((الحلقة الثالثة والثمانون))
#انت_قلبي
#بوسي_مصطفي
__________________
فريدة / الطيارة هتوصل الساعة خمسه العصر
َمنيرة / طيب يابنتي يجي بالسلامة
رحمه / والمطلوب بقى نعملك ايه
فريدة / على فكرة انا بتكلم مع ماما مكلمتكيش انتي
رحمه / نعم!
انتي هتنسي نفسك ولا ايه يافريدة
فريدة / ايه هنسي نفسي دي
اتعدلي وانتي بتكلميني يارحمه ومتنسيش اني اكبر منك
رحمه / م انا عارفه إنك اكبر مني سنا بس عقلك صغير
فريدة / ماما سكتيها عشان مقولش كلام يزعلها
رحمه / هاتقولي ايه يافريدة
هتقولي اني اتجوزت اللي كنتي بتحبيه ولا عشان انا احلى منك فغيرانه مني
منيرة / ايه الكلام اللي بتقوليه دا يابنتي عيب كده
رحمه / هي دي الحقيقه ياماما كل اللي بيشوفني بيقولي انتي اجمل من فريدة وشخصيتك اقوي منها وحياتك افضل من حياتها انتي بتشتغلي وبقي ليكي اسم ومكانه كبيرة ومكتبك بيشتغل كويس انتي تستحقي تعيشي افضل من كده
حسدوني وهما مش عارفين اني بالرغم من كل اللي عندي لكن معنديش حد يحبني مفيش راجل ارتبطت بيه حبني
منيرة / اومال جوزك دا ايه يابنتي
رحمه / جوزى!
جوزى بيحبني عشان الولاد دا بيسيبني نايمه ويروح ينام جنبهم لو مش هما مكانش اتجوزني هيتجنن دلوقت عشان ارجع بس انا ناويه ارجع من غيرهم عشان اشوف هو ليه مبيحبنيش
فريدة / مش يمكن انتي غلطانه وبعدين هو قبل م يحبك ويعرفك كان يعرف إن عندك اولاد ومش فاهمه برضو ليه ارتباطه بالاولاد مضايقك كده مفروض تبقى فرحانه
رحمه / فرحانه!
وائل اتجوزني عشان عارف إن ولادي هيبقوا ولاده بس الموضوع قلب لقعد نفسيه مبقاش شايفني قدامه كل اللي هو عايزه إنه ياخد الولاد في حضنه ويسمع منهم كلمة بابي وبس
منيرة / يعني سايبه بيتك وقاعده لوحدك عشان كده انتي مفروض تفرحي إنه بيحب ولادك
رحمه / بيحب ولادي لكن مبيحبنيش
فريدة / جيبتي الكلام دا منين؟!
رحمه / متبعتيش هنادي ليه تاني عشان انا مش هرجع البيت غير بمزاجي
فريدة / انا مبعتهاش ولا اعرف انها رايحالك وبعدين انا قولتلها خرجيني من الموضوع ده
رحمه / ليه يافريدة؟.. ليه؟
فريدة / ليه ايه؟!
رحمه / ليه كل واحد تدخلي حياته يبقى هيموت عليكي ويعمل المستحيل عشان يوصلك
ليه إيهاب حبك انتي بالذات ومشافش غيرك مع اني كنت احلى منك لكن عمره مهتم بيه وقلبه دايماً كان معاكي
ليه كريم يحبك برضو وحتى لما يطلقك وتروحي تتجوزي بعده يرفض هو يتجوز وتبقى اول واخر ست في حياته حتى يحي طليقك متجوزش لحد دلوقت وحياته ادمرت بسببك
انا بكرهك يافريدة
منيرة / ايه اللي بتقوليه دا يارحمه
رحمه / ايوه ياماما بكرهها هي السبب في كل اللي انا فيه دلوقتي
فريدة / انا؟!
ع العموم مش هرد عليكي
رحمه / ايوه انتي يافريدة
انتي سبب في كل حاجه وحشه حصلتلي من اول إيهاب لحد دلوقت
فريدة / انا!
ليه كنت قولتلك روحي حبيه واتجوزيه وهو مبيحبكيش كنت قولتلك روحي خدي صوري وابعتيها لكريم ودمري حياتي وضيعي احلى سنين عمري؟
دفعتيني تمن مكونتش استحقه يارحمه بس غلطه بس عملتها وانا صغيرة ومكونتش مدركه إن دا التمن اللي هدفعه
طلاقي من كريم كان بسببك وجوازي من يحي وكسر قلب الإنسان اللي حبني كان بسببك
فكري انا عملت فيكي ايه عشان تدمريني وبالرغم من كل دا انا مبتمناش ليكي حاجه وحشه
وعايزاكي تقولي... الحمد لله... على كل اللي انتي فيه
رحمه / بس انا بتمنالك كل شر يافريدة
منيرة / اتجننتي يارحمه... اسكتي بقى متتكلميش تاني بالشكل ده
رحمه / ايوه ياماما بتمنالها كل شر يحصلها
ليه هي تاخد كل حاجه بيت وزوج بيحبها وأولاد؟
وانا لأ
انا بتمنى إن جوزك يطلقك او تحصله حاجه تكسرك
فريدة بتعيط / حرام عليكي يارحمه انا عملتلك ايه لكل دا
انتي متعرفيش ايه اللي ضاع مني عشان يبقى عندي الحاجات اللي انتي شايفاها دي
بس بقول... الحمد لله
دايما... ومش عايزة اي حاجه تمس كريم... عشان هو ميستحقش حقدك ده
رحمه تقرب من فريدة عايزة تضربها
رحمه / انا بحقد عليكي يافريدة
منيرة توقف م بينهم
منيرة / بس كفايه اللي قولتوه لبعض لحد كده ياخسارة تربيتي فيكم
فريدة / انا ياماما
تصرخ منيرة في فريدة / بس اخرسوا مش عايزه اسمع صوت واحده فيكو
فريدة / انا قولتلك قبل كده ياماما إن بنتك دي محتاجه علاج نفسي دي مستحيل تبقى إنسانه طبيعيه زينا
رحمه / انا يافريدة
ليه شايفاني مجنونه ولا بقطع في شعري بس ماشي جنان بجنان بقى قربي عشان ابقى مجنونه بجد
فريدة بتصرخ منيرة بتبعد رحمه عن فريده
منيرة / سيبي اختك هتسقطيها
رحمه / ياريت عشان يبقى دا اول خبر يسمعه الدكتور بتاعها عشان يطلقها أصلها فاكره إنه بيحبها بجد مش عارفه انه اتجوزها عشان يلحق اللي باقي من عمره ويخلفله عيال يلحق يربيهم قبل م يوصل لسن الأربعين
فريدة / ملكيش فيه أربعين بس قلبه خمسه وعشرين مش بالسن يارحمه
ولما هو مش عاجبك وشايفاه كبير بتحسديني عليه ليه ولا هي فراغة عين وبس
طول عمرك باصه للي في ايد غيرك وعمرك مشوفتي إن اللي في ايدك احلى بس هقولك ايه هتعيشي طول عمرك مهمومه ومخنوقه عشان قلبك الأسود ده اللي اتعلم يحقد على كل الناس
بتزقها رحمه وكانت هتوقعها
تقعد فريدة وهي تعبانه
منيرة / مالك يافريدة
فريدة بتعيط / حاسه بوجع جامد في ضهري ياماما
منيرة / طب اقعدي استريحي ولا ادخلي نامي على ضهرك جوه
فريدة بتصرخ / حاسه اني بسقط ياماما
منيرة / ياادي المصيبه اطلعي يارحمه صحي اخوكي يودي اختك للدكتور
رحمه / مش طالعه لحد
ودخلت اوضتها وقفلت على نفسها
طلعت منيرة جرى لفوق نزل حازم ومعاه ندي
ندي / ماهو مينفعش يافريدة لازم تروحي للدكتور
فريدة / هنام وهبقي كويسه
حازم / انتي مش خايفه على نفسك نوم ايه اللي هتناميه بالشكل ده
فريدة / لو نمت على ضهري هبقي كويسه انا عارفه سنديني ياندي اطلع استريح في شقتي
لازم ابقى كويسه قبل م يجي كريم
حازم بانفعال / كريم... كريم
كل اللي هامك كريم
بصي لنفسك وصحتك الأول ولا هو مفيش حاجه تهمه غير اللي في بطنك
فريدة تزعق في ندي / سنديني يلا
حازم لندى / وسعى كده
وشال فريدة وطلع بيها فوق
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
