: ((الحلقة الثانية والثلاثون))
#انت_قلبي
#بوسي_مصطفي
_________________________
في مكان مهجور في منزل محمود
محمود بغضب / غبي... غبي
مين ال قالك تعمل كده
الشاب بارتباك / انا قولتله الباشا هيبهدلنا مسمعش كلامي
محمود / هو مين ده
حسن / انا يابشمهندس
محمود / انت ال قولتله يسيب البنت
حسن / مقدرتش اشوفها وهي بتعيط
لمحتها من ازاز العربيه قبل ميخرج
اول مره احسن الاحساس ده
مهما كنت وحش بس احساس الابويه ال جوايا مسمحليش إن اأذى بنتي واوجع قلبها وابعدها عن امها
محمود / لا ياشيخ قول كلام غير ده... بقى حسن آل قتل وسرق عنده قلب وضمير بيعرفه الصح من الغلط
حسن / كلنا يابشمهندس عندنا ضمير
بس في فرق بين الضمير ال موتناه بأخطاءنا وبين الضمير ال لسه عايش وبيفوقنا في الوقت المناسب
محمود بسخريه / لا ياجدعان مش مصدق هههههههههههه
مين ال بيتكلم انت حسن مش معقوله
حسن / انا مش هكمل اللعبه دي يابشمهندس
محمود / اوك... براحتك بس اسمع بقى الكلمتين دول مني
سفر ياحسن مش هتسافر
شوف حد بقى يساعدك ويأويك بعد كده
مش فاتحها سبيل انا
حسن / يومين بس اظبط حالي وبعدها مش هتشوف وشي تاني
محمود / انا مسافر الصبح تشوفلك مكان قبل م اخرج من هنا
حسن / بسرعه كده... طيب انا مرتبتش نفسي
محمود / انت يله مبتفهمش بقولك هسافر لوحدي
شوفلك مكان يتاويك المكان هنا اتهرش والبوليس احتمال يطب في أي وقت
تعالي ياسعيد عاوزك
سعيد / معاك ياباشا
وخرج محمود وسعيد يتكلموا بره
محمود /"حد لمحك وانت بتاخد البنت
سعيد / لا ياباشا
بس حسن بقى ال بوظ كل حاجه لما اتصل بيه وقالي اسيبها مكانها وم اخرجش بيها
محمود / غبي وبكره يندم
سعيد / بيني وبينك ياباشا انا كنت قلقان اصلا من حكاية الخروج بيها من النادي
الأمن كان ع البوابه والبنت بتعيط كانت هتفضحنا ونروح في داهيه
محمود / لا والأخ ال جوه دا طلع عنده قلب وبيحس بجد
سعيد / كلام بيني وبينك ياباشا تلاقيه كان خايف ياخدها ميعرفش يصرف عليها البت باين عليها إنها بنت عز متنفعش مع حسن ده
محمود / اسمع جهز كل حاجه عشان مسافرين الفجر
سعيد / حاضر ياباشا كله هيبقى تمام
محمود / المركب هتتحرك اربعه الفجر لازم نبقى هناك من قبلها
سعيد / وحسن دا هنعمل فيه ايه
محمود / مش احنا ال هنعمل
البوليس هو ال هيعمل كل حاجه
بسرعه بقى عشان مفيش وقت
_____________________
في فيلا مراد
امل /"الحمد لله... إنها بخير ياوعد اهدي بقى واقعدي
ليلي / مامي سيبني بقى
وعد / مين ال قالك تعالى نروح لمامي
ليلي / راجل معرفوش
امل / خلاص سيبي البنت
اطلعي ياحبيبتي العبي مع اخواتك
اقعدي بقى ياوعد
وعد / شوفتي ياامل ال حصل بنتي كانت هتروح مني في غمضة عين
امل / بعد الشر عليها ياحبيبتي
وعد / انا خايفه اوي ياامل معنى إنه يدخل النادي بسهوله كده يبقى احتمال يروح المدرسه يخطفها من هناك
امل / لا مش هيقدر هو سابها عشان خاف يتمسك بيها عند البوابه الموضوع مش سهل كده ياوعد
وعد / ودا أب دا
ال يعمل كده في بنته مش كفايه ال عمله فيه وفيها زمان
امل / المهم دلوقت إن بنتك في حضنك..... تاخدي بالك منها بقى
وعد / انا خايفه تخرج من البيت
ياخدها مني
مش عارفه اعمل ايه
امل / بكره يتمسك ونترتاح منه
وعد / ياريت ياامل... ياريت
_______________________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
