((الحلقة 115))
#انت_قلبي
#بوسي_مصطفي
________________
في فيلا هشام
هشام وهو بيغير هدومه بعد م رجع من الشغل
هشام / اخدتها معايا ووصلتهاعند لحد هناك وطلعت معاها اطمنت على خالتي ونزلت ع طول الزيارة كلها مكملتش عشر دقايق
امل / كويس ياحبيبي انك صالحت خالتك الضفر عمره م يطلع من اللحم ابدا
هشام / صعبت عليه اوي ياامل وافتكرت لما كانت قاعده تحت رجلين ماما مسيبتهاش ابدا في أيامها الأخيرة
امل / هي تعبانه اوي
هشام / لا... الحمد لله
هي اللي حدا ما كويسه يعني بس مبقتش بتتحرك بقى زي الاول
وعرفت إن اللي اسمه ماجد دا بيحاول يرجع ريم بس هي اللي رافضه
امل / طب وانت
هشام / انا ايه
امل / لسه شايل من ريم برضو
هشام / انا كلمتها عادي بس هيفضل اللي في القلب في القلب ياامل
امل / اوكيه ياحبيبي
قولي بقى مبروك
هشام / عملتي سونار النهارده.
امل ببتسامة وهي بتهز دماغها
هشام / ههههههههه بنوته صح
امل بفرحه / بنت ياهشام
انا هجيب بنت
هشام يحضنها / وهتبقي أجمل بنت في الدنيا
امل / ياااه
الحمد لله
هيجيلي بنت احبها واصحابها وتبقى هي كل حياتي
هشام / حيلك... حيلك
اومال انا والولاد ايه
امل / كلكو حياتي يااتش بس دي بقي هتبقى اخر العنقود
هشام / حبيبتي يااموله وهتبقي عندنا بنوته تقولي يابابي مراد شد شعري ههههههه
شادي اخد التوكه بتاعتي
هشام اخد عروستي
امل / هههههههههه وانا بقى اروح اضربهم واخد منهم حاجة البنت
هشام / ههههههههه تضربي مين ياماما دول بس لو سيبتهم عليكي هتقولي حقي برقبتي
امل / هههههههههه
يااااه.. حلم جميل اوي ياهشام
هشام / ان شاء ﷲ
يتحقق
انا خلاص اتفقت مع أسر اني اخد نصيبي في الشركة وتبقى كلها بتعته وهاخد الفلوس واحطها في الشركة والمستشفى عشان ناقصها شويه حاجات لسه مخلصتش
امل / اللي انت شايفه صح ياحبيبي اعمله
__________________
في البلد
في منزل والد هنادي
وائل / برافو عليكي ياهنادي
بس انا كان نفسي ابقي موجود وقتها واضرب محسن دا مليون قلم مش قلم واحد
هنادي / لا كده كويس اني قولتلك متجيش عشان عارفه اللي هيحصل هتمسكوا في بعض وأهل البلد هيقولوا جابت اخوها يضرب اخوات جوزها اني اصلا مكونتش هتصل بالمركز ولا حاجه اني بس كنت بخوفهم اني اصلا معرفش رقم المركز
وائل / هههههههههههههه
متقولي حاجه ياامه
سعديه / اقول ايه ياابني
اللي عملته اختك ده هيعمل عداوة بين العيال واعمامهم وولاد عمهم كمان
هنادي / ليه ياامه وبعدين اني مش ناويه ابعد العيال عنهم اني هروحلهم برضو او هاجي على هنا وابعت العيال ليهم يشوفوهم ويقعدوا معاهم شويه
سعديه / انتي فكرك إن بعد اللي حصل انتي ولا ولادك هتقدروا تهوبي هناك بكره الحاجه امينه تتوفي ووقتها لو روحتي هناك هيضربوكي
وائل / محدش يقدر يمد ايده عليها ياامه طول م احنا عايشين على وش الدنيا
سعديه / خليك انت كبر دماغها لحد م توقع في نصيبه
هنادي / ليه كده ياامه
سعديه / خايفه عليكي من الدنيا ياضنايا وخايفه عليكي من الناس ومن العيشه وحدك كده في مصر
وائل / وانا روحت فين
ماهي هتقعد معايا ياامه وهحط ولادها جوه عنيه
هنادي / تسلم وتعيش يااخويه
سعديه / يعني مش ناوي تتجوز ياابني
وائل / لأ انا خلاص اخدت نصيبي من الجواز وكفايه لحد كده
سعديه / انت مش عايز تتجوز واختك مش عايزة تتجوز اومال هتعيشوا ازاي كده
هنادي / هو احنا منعشش غير لو كنا متجوزين ياامه
سعديه / أنتي محتاجه راجل ياهنادي يحافظ عليكي يابنتي انتي لسه صغيره
اني كان من رأيي تتجوزي سعيد اهو كان هياخد باله منك ومن ولاد اخوه بس انتي مش عارفه قافله ليه من ناحية الموضوع ده.
هنادي / خلاص ياامه اني اخدت نصيبي من الجواز ومعايا عيلين تفتكري في حد ممكن يستحمل ولادي غيري
في حد هيحبهم ويخاف عليهم قدي
سعديه /"انتي حره اعملي اللي انتي عايزاه بس قوليلي بقى هتصرفي منين على ولادك وعلى علامك
هنادي / م اني هشتغل في شركة صاحب وائل ياامه
سعديه / شركة ايه دي
وائل / دي شركة سياحة ياامه هو كان بيدور علي موظفه للشركة بتاعته وانا رشحتلوا هنادي وقالي هاتها اعملها اختبار وانا كنت مستني لما تجي معايا مصر
هنادي / هنسافر الصبح
وائل / انا إن كان عليه مكونتش عايزك تنزلي تشتغلي ياهنادي عشان جامعتك وولادك بس انتي مصره هعملك ايه
سعديه / انتو نازلين مصر بكره صحيح
وائل / ايوه ياامه
سعديه / طيب تعالي ياهنادي اما نعمل قرصتين تاخدوهم معاكو يابنتي واعملكو كام فطيرة كده واشوف عندي زبدة قد ايه تاخدوها عشان تطبخي منها للعيال واشوف الجبنه والقشطه كمان
وائل / ليه دا كله ياامه مصر فيها كل حاجه
سعديه / بس مش زي حاجتنا ياابني
اه فكرتني اما ادخل امسك جوزين فراخ على كام جوز حمام على كام بطايه عشان تحطهم في الفريزر عندك تبقى هنادي تطلع الحاجه تفوك وتسويها على طول
وائل / هههههههههه ماشي ياامه
تسلم ايدك
سعديه / عندك رز ولا اغربلك عشره كيلو تاخدهم معاك عقبال ماتيجي الاجازة الجايه تاخد قدهم
وائل / هههههههههه عندي من المرة اللي فاتت ياامه
متتعبيش نفسك قومي ياهنادي ساعدي امك انا عارف مش هتنام الليلة
اومال فين ابويه ياامه
سعديه / راح لعمك يقعد معاه شوية
وائل / طب محتاجيني في حاجه ولا اطلع انام
هنادي / مش عايزة منك اكتر من انك تاخد العيال تنيمهم اختك مبقتش فيها صحه تشيل
سعديه / متقوليش كده يابنتي
ربنا يعينك ويقويكي
هنادي / تسلمي ياامه
وائل / هاخدهم واحد واحد بقى عشان اعرف اشيلهم وميصحوش
____________________
أنت تقرأ
أنت قلبي🧡🥀الجزء الأول.
Genç Kız Edebiyatı#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
