((الحلقة الخامسة والستون))
#انت_قلبي
#بوسي_مصطفي
_____________________
في الصيدلية
علاء / شوف يامعتز من واقع تجاربي وخبرتي في الحياة احب اقولك إن البنت دي اتشدت ليك
معتز / ياراجل اومال لو متشدتش كانت عملت فيه ايه ؟!
هههههههههههههههههه
علاء / ياابني افهم البنات او الستات عموما لما بيحبوا يلفتوا انتباه حد ليهم في طريقة كده بيستخدموها إن لما بيلمحوا الراجل من دول يتخانقوا ويزعقوا معاه عارف شهد اختك لما بنكون متخاصمين تفضل تزعق لكريم على اساس اني اقوم بقى واخد الولد منها ويحصل حوار بينا بس اخوك تقيل عمري منولتها اللي هي عايزاه
معتز / هههههههههههههههه دا انت قلبك اسود يااخي
علاء / مش اسود بس أوقات بتكون هي اللي غلطانه ولو م اخدتش موقف مش هنتعلم ولا هتعرف الغلط اللي عندها
معتز / اسمحلي بقى مع اني مش متجوز وتجاربي العاطفيه قليله يعني بس احب اقولك إن طريقتك دي غلط بصرف النظر عن انها اختي والكلام دا
بس البنات دي كائنات رقيقه عايزة تعامل من نوع خاص هي مش واحد صاحبك هتعامله الند بالند لا دول عايزين اللين والصبر والحكمه في وزن الأمور
علاء / ولما انت عارف كل دا َمبتتجوزش ليه يااخي... عايزين نفرح بقى
معتز / مش لما الاقيها الأول
علاء / ماهي موجوده ياابني بس فتح مخك دا شويه
معتز / ياحبيبي البنت اللي بكلمك عنها دي لسه صغيرة حوالي عشرين سنه يعني الفرق بيني وبينها حوالي عشر سنين
علاء / معقول برضو مش كتير انت خلاص بقيت واحد ناضج وعاقل وتقدر تفتح بيت دلوقت
معتز / حلوه ناضج دي ههههههههههههه
بقولك البنت صغيرة تقولي ناضج
علاء / اسمعني بس انت مش بتقول انها صاحبة اخت جوز رحمه بنت عمي
معتز / اه
علاء / ايه رأيك شهد تكلمها هما ليهم كلام مع بعض
معتز / ايوه بس هتقولها ايه متنساش انها كانت كلمتها قبل كده على اخت جوزها وانا محرج اوي منهم
علاء / الجواز دا قسمه ونصيب.
سيب الموضوع دا عليه
معتز / مش مرتحلك
علاء / هههههههههه ليه بس ياابني انت خايف تتجوز ولا ايه
معتز / هههههههههههههه
_________________
داليا بتتكلم مع هنادي في التليفون
داليا / كويس انك اتصرفتي كده اسمعي بقى لما تحاول تستفزك تاني حاولي تبقى هاديه برضو
وجوزك هيشوف كل حاجه بنفسه
خليكي ذكيه واوعي تديلها فرصه انها تمسك غلطه عليكي
هنادي / وانا هفضل طول الوقت كده
عماله اخطط وارسم عشان حياتي تمشي بهدوء
بس تعرفي اني فرحانه اوي اول مرة طارق يجيبلي حقي
قالها لو وجود مراتي في خطوبتك ملوش لازمه يبقى انا وجودي كمان ملوش لازمه لاننا واحد
داليا / هههههههههههههه لا بجد رد في الجون
انتي بقى تحاولي تستغلي الموقف دا لصالحك وقربيه ليكي عشان يبقى في صفك
هنادي / يعني اعمل ايه
داليا / دلعيه غرقيه في الدلع ياهنادي هههههههه
هنادي / ازاي يعني مش فاهمه
داليا / خليكي واحده تانيه معاه اقولك
غيري تسريحة شعرك اشتري ميكب جديد انزلي اشتري لبس كمان واقعدي في البيت براحتك الرجاله بتحب الست اللي كل يوم تغير من نفسها وبيملوا اوي من الست اللي زي حضرتك كده
هنادي / براحتي اللي هو ازاي يعني
داليا / انتي بتسألي بجد
امال انتي بتقعدي في البيت ب ايه
هنادي / بلبس لبس بيتي عادي
داليا / لا ياحبيبتي انتي تلبسي اللي ع راحتك قصير وضيق وكل اللي نفسك فيه
هنادي / لا ميصحش وبعدين انا اتكسف برضو
داليا / ماهو انتي هتلبسي حاجات معقوله برضو اللي هو لاكده ولا كده
إنما تقعدي طول النهار قدامه بلبس البيت دا يطفش ياهنادي وبعدين ياحبيبتي اخته دي بكره تتجوز وهتلبس كل اللي نفسها فيه تكبتي نفسك انتي ليه
هنادي / لما تتجوز بقى
داليا / خلاص انتي حره
بقولك ايه بنتك بتسنن اليومين دول
هنادي / لسه مطلعتش ولا سنه
داليا / دا مروان مغلبني بسبب السنان دي
قريفه وسخنيه وطول الليل سهرانه بيه مبينيمنيش وابن فريدة كمان بيسنن
هنادي / انا كده بدأت اقلق على بنتي
هي اتأخرت مش كده؟
داليا / متقلقيش يااختي كلها كام وهتلاقيها مقريفه برضو واسنانها بتطلع
هنادي / طمنتيني اروح اذاكرلي كلمتين بقى
داليا / طب اتفقتوا على ايه
هتسافري البلد ولا هتفضلي هنا
هنادي / بفكر اسافر يااختي عشان بس المشاكل
ادعيلي بقى عشان الامتحانات قربت والوقت بيجري واللي زاد كمان خطوبة نرمين
داليا / ادعيلها بس عشان تقعدي في بيتك مستريحه
هنادي / بدعيلها إن الموضوع يتم بخير عشان انا كمان افرح
داليا / هههههههههههههه قلبي عندك ياضنايا... تصبحي على خير
_______________
أنت تقرأ
أنت قلبي🧡🥀الجزء الأول.
Chick-Lit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
