((الحلقة ١٠٥))
#انت_قلبي
#بوسي_مصطفي
_________________
وقفت فريدة وهي ايدها على ضهرها وبتتألم من غير صوت
كريم يفتح الدولاب ويخرجلها هدوم بسرعه
فريدة ماسكه في باب الاوضه وبتصرخ
كريم اخدها من ايدها وبيغيرلها هدومها
فريدة بتصرخ... جريت سارة ناحية باب الاوضه
سارة / في حاجه يافريدة
فريدة بعد سماع صوت سارة صرخت اكتر
كريم / متخافيش ياحبيبتي انا معاكي
فريدة / هموت... ياكريم
كريم / اهدي خالص... إن شاء ﷲ
ولادتك هتبقى سهله... بس اهدي كده وانا معاكي متقلقيش
تعالي معايا يلا
كريم / البسي ياسارة وهاتي محمد
نظرت فريدة لسارة وهي بتصرخ
سارة / حاضر
_______________
في شقة كمال ونادين
نادين / يلا ياحبيبي الفطار جاهز
كمال ببتسامة / طب قربي اما اقولك
نادين / هههههههههههههههه هتقولي ايه
كمال / قربي بس يلا
نادين / اهوه قربت
كمال / كل سنه وانتي طيبه
ويحط في ايدها فلوس
نادين / وانت طيب ياحبيبي... بس مش كبرنا على العيديه بقى
كمال / لا هتفضلي صغيرة وتاخدي عيديه برضو
سيف / وانا يابابا
كمال ونادين اتخضوا
نادين / انت دخلت امتى
سيف / عاوز العيديه بتاعتي عشان انزل اشتري البندقيه اللي قولتلك عليها وانت طنشت
نادين / هههههههههههههههه
كمال / شايفه ابنك
نادين / اتفضل ياحبيبي كل سنه وانت طيب
سيف يحضن مامته ويبوسها في خدها / وانتي طيبه يامامتي ياحبيبتي... شوفت يابابا العيديه اللي تفتح النفس
كمال / هههههههههه مستعجل على رزقك ليه مش يمكن كنت تاخد اكتر من دي
سيف / كنت!
يعني ايه مش هاخد عيديه
كمال / لا ياحبيبي بهزر تعالي بقى اديني حضن وخد العيديه
سيف يحضن كمال ويبوس ايده
كمال / مبروك النجاح اهو كده تاخد عيديه كبيرة
سيف / انا عايز عجله
هدى / مش كان عندك واحده وكسرتها
سيف / مش انا اللي كسرتها الواد يامن هو اللي كسرها
هدى / ياخيبتك وكمان بتركبها للعيال
سيف / ملكيش دعوة
هدى / اللماضه دي مبنشوفهاش بره يعني ولا انت مبتتشطرش غير علينا
كمال / خلاص بقى ياهدي وقربي عشان تاخدي العيديه بتاعتك
هدى / عيديه ايه بس يابابا انا كبرت خلاص
نادين تغمزلها / يعني مش هتاخدي عيديه من الدكتور معتز
هدى بخجل / لأ
كمال / هههههههههه طب انا مليش دعوة بغيري انا بدي بنتي قربي بقى
تقرب هدى وتحضن كمال وتبوس خده وايده
هدى / كل سنه وانت طيب ياحبيبي
كمال / وانتي طيبه ياعروستنا
سيف / مش العروسة بتلبس فستان برضو ولا ايه
هدى / وانت مالك يالمض انت
نادين / الاكل جاهز على السفرة من بدري يلا بقى عشان انا جوعت
على السفرة
نادين / قربي العيش من بابا ياهدي
هدى / حاضر
كمال / م تيجي يانادين بتعملي ايه عندك
نادين / جايه اهوه بس كنت بشوف اللبن
هدى / بابا هو ينفع اخرج انا ومعتز ونروح نزور اخته
نظرت نادين لكمال وسكتت
كمال / هو اللي قالك كده
هدى / لأ انا اللي بقول يعني اروح اعيد عليها ينفع
كمال / لا مينفعش
هدى / ليه يابابا
كمال / عشان ياحبيبتي انتي مخطوبه دلوقت ل اخوها لما تبقو تتجوزوا يبقى وقتها ياخدك المكان اللي يعجبه
نادين / كمال انا هروح لياسمين وفيروز بعد الضهر جرس الباب يرن يجري سيف يفتح الباب
ياسمينه / سلام عليكم
يرددوا من جوه / وعليكم السلام
تقوم هدى بسرعه تاخد فريدة من ياسمين
هدى / ياصباح الفل على فراولتي
ياسمينه / صباح النور
نادين لنادين الصغيرة / تعالى يادودو لتيته
نادين / كل سنه وانتي طيبه ياتيته
نادين / وانتي طيبه ياقلب تيته اقعدي افطري
ياسمينه / فطرنا ياماما انتو اللي متأخرين
كمال / ازيك ياياسمين
ياسمينه / الحمد لله... كل سنه وانت طيب يامستر
كمال / وانتي طيبه ياتلميذتي النجيبه
ياسمينه / هههههههههه خلصت امتحانات
كمال / لسه في أسبوع بعد العيد
نادين / انتي هتنزلي الشغل امتى ياياسمين
ياسمينه / لا انا كده السنه بتاعتي خلصت هبدأ بقى على السنه الجديدة
إن شاء ﷲ
كمال / ماتيجي عندنا ياياسمين
ياسمينه / لا انا مستريحه في المدرسة اللي انا فيها
نادين / بعيده عليكي يابنتي
ياسمينه / اتعودت عليها خلاص
هي فيروز لسه مجاتش
نادين / هي قالتلك إنها جايه
ياسمينه / اه مكلماني الصبح وكانت بتلبس وجايه على هنا
كمال / الغايب حجته معاه
ياسمينه / وانتي ياهدي محدش لسه عيد عليكي
هدى / بابا حبيبي عيد عليه واخدت منه عيديه كمان
ياسمينه / مقصدش بابا انا اقصد حد تاني
هدى / هههههههههه لأ ريحي نفسك
ياسمينه / هههههههههه
كمال / كل سنه وانتي طيبه ياياسمين
ياسمينه / وانت طيب يامستر بس مش كبرنا بقى على العيديه والحاجات دي
كمال / لا مكبرتوش وحتى لو كبرتوا هتفصلوا تاخدوا مني العيديه برضو
كل سنه وانتي طيبه يادودو
نادين / وانت طيب ياجدو
ياسمينه / دا كتير اوي يامستر
كمال / هههههههههه دا ليها هي وفريدة
ياسمينه / هههههههههه وفريدة كمان
لا كده كتير.. قرب ياسيف سلم عشان تاخد العيديه بتاعتك
سيف / بس عايزها جديدة زي دي
ياسمينه / هههههههههه اهيه ياعم وجديدة كمان
هدى / مش هتبطل لماضه بقى
فيروز / سلام عليكم سايبين الباب مفتوح ليه
يرددوا/ وعليكم السلام
نادين / تعالى يافيروز
تقرب فيروز تسلم / كل سنه وانتو وطيبين
_____________
أنت تقرأ
أنت قلبي🧡🥀الجزء الأول.
Literatura Feminina#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
