: ((الحلقة الرابعة والعشرون))
#انت_قلبي
#بوسي_مصطفي
___________________________
في فيلا أسر
دخلت سهر ل أسر المكتب
وهو مضايق وعمال يفكر
سهر/اتأخرت ليه يااسر
اسر/كنت بعمل كام مشوار كده عشان اظبط اموري
سهر/قولي بقى مالك... وفين العربيه
اسر/بيعتها
سهر/ايه!... بعت العربيه؟!
ليه يااسر
اسر/محتاج فلوسها
سهر/طب مبعتش عربيتي انا ليه
اسر/ابيع عربيتك؟!
سهر/ اه وفيها ايه هي مش بتاعتك برضو
اسر/لا دي كانت هديه مني ليكي
ينفع اخد هديتك وابيعها
سهر/مش احسن م تبيع عربيتك وبعدين محتاج الفلوس في ايه دلوقت
اسر/بدور ع شقه
سهر/ليه هتسيب الفيلا هنا
اسر/لأ الشقه مش لينا
سهر/اومال لمين
اسر/ل علي وملك ولادي
سهر/ااااه... قول كده بقى
رايح تشتري شقه للمدام
اسر/ حقها ياسهر
سهر بغضب /حقها؟!
حقها منين يااسر هي ليها ايه عندك عشان تشتريلها شقة... تكونش ناوي تتجوزها فيها
اسر بغضب/اطلعي من دماغي دلوقت ياسهر عشان مش ناقصك
سهر/اطلع من دماغك... اه وشويه وقولي حلي عني
م خلاص الهانم شكلها قعده ومربعه في حياتنا
لا يااسر انا مش هقبل بالوضع ده
اسر/وضع ايه؟!
طليقتي وبشتريلها شقه عشان تقعد فيها بولادي أظن القانون بيقول كده
سهر/اوك هصدق إن دي نيتك
قولي بقى لما تحب تشوف ولادك هتشوفهم فين في الشقة عندها لوحدكم
اسر/خلاص ابقى تعالى معايا لو دا مزعلك
سهر/يعني انا كنت بضايق لما تروح للولاد هناك ومامتك موجوده تقوم عايز تروحلهم وهي لوحدها
اسر/قولتلك ابقى تعالى معايا
سهر ودموعها سالت ع خدها /انت بتدوس عليه اوي يااسر
اسر/ابوس ايدك يااسر انا مش ناقص كفاية المشاكل ال عندي
حاولي تبقى الحاجه ال بتهون عليه ال انا فيه بلاش انتي كمان تضغطي عليه
عشان بجد مش قادر استحمل
............................
خرجت سهر من المكتب وهي دموعها ع خدها
اسر يمسك كوبايه كانت ع المكتب ويحدفها في الأرض
يقعد وهو مخنوق ومضايق
اسر لنفسه/وبعدين معاكي ياسهر لحد امتى هنفضل كده
مش قادرة ليه تفهميني وتستحملي ظروفي
وهايدي دي كمان معرفش عايزة مني ايه... ليه مصممه تخرب حياتي وتكرهني في نفسي
مش يمكن ظلمتها؟
ودا ذنبها بيخلص مني
بس انا مبيحبهاش ولو فضلت عايشه معايا هبقي بظلمها.. كده أفضل ليها... يمكن تشوف حياتها بعيد عني.
امتى اخلص من الكابوس اللي انا فيه ده... ونظر ل السماء من شباك غرفة المكتب واتنهد
يارب.
..............................
في شقة عمر... بعد رجوع ياسمينه مع عمر
في غرفة نادين
ياسمينه تغطيها وتبوس راسها وتخرج.... عمر قاعد قدام التليفزيون
ياسمينه اتنهدت وقعدت
عمر بيوطي صوت التليفزيون
عمر/ نادين نامت
ياسمينه هز ت راسها ومتكلمتش
عمر/ بعد الحقن ال اخدتها دي هتبقى كويسه
ياسمينه ساكته ومبتتكلمش
عمر /على فكرة جدتك تعبانه
ياسمينه/من أمتي
عمر/كنت عندها امبارح... سألت عليكي
ياسمينه/هبقي اروح اشوفها
عمر /وانتي اخبارك ايه ياياسمين
ياسمينه/الحمد لله
زي م انت شايف
عمر/شايفك بخير... الحمد لله
وقعد شوية ومتكلمش
ياسمينه بتنهيدة/عمر هو انت واخدني تخليص حق؟!
عمر/هههههههههههههههه ايه السؤال ده
ياسمينه/انا بتكلم بجد ع فكرة
عمر/يعني ايه بقى تخليص حق دي؟!
ياسمينه/يعني قولت اهي بنت خالي واتجوزها وانا اولى بيها من الغريب واهو محدش هيستحملها ولا يستحمل ظروفها غيري
واهو جحا أولى بلحم توره
عمر/ههههههههههههه ايه ياياسمين الخفه بتاعتك دي
بصي ياياسمين يمكن انا مبعرفش اعبر اوي بس اكيد في مواقف م بينا حسستك قد ايه انا بحبك ولو مكونتش بحبك كنت كبرت دماغي ومروحتش عند مامتك
ياسمينه /مش يمكن جيت عشان بنتك
عمر/انا فعلاً رحت عشانك وعشان بنتي
ياسمينه انا ياما اتمنيتك ودعيت كتير إنك تكوني من نصيبي
وإن يجمعنا بيت واحد
ياسمينه/امتى ده؟!
انت عمرك م قولتلي الكلام ده؟
عمر/من قبل متتخطبي لهادي
فاكرة اول مرة جيتي فيها عندنا انتي وفيروز
ياسمينه/اه طبعاً عشان يومها نفسي اتقطع من السلم بتاعكو
يااااه انا وقتها كنت في ثانوي
عمر/فاكرة لما قعدنا يومها في البلكونه وفضلتي ترغي كتير
ياسمينه/اه انت بقى عايز توصل للنقطه دي عشان تقولي اني رغايه
عمر/لأ عشان يومها دماغك عجبتني اوي وحسيت يومها يعني
وسكت
ياسمينه /حسيت ب ايه م تقول بقى
أنت تقرأ
أنت قلبي🧡🥀الجزء الأول.
Literatura Feminina#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
