الحلقة ١٣٢
#انت_قلبي
#بوسي_مصطفي
_____________________
في غرفة هنادي
وائل / اومال كنتي بتعيطي ليه
هنادي / مفيش يا وائل قولتلك مفيش حاجه
وائل / مروحتيش الجامعه ليه النهارده وكمان عمر كلمني وقالي خلي هنادي تيجي الشغل
في ايه بقى مالك
هنادي / تعبانه... زهقت من الدنيا كلها ونفسي ارتاح بقى
وائل / ليه ياهنادي بتقولي كده
هنادي / عشان مش لاقيه نفسي في الدنيا دي انا بحاول اتكيف مع الوضع اللي انا فيه بس لا انا قادرة اتحمل ولا عارفه اغيره
قولي بقى اعمل ايه
وائل / تقومي تجهزي أكلة حلوة من ايدك دي ولا اقولك نطلب اكل ونقعد نكمل دردشه مع بعض
هنادي / جرس الباب بيرن
وائل / هشوف مين وراجعلك
قام وائل يفتح الباب يتفاجأ بالدكتور جاد
جاد / سلام عليكم
وائل / وعليكم السلام... اتفضل يادكتور
جاد / انا آسف اني جيت من غير ميعاد بس لما عرفت إن هنادي مجاتش الجامعه النهارده قلقت وقولت اجي اطمن عليها طبعا كان مفروض اتصل واخد ميعاد من حضرتك بس للأسف رقمك مش عندي
وائل / اتفضل يادكتور
يدخل جاد / هنادي من الطلبه المتفوقين واللي دايما بلاحظ انتباهها وتركيزها للشرح طول المحاضرة فلازم كنت اجي اطمن عليها
وائل / هي كويسه... الحمد لله
بعد اذنك
ودخل وائل لهنادي
اللي كانت قاعدة مندهشه لما سمعت صوت جاد وعرفت إنه جه وقاعد بره في الصالون
وائل / هنادي دكتور جاد جاي عشان يطمن عليكي
هنادي / غريبه يعني وبعدين عرف العنوان منين
وائل / معرفش..... هتطلعي بقى ولا لأ؟
خارج الغرفة
جاد / انا بعتذر اني جيت من غير ميعاد بس قلقت من غيابك وخصوصاً انك ملتزمه بالحضور كل يوم
هنادي / كنت تعبانه الصبح شويه
متشكره يادكتور ل اهتمام حضرتك وانك تعبت نفسك وجيت لحد هنا عشان تطمن عليه
بس ممكن اسأل حضرتك سؤال
جاد / عرفت عنوان بيتكم ازاي
مش هو دا السؤال
هنادي / دا لو ميضايقش حضرتك
جاد / لا وهيضايقني ليه
انا عرفت العنوان من هدى صاحبتك
هنادي / هي هدى راحت الجامعه النهارده
جاد / وكانت قاعدة في اول بنش كمان
انتي متأكدة إنك كويسه
هنادي / الحمد لله
جاد / مش عايزك تهملي في صحتك وتاخدي بالك من نفسك كويس
جات مريم / ماما
قامت هنادي بسرعة اخدتها
هنادي بحرج / بعد اذن حضرتك
جاد / اتفضلي
دخلت هنادي ببنتها جوه تغيرلها هدومها
و وائل كان واقف بعيد شويه بيتكلم في التليفون خلص المكالمة ورجع قعد مع جاد
هنادي / بقى كده يامريم
حد يطلع بالشكل دا وفي ضيوف وبعدين ايه اللي مبهدلك كده
مريم / لولو
هنادي / بقى خالو اللي عمل فيكي كده
وبقع الشيكولاته دي بقي هتطلع ازاي
مريم / غساله
هنادي / طب قربي اسرحلك شعرك ده
مازن فين
مريم / نام... سرير
تلتفت هنادي تلاقي ابنها نايم ع السرير
هنادي / معقوله م اخدتش بالي
هو انا مالي بالظبط
اسمعي تقعدي هنا تلعبي عقبال م الضيف اللي بره يمشي سامعه
هزت مريم راسها وقعدت في الأرض تلعب وخرجت هنادي وفجأة
جاد / انا عارف إن الوقت مش مناسب وكمان جاي من غير ميعاد بس بصراحه انا مفكرتش دلوقت اتكلم غير لما شوفت اني مينفعش انتظر اكتر من كده
وائل / ايوه يادكتور بس هنادي اختي
جاد يقاطعه / وانا مش عايز رد من حضرتك ولا منها دلوقت
وائل / مش عارف اقول ايه لحضرتك بصراحه
جاد / انا اللي بصراحه مش عارف اقولك ايه ولا اشكر والدك ووالدتك بجد انا نفسي اشوفهم عشان اقولهم بجد عرفتوا تربوا
اختك طالبة عندي من السنه اللي فاتت وكنت بشوفها طول السنه بنت هاديه وقاعدة طول المحاضرة مبتتكلمش وكل اهتمامها بالمحاضرة وبس وشوفت فيها شغفها بالعلم واهتمامها انها تكون من الاوائل وفعلا طلعت الأولى ع الدفعه السنه اللي فاتت
والسنه دي.. بإذن ﷲ
تطلع الأول... ورغم كل الظروف اللي عندها فهي لسه صامده وواقفه على رجلها
وائل / مفيش قدامها حل تاني يادكتور
انا اللي بشكرك ع كلامك الطيب في حق اختي
جاد / دا حقها وكل الكلام اللي قولته دا واحد في الميه من الحقيقه
وائل / انا هتكلم معاها ولو اني عارف رأيها في الموضوع ده
جاد / انا بوعدك انها مش هتندم ابدا على موافقتها على طلبي
وبجد هكون اسعد واحد في الدنيا لو كلمتني وقولتلي انها موافقه
وائل / إن شاء ﷲ
يقوم جاد وهو بيزرر الجاكت ويسلم على وائل / استأذن انا بقي
وائل / حضرتك شرفتنا ونورتنا ياريت تكرر الزيارة
جاد / وانا كمان اتمنى... بعد اذنك
فتح وائل الباب وودع جاد وقفل باب الشقة وبيتلفت لاقي هنادي في ضهره
وائل / في ايه ياهنادي
واقفه كده ليه
هنادي / هو الدكتور جاد كان يقصد ايه بكلامه ده
وائل / واضح إنك سمعتي الحوار اللي دار بينا
هنادي / لا مش كله ومفهمتش هو ايه الطلب اللي طلبه منك ده
وائل / يعني مش عارفه
هنادي قعدت بحزن وقعد وائل جنبها
وائل / بصراحه كده ياهنادي انا شايف إن الراجل كويس جداً ودي فرصة كويسه ليكي عشان تبدأي من جديد
هنادي / واقفل على القديم وانسى اللي مات وكأني معشتش معاه يوم واحد ولا عندي منه اولاد ولا كان في بينا عشرة وحب ومودة
انتو عايزين مني ايه بالظبط
وائل / ياحبيبتي انا عارف كل ده بس هو دا حال الدنيا لازم نكمل حتى لو جوانا وجع الدنيا كلها
هنادي انتي محتاجه راجل جنبك راجل يحميكي ويحافظ عليكي
هنادي / وانت روحت فين. مش هو دا كلامك ليه انك هتبقى راجلي وانك هتاخد بالك من الولاد ولا دا كان كلام وبس
وائل / هنادي انا مش هعيشلك العمر كله وياستي انا لسه عند وعدي حتى لو اتجوزتي فأنتي اختي وهفضل راجلك برضو اللي يحميكي ويجيبلك حقك وولادك في عنيه
بس لازم تفكري في نفسك شويه
هنادي انتي صغيرة ومن حقك تعيشي زي اي ست مع زوج يحبك
وانا شايف ان الدكتور جاد انسان كويس
هنادي / مش هتجوز يا وائل سمعتها مش هتجوز
ولا في راجل ممكن يدخل حياتي بعد طارق
انا مستحيل اخونه
وائل / ليه بتسميها خيانه دا حلال ربنا
ياحبيبتي متحرمهوش على نفسك
هنادي / هعيش لولادي وبس انا خلاص مبقتش عايزة حاجه من الدنيا غير اني اشوف ولادي زي م كان طارق بيتمني
سيبني اعيش وانا بحبه ومشتاقاله ومخافش لما افتكره وافتكر كل اللي كان بينا
مش هتجوز عشان مظلموش ولا اخونه لما افتكر طارق
مش عايزة اي حاجز يوقف ما بين ذكرياتي معاه
عشان خاطري يا وائل متتكلمش معايا في الموضوع ده
ودخلت هنادي جرى وقفلت الباب على نفسها
قعد وائل وهو حزين على أخته
__________________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
