(( الحلقة ١٠٦))
#انت_قلبي
#بوسي_مصطفي
________________
في فيلا مراد
امل داخله لهشام المكتب
امل / بتعمل ايه ياهشام
هشام / تعالى ياامل
امل بغصب / مش جايه
هشام / ههههههههه مالك بس ياحبيبتي
امل / سؤالك دا مستفز اوي يااخي
هشام / ههههههههه وشك بيبقى حلو اوي وانتي متنرفزه
امل / هشام كل سنه وانت طيب النهارده كان أول يوم العيد
هشام / ههههههههه طب م انا عارف
امل / بفكرك لتكون نسيت ولا حاجه
هشام / ههههههههه لا منستش
امل / طب بكره تاني يوم العيد
مش هتروح الشغل بقى كفايه اجازة لحد كده
هشام / ههههههههه هتموتيني من الضحك
امل / انا اللي هموت بسببك
هشام / ليه بس ياحبيبتي
امل / يعني انا لما ازهق واطق من البيت اروح فين
لا اب ولا أم وليه حتى اخ لما اتخنق من الدنيا اترمي في حضنه
هشام / اخس عليكي ياامل ليه بتقولي كده
امل / عشان انت مش معبرني خالص من الصبح
اخدت الولاد وروحتوا تصلوا العيد رجعت نمت صحيت أكلت واخدت اخواتك وخرجتوا معرفش حتى روحتوا فين قولت مش مهم هيرجع ونقعد مع بعض ولا حتى يقولي تعالى نتعشا بره جيت جرى دخلت المكتب ولا كأني موجوده.
هشام / ياحبيبتي انا وصلت نور بيتها وقعدت مع وعد اتكلم معاها عشان تهدي الأمور بينها وبين جوزها لا روحنا ولا جينا حتي قعدنا في الشقة عندها وانا جاي اتصل بيه الدكتور كريم عشان اراجع شوية أوراق خاصة بالأجهزة اللي استوردناها من بره عشان في أخطاء كتيرة ولازم نديهم خبر اما يعوضونا او نرجعلهم الأجهزة ولازم دلوقت عشان في مدة محدده لمعاينة الأخطاء دي بعد كده هيبقوا غير مسؤلين عن أي عطل حصل في الأجهزة
امل / انا رايحه انام ياهشام تصبح على خير
هشام / استنى ياامل متناميش وانتي زعلانه
وقرب حضنها / حقك عليه متزعليش هعوضهالك بكره
امل بتنهيده / إن شاء ﷲ
هشام / طب فوكي التكشيرة دي بقي
امل / خلاص ياهشام شيل ايدك بقى دماغي وجعتني
هشام / طب قولي إنك مش زعلانه خلاص
امل / مش زعلانه خلاص
هشام / لا قوليها وانتي فرحانه
امل / ازاي يعني
هشام / يعني تضحكي وانتي بتقوليها
امل ببتسامة / خلاص مش زعلانه
هشام / طب استنى هجمع الورق دا عشان ميضعش واطلع معاكي
امل / اوكيه هساعدك
____________
في شقة كريم
فريدة نايمه وكريم حاول ينام معرفش بيفكر وقلقان ومش عارف يتصرف وحاسس إن اي قرار هياخده هيبقى في ظلم اما لفريدة او سارة
خرج وقف في البلكونه
كانت سارة قاعده بتذاكر في اوضتها خرجت تجيب حاجه تاكلها. .. لمحت كريم
قربت بهدوء التفت كريم بعد م حس بخطواتها
كريم بنبره حاده / منمتيش ليه
سارة / وانت منمتش ليه
كريم / انا اللي بسألك
سارة / معاملتك ليه اتغيرت اوي ياكريم انا مكونتش فاكره إن دا هيبقى رد فعلك بعد م اعترفتلك بحقيقة مشاعري ناحيتك
كريم / سارة خلينا نفكر بالعقل كده واركني قلبك دا شويه
سارة / عارفه اللي هتقوله
اني صغيرة ودا حب مراهقة وانك اكبر مني ومينفعش افكر ارتبط بواحد متجوز انا عارفه كل دا
بس مش قادرة اتحكم في عواطفي
كريم انا بحبك عارف يعني ايه بحبك
كريم / في فرق بين الحب والإعجاب
انا واثق مليون في الميه إن بعد سنتين تلاته لما تفكري في اللي بتقوليه دا هتقعدي تضحكي على نفسك
انتي محبتيش كريم
انتي اعجبتي بشخصية كريم اللي فيها كتير اوي من باباكي
انتي متعرفيش عني غير اللي ظاهر لكل الناس
الحب الحقيقي هو اللي بيني وبين مراتي
عشان اللي بينا اكيد محدش يعرفه غيرنا
هي مستحمله عيوبي وكل حاجه فيه
لكن انتي مش شايفه غير كريم اللي باين بس من بره إنه كويس اوي وانسان مثالي هي دي الصورة اللي واخدها عني
سارة / لا انا بحب كل حاجه فيك
هدوءك وعصبيتك حبك لكل اللي حواليك بس دا ميمنعش إن في ناس مبتحبهاش انا مش شايفه فيك صورة راجل مثالي بالعكس انا شيفاك انسان طبيعي زي كل البشر.
انا عارفه إنه صعب اوي تعترفلي بحبك
لكن انا هفضل احبك ياكريم
وفريدة عارفه كده كويس بدليل معاملتها ليه اللي اتغيرت تماما عن الاول
باقي خطوه واحده منك انك تتشجع وتقولها إنك بتحبني
كريم / مش عارف مين اللي وصلك المعلومة دي سارة انتي بالنسبالي بنت صاحبي وبس وبعتبرك اختي الصغيره بس كده
سارة / يعني محبتنيش كنت بتشفق عليه
كريم / لا طبعاً مش شفقه دا واجب بقدمه لصديق ليه
سارة بتعيط
كريم / ادخلي نامي ياسارة
سارة وهي بتمسح دموعها / مش هتعترف وتقولي بحبك
كريم / انا داخل انام تصبحي على خير
_________________
أنت تقرأ
أنت قلبي🧡🥀الجزء الأول.
Chick-Lit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
