((الحلقة 112))
#انت_قلبي
#بوسي_مصطفي
_________________
في شقة كمال ونادين
فريدة ماسكه بطنها / خلاص مش قادرة... لخبطت في الاكل وبوظت الدايت
ياسمينه / هههههههههه كلي يافريدة... دايت ايه ياحبيبتي احنا قايمين من ولاده وهفتانيين
امل / انتي عايزة تقعدي اسبوع من غير أكل يافريدة
داليا / بس الحقيقة الاكل يستاهل
تسلم ايد مامتك ياياسمين
ياسمينه / بألف هنا وشفا
هروح اجيب الحلو
فريدة بتمسح ايدها في منديل /حلو ايه بس ياياسمين خلاص كده كفايه
انا مش هعرف انام الليلة
ياسمينه / لا الحلو دا حكاية لوحدها... ماما أستاذة في عمايل الحلويات مقولكوش يعني
امل / متخلصي انتي وهي مش عايزين تروحوا ولا ايه
فريدة / خدي ب ايدي ياداليا مش قادرة اقوم
داليا / وانا يعني اللي قادرة
استنى مجدي بيتصل
ياسمينه داخله / وسعوا بقى عشان الحلو جه
داليا / انا هنزل يابنات مجدي واقف تحت
ياسمينه / طب استنى دوقي عمايلي
فريدة / هنكدب بقى مش لسه بتقولي مامتك اللي عامله الحلو
ياسمينه / م انا اللي عامله الشربات
امل / هاتي حتة جلاش بس صغيرة ياياسمين
ياسمينه / اتفضلي يااختي عشان الواد ميزعلش
امل / ادعيلي تطلع بنت
داليا / هيجي ولد وبكره تشوفي
امل / متبطلي ياست انتي وقومي انزلي لجوزك
داليا تاخد حتة كنافه وهي بتقوم تاكلها / هاتي منديل يافريدة من اللي جنبك مش عارفه افتح الشنطة
تناولها فريدة علبة المناديل
داليا تمسح ايدها وبوقها / سلام ياعيال
ياسمينه / استنى اما اخرجك من الزحمه اللي بره
داليا تفتح الباب... ناس كتير بره
داليا بدهشه / يانهار!
ايه ده؟!
ياسمينه / هدى وسيف عازمين مصر الليلة
البنات / هههههههههه
داليا / هههههههههههههه متجمعين في الفرح دايماً
ياسمينه / عقبال أولادك
داليا / امين يارب
سلام
وتقفل ياسمين الباب وترجع لفريدة وأمل
امل / مامتك فين ياياسمين
ياسمينه / ماما في المطبخ
فريدة / ياحبيبتي تلاقيها مش قادرة توقف على رجلها
امسكي زين ياامل
امل / لأ خليكي مع ابنك
ياسمينه / انتو بتتعازموا على ايه
اقعدي يااختي انتي وهي
نادين تخبط على الباب
ياسمينه / ادخلي ياماما
تقوم امل وفريدة يسلموا على نادين
امل / مبرك لهدي ياطنط عقبال سيف
نادين / عقبال ولادك يابنتي
امل / في حياتك ياطنط
فريدة / مبروك ياطنط وعقبال سيف وبنات ياسمين
نادين / عقبال ولادك يابنتي
انتي عامله ايه
فريدة / الحمد لله
نادين / طب اقعدوا كملوا اكل انا جيت قومتكوا ولا ايه
فريدة / لا ناكل ايه؟!
دا احنا اكلنا اكل تسلم ايدك ياطنط بجد
نادين / بألف هنا وشفا ياحبايبي
بعد اذنكو عشان بينادوا عليه
فيروز / ياماما... مامااااا
نادين / جايه يافيروز... حاضر
فيروز / معتز جه بره وبيسأل على عمو كمال
نادين / طب استنى انا جايه
خدوا راحتكوا يابنات البيت بيتكو
وتخرج نادين
امل / هتيجي معايا يافريدة
فريدة / مش عارفه استنى اما اتصل ب كريم عشان لو مش جاي تروحيني انتي بقى
امل / ماشي
_________________
أنت تقرأ
أنت قلبي🧡🥀الجزء الأول.
Чиклит#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
