(( الحلقة 99))
#انت_قلبي
#بوسي_مصطفي
___________________
في فيلا مختار
نورهان نازله من فوق بالولاد
نورهان / خالتو انا ماشيه
مريم كانت قاعده مع ضيف جاي يعزيها
بيلتفت الضيف ليها
نورهان بغضب / ماجد !
_____________
قام ماجد بيسلم على نورهان ومد ايده ليها
نورهان واقفه مكانها وبصت ليه بغضب وافتكرت شادي وهو تعبان في المستشفى
بعدت عن ماجد عشان ترد على التليفون
هشام / انا واقف بره... جاهزة ولا هتعطليني
نورهان / لا جاهزة وكنت خارجه اقعد في الجنينه شويه عقبال م اجي
هشام / طيب خالتك صاحيه ولا نايمه
نورهان / صاحيه... ليه؟؟
هشام / عشان ادخل اعزيها
كانت ريم خارجه مع مديحه من اوضة المكتب
مديحه / ازيك يانور... البقاء لله
نورهان وهي ايدها على سماعة التليفون / الدوام لله
هشام / هو مين اللي عندك
نورهان / دي طنط مديحه و...
وسكتت نورهان
هشام / ابنها جوه مش كده
نورهان / اه وخليك عندك بقى وانا هخرج بالولاد... سلام
نورهان قربت من مريم
نورهان / خالتو انا ماشيه بقى
مريم / هتروحي ازاي لوحدك يابنتي... باتي هنا والصبح ابقى
اخرجي لو عايزة
نورهان / هركب مع هشام ماهو واقف بره مستنيني
مريم / هشام واقف بره؟؟
نورهان / هو كان داخل يعزي حضرتك لكن
وبصت لمديحه وماجد وسكتت
مريم / بعد اذنك يا مديحه
وخرجت مريم مع نورهان والولاد
هشام كان راكن عربيته في الجنينه وواقف قدام العربيه مستني نورهان
اول م شاف خالته... قرب منها وباس ايدها
هشام / البقاء لله... ياخالتو
مريم / الدوام لله... ياابني
ايه ياهشام مش عايز تدخل عندي
هشام / معلش ياخالتو اصل راجع من الشركة تعبان ومحتاج استريح هبقي اجي لحضرتك في وقت تاني... يلا يانور
نورهان / يلا يااتش
بعد اذنك ياخالتو
وفتحت نورهان باي العربيه وركبت هي وولادها
هشام / مش محتاجه مني اي حاجه ياخالتو
مريم / متشكره ياهشام ابقى سلملي على وعد وأمل
هشام / يوصل... إن شاء ﷲ
سلام
وقرب ركب العربيه وكان لسه مشغلها مفصلهاش وداس بنزين وخرج بسرعه
نورهان / على مهلك ياهشام
هشام / ايه خايفه
نورهان / لا مش حكاية خايفه. بس شايفاك متعصب جامد
هشام / لا عادي... مش متعصب ولا حاجه
هعدي بس اشتري اكل من هنا
نورهان / اوك... بس متتأخرش
عشان الولاد بيناموا وانا مش هقدر أسند واشيل
هشام / متقلقيش انا موجود... قوليلي تحبي تتعشى ايه
نورهان / هاتلي على ذوقك
هشام / اوك
وانتو ياولاد تاكلوا ايه
نورهان / هاتلهم بيتزا ياهشام
بدر / سي فود ياخالو
هشام / حاضر ياحبيبي
اي حاجه تانيه
نورهان / لا ياحبيبي ولا اي حاجه... اه ياهشام معلش نسيت ابقى عدي على الصيدلية هاتلي الحاجات اللي مكتوبه في الورقه دي
هشام / ههههههههه ليه عيل صغير
نورهان / بلاش لماضه بقى كرمشله الورقه دي وادهالو وهو هيجيب اللي مكتوب فيها
هشام / هههههههههه حاضر
في صيدليه هنا على فكرة
نورهان / طب تمام عشان منوقفش تاني
هشام / في حاجه تانيه
نورهان / هههههههههه لا كده تمام
_____
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
