أنت قلبي🧡🥀الجزء الأول.

الحلقة ٦٤

((الحلقة الرابعة والستون))
#انت_قلبي
#بوسي_مصطفي
__________________

طارق / متوافقيش على حاجه انتي مش مقتنعه بيها
الحاجه امينه / ماهي بتقولك ياابني انها موافقه
خلينا افرح بيها بقى قبل م اموت
طارق يبوس ايد مامته / بعد الشر عليكي ياامه
الحاجه امينه / قولتي ايه يانرمين
نرمين / موافقه ياامه.
قالتها ودخلت اوضتها بعدها على طول
هنادي / الفطار جاهز ياامه الحاجه البيت نور
البيت دا ايه؟
دي مصر كلها نورت
الحاجه امينه / متحرمش منك ياهنادي... تسلم ايدك يابنتي
طارق / هو سعيد راح فين ياامه
الحاجه امينه / قال رايح لواحد صاحبه
طارق / هو جايلي بقى ولا جاي لصاحبه
الحاجه امينه / الظاهر في شغل بينهم... سيبه يمكن حاله يتعدل
طارق / ليه ياامه... هو في حاجه حصلت وانا معرفهاش ولا ايه
الحاجه امينه بتاخد مازن  على رجلها / اخوك عايز يبيع الأرض ويشتري ملك في مصر ياطارق
طارق / وماله ياامه سبيه يعمل اللي هو عايزة
الحاجه امينه / يبيع ارض ابوه وجدوده ياابني... لا ياطارق مش على حياة عيني
لما اموت ابقوا اعملوا اللي تعملوه
متموتنيش بحسرتي ياابني
طارق / بعد الشر عليكي ياامه
الباب يخبط يقوم طارق يفتح الباب
طارق / ايه ياسعيد مش عايز تقعد معانا ولا ايه
سعيد / كنت بخلص مصلحة كده قبل منسافر
طارق / اوعوا تقولوا انكو مسافرين الليلة
الحاجه امينه / بعد صلاة الجمعه على طول عشان نلحق نرجع البلد في النور
طارق / اقعدوا معانا ياامه اسبوع ولا حاجه انتو وحشنا قوي
الحاجه امينه / اني ابعد عن الدار والبلد اسبوع؟!
دا لا يمكن ابدا... انا عامله زي السمك لو طلعت من المياه اموت
قولي بس عامل ايه في شغلك
طارق / الحمد لله... ياامه كله تمام
سعيد / ها ياامه نرمين قالت رأيها في العريس اللي اتقدملها
الحاجه امينه / بتقول موافقه
طارق / ادخلي ياهنادي لنرمين قوللها تيجي تفطر
هنادي / ماشي بس شيل مريم علي رجلك شويه
الحاجه امينه / مالها مريم ياابني
طارق / مش عارف ياامه صاحيه مقريفه الظاهر دي بتسنن
الحاجه امينه / اه هو التسنين بيعمل كده في العيال خد بالك بقى عشان متسخنش منكو
طارق / مراتك والولاد عاملين ايه ياسعيد
سعيد / الحمد لله... كلهم بيسلموا عليك
طارق / واخواتي البنات وولادهم ومحسن ومراته وولاده عاملين ايه
الحاجه امينه / كلهم كويسين ياابني.. ابقى تعالى ياطارق بقالك كتير منزلتش البلد
طارق / إن شاء ﷲ
ننزل قريب ياامه
سعيد / في خطوبة نرمين بقى
م احنا ناوين نعملها خطوبة محصلتش اخر العنقود بقى
نرمين / ازيك ياسعيد
قام سعيد وبيسلم على نرمين
سعيد / الحمد لله
ايه يانرمين مش عايزة تشوفي البلد ولا ايه
نرمين / شكلنا هنزورها قريب زي م بتقول
ابتسم سعيد وقعد يفطر
الحاجه امينه / اقعدي يابنتي افطري
سعيد / شوفتي عريسك يانرمين
نرمين سكتت وهي مكسوفه
الحاجه امينه / بكره تشوفه وتحقق منه
طارق / دا هو اللي بيتصل
سعيد / طب رد عليه شوفه عايز ايه
طارق / وعليكم السلام
النهارده... تشرف طبعاً
ماشي هقولهم... طيب سلام
سعيد / في حاجه ياطارق
طارق / البشمهندس بيقول إنه جاي بعد... صلاة الجمعه
عايز يشوفك انت وامي
الحاجه امينه / فيه الخير
بس ميتاخرش بقى عشان احنا كمان منتاخرش ونرجع البلد في النور
طارق / مجاتش من يوم ياامه اقعدي معانا
هنادي / اه ياامه الحاجه عشان خاطر
دا مازن مش عايز يسيبك من اول م جيتي
الحاجه امينه / م انتو لو بتيجو كنت شبعت من مازن وابو مازن بس شكلك كده اتعودتي على عيشت مصر يا هنادي
هنادي / طب اسألي طارق كده اني بتحايل عليه ازاي عشان انزل اشوف ابويه وامي بس المدرسة بقى هنعمل ايه
الحاجه امينه / والجامعه كمان
الف مبروك ياهنادي
هنادي / انتي عرفتي ياحاجه
سعيد / مبروك ياام مازن
هنادي / متشكره ياابو حامد
عقبال حامد ونرمين
______________