((الحلقة السادسة والثمانون))
#انت_قلبي
#بوسي_مصطفي
__________________
يوم الأحد.. في الجامعه
هدى لسه داخله من بوابة الجامعة تلاقي معتز في وشها
هدى / انت بتعمل ايه هنا
معتز ببتسامة / صباح الخير الأول
هدى / صباح النور... مقولتلتيش ليه انك جاي
معتز / بصراحه مكونتش هاجي بس مقدرتش
هدى / مش فاهمه
معتز / فطرتي
هدى / اه
معتز / بس انا مفطرتش
م تيجي نفطر ونحبس بكوباية شاي
هدى / لا متشكره انا شبعانه
معتز / هو انا بعزم عليكي هههههههه ايه شبعانه دي
هدى / اصل انا متعوده افطر بدري وبعدين عندي محاضره الساعه تسعه ومتأخره بعد اذنك
تلمح هنادي تجري ناحيتها وهي بتنادي عليها عشان توقف
هدى وقفت قدامها / ايه ياهنادي كل دا ومش سامعاني انا قلبي وقف من الجري وراكي
هنادي / لا ألف سلامة عليكي
هدى / مالك ياهنادي
هنادي / مفيش مش ناويه تدخلي ولا ايه
هدى / طب ثواني
كان معتز بيتصل
هدى / معلش يامعتز انا داخله دلوقت المدرج بتاعي
معتز / علي فكرة انا كنت بكلمك لما سبتيني ومشيتي
هدى / انا اسفة بس متأخرة والدكتور دا مبيدخلش حد بعد عشر دقايق من المحاضره هقفل وابقى اكلمك لما اخرج سلام
هنادي / مش يلا بقى
هدى / يلا بس اما نخرج ليه قعدة معاكي اشوف ايه حكايتك
______________
في شقة كريم
فريدة / تروح وترجع بالسلامة ياحبيبي متتأخرش ياكريم
كريم / هو انا لسه نزلت
عايزك تاخدي بالك من نفسك ومن محمد والبيبي وتتغدي كويس مش عشان انا مش موجود متاكليش
فريدة / حاضر محسسني انك مسافر شهر مثلاً
دول كلهم كام ساعه يعني
يحضنها ويبوسها في خدها / متقعديش لوحدك ابقى انزلي لماما اقعدي معاها
فريدة / لا متقلقش من الناحيه دي ندي موجوده ومامتك ومامتي انا اللي عايزاك تاخد بالك من نفسك ياحبيبي
وتسوق على مهلك
كريم ببتسامة/ حاضر يافراولة
فريدة ببتسامة / سلام ياكيمو
تحت قدام شقة منيرة سارة خارجه وبتسلم على منيرة
منيرة / اوعي تعجبك القعده هناك وتنسينا
سارة / لا متخافيش انا هرجع عشان مدرستي
منيرة / تروحي وترجعي بالسلامة ياسارة
كريم نازل من فوق / يلا ياسارة
سارة ببتسامة / يلا ياكريم
فريدة فوق واقفه على السلم ومتابعه كل حاجه
منيرة تلمح فريدة فوق / اومال محمد فين يافريدة
فريدة / تحت ياماما عند طنط سميرة
منيرة / طب انزلي يابنتي
فريدة / حاضر هقفل باب الشقة وجايه
رحمه طالعه بولادها
منيرة / تعالى يابنتي
اهلا حبايب تيته وتاخد الولاد في حضنها
ادخلي يارحمه
رحمه تدخل جوه وتقعد تستريح
منيرة / ايه مالك تعبانه
رحمه / قرفانه
منيرة / من ايه بس يابنتي
رحمه / من الراجل اللي انا متجوزاه دا ياماما
منيرة / عمل ايه بس يابنتي
رحمه / البيه بقاله يومين في البلد ولسه راجع امبارح وعملي فيها زعلان ومبيكلمنيش سيبته يتحرق هناك انا مش ناقصه حرقة دم
منيرة / بس طولي بالك يابنتي
الأمور متتحلش كده انتي عصبيه اوي يارحمه والرجاله مبتحبش كده يابنتي
رحمه / رجعت البيت وانتهى ليه بقى مكشر وزعلان مفروض يعني اعمله ايه اروح اعتذرله مثلاً
منيرة / يابنتي الرجاله دي عامله زي العيال الصغيرة تخسريهم بالعند وتكسبيهم بالمسايسه والطبطبه
طب اقولك افتكري بس وانتي مروحه تعدي على الكوافير تعملي شعرك وتظبطي نفسك كده وتشتريلك فستان حلو وتجيبي أكلة حلوه وتروحي تلبسي وتتشيكي وتجهزي السفرة وتكوني منيمه العيال هههههههه وشوفي بقى لما يرجع ايه اللي هيحصل
رحمه / هههههههههه انتي متأكدة إنك ماما
منيرة / هنغلط بقى؟
رحمه / لا يامرمر بهزر معاكي اصل مستغربه من نصايحك دي حاسه إنك واحدة صاحبتي ايه التفكير ده
سيبك بقى من جوزى ومني وقوليلي البت اللي نازله مع كريم أبن عمي هي بنت صاحبه اللي كنتو بتقولوا عليها انها جايه معاه
منيرة / اه هي يابنتي
رحمه / ابوها اكيد سايبلها فلوس كتير
منيرة / معرفش
رحمه / كريم تلاقيه عارف اومال لازقلها ليه
منيرة / عيب يابنتي الكلام ده
انتي تعرفي إن دي اخلاق جوز اختك
رحمه بسخريه / ليه مش راجل زي بقيت الرجاله ياماما
تلاقيه هينوبه من الحب جانب وياخدله كام مليون ولا حاجه اومال هيشتغلها كده ببلاش
منيرة / ابن عمك مش محتاج يارحمه دا متبرع بالأرض بتاعته عشان يعمل مستشفى كبيرة
رحمه / واللي بيعمل خير بيقول ياماما
منيرة / هو مقاليش بس فريدة اللي قالتلي
رحمه تسكت بتنهيدة
جرس الباب يرن
يقربوا ولاد رحمه عايزين يفتحوا الباب
رحمه / لا انت ولا هو.. انتو ربع الباب أساساً
منيرة تفتح الباب / فريدة
تعالي يابنتي
فريدة تلمح
ولاد رحمه
منيرة / منيرة تعالي يابنتي واقفه ليه
فريدة / لا ياما معلش اصل كريم سايب محمد تحت هنزل اجيبه
منيرة / طب ابقي هاتيه وتعالي
__________________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
