاتنين
عمر / خلاص يبقى خرجيني من الموضوع دا خالص وكلامك مع ياسمين وهي صاحبة الشأن توافق ترفض هي حره ودا مفهوش زعل ياماما
سوسن / طيب ياحقاني
__________________