((الحلقة السابعة والخمسون))
#انت_قلبي
#بوسي_مصطفي
_____________________
في شقة كمال ونادين
كمال داخل الاوضة وفي ايده صنيه يحطها على الطربيزة وياخد الكوبايه
كمال / عملتلك كوباية شاي بالنعناع هتروق مزاجك
نادين / هههههههههههههههه انت فايق ورايق ياكمال
كمال / هي ياسمين مالها يانادين
نادين / مالها مش فاهمه؟
اه عشان تعبانه يعني... م انت عارف الحمل بقى والوحم والجو حر ودي ياحبيبتي بتشتغل كمان
كمال / لا بس انا حاسس ان في حاجه تانيه ابقى اقعدي معاها وشوفيها مالها
نادين / هتقلقني ليه ياكمال هو انا ناقصة
كمال / روحتي لوليد
نادين / اه نزلتله... هدى قالتلي إنه جه سأل عليه وانا نايمه
بصت لكمال واتنهدت وسكتت
كمال / ايه يانادين في حاجه ولا ايه
نادين / وليد مستعجل وعايز يعمل الفرح اخر الشهر الجاي
كمال / وايه المشكله وافقي ملوش لزوم تطولي الخطوبة اكتر من كده.
نادين / كنت مستنيه دوري في الجمعيه و لسه تلات شهور لما اقبض
كمال / اسمعي انا معايا مبلغ مش بطال هننزل انا وانتي وفيروز وتختار حاجتها على ذوقها وسيبي الباقي عليه ولو مش عاوزاني معاكو عشان تبقوا براحتكوا خدي الفلوس وانزلوا من بكره
نادين / بتقول ايه ياكمال
انا اخد الفلوس اللي محوشها لجهاز هدى دا ابقى معنديش نظر
كمال / فيروز وهدى واحد
يانادين كلامك دا زعلني اوي
نادين / ياحبيبي مقصدش بس مش هنضحك على بعض ياكمال بنتك ملزومه منك انت وبنتي ملزومه مني
انا عندي المحل كنت سايباه للزمن مبقاش له لازمه خلاص هجهز فيروز بجزء منه والباقي لسيف هحاول اظبطها بالتساوي كده عشان مظلمش حد فيهم وهجزها زي ياسمينه وكده ابقى ارتحت
كمال / بصي اعملي اللي يريحك بس انا كمان ليه في فيروز زيك واعتبري المبلغ ده هديه جوازها
نادين /"اسمع مني بس احنا لسه عندنا مصاريف كتير انت ناسي إن عندك عروسه وكمان سيف لسه في اول الطريق لازم تعمل حسابك
كمال / تصدقي هدى جات من الجامعه م سالتهاش عن أي حاجه
نادين / ادخلها قبل م تنام هدي حساسه اوي وبتكتم في قلبها اوعي تهلمها ولا حاجه تشغلك عنها
كمال / انتي اللي شاغله بالي يانادين
نادين / هههههههههههههههه روح شوف بنتك وبعدين نبقى نشوف بالك المشغول دا يااستاذ
كمال / دماغك هي اللي مش مريحاني
نادين / تاني ياكمال بص وهيجيبهالك من الاخر انا عارفه انا عندي ايه ومش زعلانه خالص بالعكس انا بحاول اسعد ولادي اهوه عشان لما اموت ميكونش ناقصهم حاجه
كمال وهو بحضنها ومدمع / عارفه إن كلامك دا بيموتني انا
نادين / هههههههههههههههه هو انت كنت فاكرني مش هموت ... م انا مسيري اموت
كمال / مش عايزه تقفلي على السيرة دي ليه وبعدين اوعي تفتكري اني هسيبك تتصرفي كده بمزاجك لا ياحبيبتي. احنا هنروح لكذا دكتور واللي هيتفقوا عليه هو اللي هنعمله
نادين / ماشي بس روح شوف هدى واقفل النور وانت خارج
كمال / حاضر
___________
في فيلا مراد
امل قاعده على السرير بتقرا روايه ومندمجه اوي في الأحداث
يدخل هشام يلاقيها صاحيه
هشام / امل انتي لسه صاحيه
امل وهي بتقرا ومبصتلوش / اه
هشام / منمتيش ليه
امل / مش لازم انام ع فكره
هشام بيقعد وهو تعبان بيحاول يخلع القميص ينام
امل بصت ليه / انت هتنام كده
هشام / تعبااااان ونفسي بس انام
اقفلي النور اللي جنبك ده
امل / وهشوف ازاي
هشام / ماهو انا مش هعرف انام بالشكل ده
امل / اوك هطلع اكمل قرايه في البلكونه
هشام / امل انتي ليه مصره إنك كل موقف تقلبيه بالشكل ده
يعني مينفعش تريحني وتسمعي كلامي ولا لازم العند ده.
امل / انت راجع من عند نور مضايق اصلا ونفسك تتخانق
هشام / عندك حق
امل / واخرتها
هشام / متخانقه مع جوزها ومش ناويه تجيبها لبر غلبت اقولها متتدخليش في اي موضوع يخص اخته او باباه مبتسمعش الكلام في الاخر خصام ونكد في البيت
امل / هي عندها حق تضايق بس بطريقتها دي هيتخنق منها ويطفش
هشام / قولي لنفسك
امل / ههههههههه اقول لنفسي ايه
هو انا اللي برجع من شغلي متأخر ولا انا اللي نسيت اني متجوز اصلا
هشام / تصدقي كل ليلة افكر انتي ليه مفتحيش معايا الموضوع ده من آخر ليلة اتخانقنا فيها
امل / مش هتخانق عشان انا مبقاش عندي اعصاب للخناق
اصلا.. َعيش حياتك ياهشام زي م انت عاوز وانساني خالص كاني مش موجوده
هشام / احنا اتكلمنا في الموضوع ده مية مرة وقولتك بعمل مستقبل لولادنا
امل / وانا
هشام / انتي الأساس ياامل وعارفه كده كويس
امل / مبقتش عارفه اي حاجه
هشام انا عايزة أرجع الشغل
هشام / تاني ياامل وبعدين انتي لو شغلتي وقتك بالولاد صدقيني مش هتلاقي وقت اصلا تفكري فيه.
امل / يااااه هي دي بقي حل المشكله اننا ننسى بعض
يعني حياتي اما للبيت او لولادك انا بقى عايزة ايه نفسي في ايه مش مهم
هشام / مالك بس ياحبيبتي
امل / حبيبتك ياااه ياهشام دا نسيت الكلمة دي من زمان
هشام / ايوه حبيبتي اللي مليش غيرها وعارف إنك جدعه واستحملتي كتير عشان البيت دا يستقر وعارف كويس إنك تعبانه من بعد وفاة بابا بس مش ب ايدي
امل وهي مدمعه / ياااه ياهشام دوست على الجرح اوي دا انا مبصدق انسى شويه
هشام / وانا مش تعبان ياامل؟!
انا بلهي نفسي في الشغل عشان مفكرش في اي حاجه
امل انا تعبان ومش عاوز اتكلم اطلعي اقري الكتاب اللي معاكي وسبيني انام
امل خارجه للبلكونه بصت ناحية هشام كان بيتغطي عشان ينام
رجعت تاني ليه وقعدت جنبه
امل / هشام
هشام بصوت مخنوق / نعم
امل / متنامش وانت زعلان
هشام وهو بيتغطا / روحي ياامل
قربت امل اكتر / لا مش همشي
هشام / طب انتي عاوزه ايه دلوقتي
امل وهي بتعيط / عاوزاك تحضني
التفت هشام ليها واخدها في حضنه / لازم تنكدي عليه يعني عشان تقوليلي إنك محتاجاني
امل وايدها ع بؤه / اششش سبيني استريح بقى
هشام / هههههههههه انتي مجنونه
امل / ماهي دي راحتي
مبرتحش غير في حضنك ياهشام متبعدش عني تاني
هشام / هبعد اروح فين بس م انا معاكي اهوه
امل / وعقلك فين؟
هشام / معاكي برضو
امل / بطلت تتكلم معايا ليه
هشام / برجع تعبان اعذريني مش كل يوم هيبقى ليه نفس ارغي واهزر
امل / طب احكيلي عملت ايه النهاردة
هشام / عادي يعني زي كل يوم
امل / مفيش جديد يعني
هشام وهو بيرفع شعرها وبيرجعه لورا / الجديد إن حبيبتي مكلبشه في رقبتي ومش عاوزه تسيبني هههههههه
امل / مضايق
هشام / لأ بس
وبص للساعه
امل / اوك نام ياهشام
هشام / من غير زعل
امل / لا مش زعلانه
هشام اخدها في حضنه ونام
شويه وقامت امل تكمل بقيت الرواية
_______________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
