الحلقة ١٣٨
#انت_قلبي
#بوسي_مصطفي
____________________
فريدة بتتكلم مع ندي في التليفون
ندي / اكل عقلك بكلمتين يعني
فريدة / ندي عشان خاطري متقلقنيش اكتر م انا قلقانه
ندي / ياحبيبتي ومساعدته ل ابن خالها مالها بيها هي
تيجي ليه من مصر لحد عنده إلا إذا
فريدة / تقصدي ايه ياندي
قصدك إنه ممكن يكون هيتجوزها وجابها هنا عشان تبقى جنبه ويروحلها كل يوم
ندي / جواز دا مستبعد جدا انتي مش بتقولي عندكو مينفعش الراجل يتجوز اتنين
فريدة / اه
ندي / وجوزك ملوش في السكك التانيه بس سؤال محيرني بجد هو ليه مبيقطعش كده معاها ويقولها لو سمحتي ابعدي عني انا بحب مراتي وولادي ومش مستعد اخسرهم مفيش بنت عندها كرامة بعد الكلمتين دول هتتمسك بيه
فريدة / تقصدي ان هو اللي معلقها بيه وفرحان بالمغامرة دي صح؟
عشان دا احساسي برضو
حاسه إنه مبيحبهاش لكن هو حابب حبها ليه حاجه كده بترضيه وبتحسسه برجولته
ندي / فريدة ياريت ياحبيبتي تاخدي بالك من كلامك عشان لو قولتيله الكلام دا هتزودي المشكلة ما بينكم
فريدة / تعبانه ياندي ودماغي خلاص هتشت كل اما اطرد الأفكار دي من دماغي ارجع افكر واقول طب م يصدها اكيد مش هتتمسك بيه الا اذا لاقت منه قبول
ندي / او يمكن تعلقها بيه اكبر بكتير من مجرد حب راجل لست
فريدة / تقصدي ايه
ندي / هو في احتمال تاني انها تكون عايزة راجل جنبها يحميها ويحتويها حد يسأل عليها لان للأسف واضح جداً إن خالها منفضلها ودا بسبب الغربه وإنها مكانتش عايشه معاهم من الاول
فريدة / انا ذنبي ايه في كل دا
انا واحده عايزة اعيش مع جوزى وولادي نفسي احس بالأمان من اول م تجوزت كريم وانا تعبانه ياندي سواء من تهديدات إيهاب ليه زمان واللي حصل من رحمه وتهور حازم وعند بابا مع كريم لحد م طلقني وجوازي من يحي واللي حصلي هناك من مامته واخته ولما خلصت من الجوازه دي ورجعلي كريم قولت خلاص بقى انا كده ارتحت مكونتش عارفه إن هتيجي حاجه تعكنن عليه حياتي زي موضوع سارة ده وكله كوم وموقف كريم منها ومعاملته ليها كوم تاني خالص
انا في دوامه مش عارفه هخرج منها امتى
وياتري لو خرجت هخرج كسبانه ولا خسرانه
انا مبتمناش حاجه وحشه لحد انا بس عايزة الناس تسيبني في حالي
ندي / ياحبيبتي اهدي... انتي اللي هتتعبي يافريدة
فريدة / هو انا لسه هتعب
انا تعبانه فعلاً ياندي... انا بموت
ندي / بعد الشر عليكي ياحبيبتي هَو كريم فين
فريدة / نايم
ندي / طب روحي انتي كمان نامي وريحي دماغك دي شويه من التفكير
فريدة / حاضر... تصبحي على خير
______________________
في فيلا سعاد
سعاد / انت اكيد بتهزر
يعني عايزني ابيع الفيلا واجي اعيش في الشقة مع حضرتك انت والهانم مراتك
ليه ياحبيبي حد قالك اني اتجننت مثلا ولا ايه
وليد / هعوضك ياماما صدقيني بس انا محتاج فلوس دلوقت هسدد ديوني وهرجعلك فلوسك كلها على داير مليم ولو حبيتي انا اشتريلك قطعة أرض في مكان كويس وابنيلك فيلا واحسن من دي كمان
سعاد / انت ياابني جرالك حاجه بقى اسيب بيتي واروح اقعد معاك في الشقة هو في حد عاقل يعمل كده
وليد / الظروف اضطرتني إن اطلب من حضرتك طلب زي دا وانا مستعد اكتب على نفسي إيصال أمانه بالمبلغ وشرط جزائي كمان لو مسددتش المبلغ في الميعاد اللي هنتفق عليه وقتها ابقى قدمي الايصال للنيابة ولو مسددتش اتحبس
عشان خاطري ياماما وافقي بقى
سعاد / قولت لأ يعني لأ
روح ل اختك ولا اسر خليهم يتصرفوا انا طلعني بره الموضوع كفاية اللي لهفه اللي ميتسماش واهو مسجون اهو مش عارفه اخد حقي منه
وليد / طب م تعتبريني ايمن وساعديني زي ماساعدتيه
سعاد / وياريته طمر فيه
وليد / دا آخر كلام عندك ياماما
سعاد / ايوه ومتفتحش الموضوع دا معايا تاني
_____________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
