((الحلقة 110))
#انت_قلبي
#بوسي_مصطفي
___________________
في المساء... في منزل العمدة
نرمين طالعه فوق بهدوء تتلفت حواليها وتطمن إن محدش شافها
ترن جرس باب شقة طارق
تفتح هنادي
هنادي / نرمين!
نرمين / مش وقته ياهنادي هاتي ولادك وتعالى معايا يلا
هنادي / اجي فين
نرمين / هخرج من هنا مش انتي عايزة تسيبي المكان دا يبقى يلا مستنيه ايه
هنادي / مين قالك كده
نرمين / يووووه مش وقته انتي كمان
ها عايزة تخرجي من هنا ولا لأ
هنادي / طبعاً عايزة اخرج. نرمين / يبقى يلا هاتي الولاد وتعالوا ورايا
هنادي واقفه مش فاهمه حاجه بس كل تفكيرها انها هتخرج من هنا وخلاص
هنادي / طيب ثواني
نرمين / انا هشوفلك الطريق
واخلصي بقى
دخلت هنادي جوه اخدت ولادها وخرجت من باب الشقة
نرمين على السلم / تعالى يلا
نزلت معاها هنادي والولاد
نرمين / اششش محدش يعمل صوت
نرمين بتفتح البوابة الكبيرة لهنادي
فوق في شقة محسن
قاعد بيشرب شاي سمع دوشة تحت
يفتح الباب ويشوف في ايه
محسن / مين تحت
نرمين لهنادي / تعالى هنا بسرعه
يستخبوا في اوضه في بتاعت الضيوف ينزل محسن يدور تحت ويتأكد إن مفيش حد
وهنادي عماله تنبه على ابنها ميعملش صوت
طلع محسن فوق لكن لسه قلقان
تخرج نرمين من الاوضه وتتأكد انه طلع فرق
تشاور لهنادي تطلع
نرمين / انا عايزاكي تاخدي الطريق جرى توصلي لحد محطة القطر ومن هناك تسافري على مصر اوعي ترجعي تاني انا بقولك اهوه
هنادي / انتي ليه بتعملي معايا كده
نرمين / هقولك بعدين المهم تمشي انتي وولادك دلوقت
فتحت نرمين البوابة من تاني اللي كان محسن قفلها
نرمين / يلا تعالي
خرجت هنادي من البوابه
ومحسن حس بحركه تحت
لسه بينزل
سعيد ينادي عليه من فوق
__________________
محسن / استنا ياسعيد اشوف ايه الدوشه اللي تحت دي
سعيد / دوشة ايه
وينزل سعيد من فوق
نرمين / اخرجي بقى ياهنادي متبقيش جبانه
هنادي / اني مش جبانه ولا حاجه بس اني مش فاهمه اخرج ليه بالطريقة دي
نرمين / انتي لسه هتحكي هبقي اقولك بعدين المهم اخرجي دلوقت وانا هشغلهم عقبال متبعدي عن البيت
محسن / بتعملي ايه عندك يانرمين في ساعة زي دي
ومين اللي هناك عند البوابه
نرمين / مفيش حد يامحسن اطلع نام
محسن / لا اطلع انام ايه
قرب ياسعيد نشوف الست هانم كانت واقفه مع مين في نصاص الليالي
نرمين / مسمحلكش تلمح بالكلام ده
انا بنت محترمه ومتربيه وبحترم اهلي الدور والباقي عليك انت
سعيد / ميصحش كده يانرمين
نرمين / انت كمان معاه دا بدل م تقوله عيب تقول الكلام دا ل اختك معلش ماهو من بعد ابويه و طارق مبقاش في رجاله في البيت
محسن يرفع ايده عشان يضربها
تخرج الحاجه امينه من جوه
وبنبره حاده / محسن
ايه حصلت عايز تمد ايدك على اختك
سعيد / م سمعتهاش قالت ايه ياامه
الحاجه امينه / وانت مكونتش واقف وهو بيقولها كنتي واقفه مع مين ولا انت مسمعتش غير اللي قالتله
ماهو اللي جابه لنفسه
لما يقول ل اخته الكلام ده يبقى فعلاً مش راجل ولا انت كمان راجل عشان واقف جنبه وسامعه بودنك وهو بيغلط في اخته اللي هي عرضك وشرفك انت كمان
محسن / طب مش نتأكد الأول
كانت هنادي شايله بنتها الصغيرة وابنها واقف جنبها عند الباب اللي اول متفتحت مدخل البيت نور المكان اللي كانوا واقفين فيه
محسن / ياالف اهلا وسهلاً
ياست هنادي... انتي ايه اللي مخرجك من البيت
ومسك ايدها بكل قوته وبيشدها يدخلها جوه
هنادي بكل قوتها وب ايدها تبعد ايده عنها
هنادي / ايدك دي متلمسنيش ولا تهوب ناحيتي
محسن / سامعه ياامه البت البجحه دي بتقول ايه
طالعه فين في نصاص الليالي يابنت كامل
هنادي / غايره من وشك انت مالك
ليك حكم عليه
سعيد / ملوش حكم عليكي بس انتي في بيت العمدة وواجب لما تخرجي تستأذني صحاب البيت
الحاجه امينه / واخده العيال معاكي ورايحه فين ياهنادي
هنادي / واني ياحاجه همشي من غيرهم
وخطف محسن البنت منها
هنادي / هات البنت
محسن / تقعدي هنا تاخديها هتمشي يبقى تطلعي من غيرها. مازن وهو بيعيط / هات اختي ياراجل انت
محسن / عال قوي سامعه ياامه تربية بتوع مصر عامله ازاي
الحاجه امينه / ادخلي ياهنادي بيتك
هنادي / مليش بيت هنا ياحاجه وانتي عارفه ابو محمود قال الكلام دا من زمان لطارق وهو قالي الشقه هسيبها ل اخواتي لاني متعبتش فيها
الحاجه امينه / واني اللي بقولك دي شقة طارق وولاده وادخلي بقى متوجعيش قلبي اكتر ماهو موجوع
هنادي / انتو عايزين تقعدوني معاكو ليه
اني مستعده امضي على إقرار دلوقت واكتبلكو فيه اني ملزمه اجيبلكم العيال كل أسبوع تشوفوهم بس سيبوني اشوف حالي
محسن / حالك هتشوفيه هنا
نظرت نرمين لمحسن بغضب
هنادي / اشوف حالي هنا ازاي يعني مش فاهمه
محسن / يعني تقضي شهور عدتك وتاني يوم اكتب عليكي
هنادي بدهشه / ايه؟؟!
سعيد / ايه اللي بتقوله ده يامحسن
نرمين / اومال كنتي فاكره ايه ياهنادي مش قولتلك اخرجي بسرعة م انا عارفه اللي هيحصل
محسن / ملكيش فيه يانرمين
كان ولاد محسن وسعيد واقفين فوق وبيتفرجوا
هدى / ادخلوا جوه بتعملوا ايه هنا
محمود / ادينا بنتفرج يامرات عمي
سعيد / واد انت وهو ادخلوا ناموا يلا
العيال تخاف وتدخل جوه جرى
الحاجه امينه / تعالى ياهنادي وهاتي عيالك وادخلي نتكلم جوه
يابنتي
هنادي / نتكلم في ايه ياحاجه بعد الكلام اللي اتقال دلوقت
بقى ياابو محمود عايز تتجوز ارملة اخوك طيب يااخي استنى حتى كام شهر ولا حاجه وبعدين ابقى افتح الموضوع
اقولك انت تدخل تقول لامه الحاجه على اللي كنت ناوي تعمله واخوك تعبان.. فاكر ولا اقولهم
محسن / اخرسي يابت يااللي متربتيش
هنادي / ولما اني متربتش ازاي عايز تعمل كده مش الأولى تدور على واحد متربيه زيك ياابن ابه العمدة
محسن / اني بعمل كده عشان عيال اخويه ميتربوش في حضن راجل غريب
هنادي / يااخي دا لو الرجاله كلها اتقطعت من الدنيا ومفضلتش اللي انت يبقى الموت عندي اهون من اللي انت بتقوله ده
الحاجه امينه / مش بمزاجك ياهنادي
نرمين / لا بمزاجها ياامه
وانتي ميرضكيش اللي محسن بيعمله ده
هنادي / حاجه امينه اني هطلع الشقة فوق هقضي الشهور بتعتي وبعد كده هاخد عيالي وامشي من هنا ويبقى حد يتعرضلي
اني بس هقعد هنا احتراما لراجلي اللي مبقاش ليه راجل من بعده ولا هيبقى
وطلعت هنادي واخدت ولادها
الحاجه امينه / كان لازم تشد معاها كده
محسن / هو احنا هنخاف منها ولا ايه ياامه
نرمين / لا متخافش منها بس اعمل احترام لاخوك اللي كان دايماً مكبرك وبيحترمك وسط الناس
محسن / انتي بالذات متتكلميش
خالص انتي السبب في كل ده
محدش فتحلها البوابة غيرك
نرمين / وبكره هي اللي تفتح البوابه وتطلع لوحدها يامحسن وهتشوف
الحاجه امينه / تعالى ياسعيد عايزاك جوه في كلمتين.
سعيد / حاضر ياامه
محسن / واني ياامه
الحاجه امينه / لا انت تطلع تنام
تعالي ياسعيد ادخلي يانرمين مع اخوكي
________________
أنت تقرأ
أنت قلبي🧡🥀الجزء الأول.
Chick-Lit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
