((الحلقة الثانية عشر))
#انت_قلبي
#بوسي_مصطفي..........................
فريدة/استنى هنا رايحه فين
ندي/عايزة مني اي يافريدة
فريدة/أحوالك اليومين دول مش عجباني ياندي
ندي/مش عجباكي ليه يا ست فريدة؟!
فريدة/معتز كان بيقولك ايه
ندي/مش هرد عليكي
مسكتها فريدة من ايدها /مش هتخرجي قبل م تقوليلي انتي مالك بالظبط عايزة افهم
ندي وهي مخنوقه وحابسه دموعها/عايزة اموت واستريح... سبيني بقى
فريدة اتأثرت بكلامها /قوليلي مالك... حازم مزعلك ولا ايه
ندي/ابقى اسأليه وسبيني اخرج
منيرة خارجه من الغرفة/مالكو يابنات في ايه
ندي/تصبحي ع خير ياطنط
وخرجت ندي من الشقه
منيرة/مالها ندي يابنتي
فريدة/معرفش بس الظاهر كده إنها متخانقه هي وحازم
حازم بيدخل/هي مين دي اللي متخانقه معايا... سلام عليكم
رددوا/وعليكم السلام
فريدة/اي ال انت جايبه في ايدك ده
حازم/دي بيتزا لندي نفسها هفتها عليها... دي ليكي انتي وماما
فريدة/هههههههه طول عمرك جدع بس قولي هي ندي حامل ولا ايه؟!
حازم/هههههه لا اصلنا متخانقين وقولت اصالحها بحاجه بتحبها
منيرة/ليه كده بس ياابني
حازم وضع الاكل ع السفرة وقعد
حازم /دماغها ناشفه اوي ياماما
فريدة/ندي مفيش اطيب منها انت بس اللي مش عارف تفهمها
حازم/ياواد انت ياعاقل
طب م تعقلي وتسافري لجوزك وتريحينا
فريدة/الظاهر كده هريحكم قريب
منيرة/كريم هيبعتلك تسافريله
فريدة/ ايون... يلا بقى عشان تستريحو مني
وأخدت قضمه من البيتزا
فريدة/فراخ؟!
حازم/بلاش خدي التانيه
فريدة/التانيه ب ايه
حازم/سي فود
فريدة/لا خلاص لندي تنزل تتخانق معايا ههههههههه
حازم/طب بعد اذنكو بقى عشان ألحق اصالح الجو
فريدة/اجي معاك
قرصتها منيرة في رجلها
حازم/هههههههههههه
فريدة وهي بتتالم/بهزر ياماما... وبعدين وجعتيني اوي
حازم/حافظي عليها اليومين دول ياماما لكريم يرحعهالنا تاني احنا مصدقنا
فريدة/كده... طيب اتفضل بقى ورينا عرض اكتافك وألحق الجو قبل م ينام وتضطر تسخن البيتزا بكره
حازم/ههههههههههه اي خفة الدم بتاعتك دي يافريدة لا انتي الليلة مش في حالتك الطبيعيه
منيرة/سيبها تروق شوية احنا مصدقنا. .. قولي ياحازم بتشوف رحمه
حازم /لأ
منيرة/طيب ياابني اطلع استريح
حازم/ تصبحو على خير
وخرج حازم
فريدة/مش هتاكلي ياماما
منيرة/لأ انا هدخل انام
...................في شقة ملك
اسر/انا معرفش حضرتك بتدافعي عنها ليه ياماما
ملك/عشان مشوفتش منها حاجه وحشه
اسر/طب انا جاي اشوف ولادي اشوفها ليه انا مش فاهم
ملك/ياابني حاسب ع كلامك لتسمعك وتزعل
اسر/م انا قاصد اسمعها... ولادي هشوفهم عندي في الفيلا ووقت م احب اجي هنا هيبقى عشان اشوفك بس ياماما
ملك وقربت من أسر تطبطب عليه/متتجوزها ياابني حتى عشان خاطر الولاد
اسر بدهشه/مستحيل انا ارجعلها تاني... دا انا مصدقت خلصت منها
: ملك/طب والوضع دا هيفضل كده لحد امتى
اسر/معرفش بس مفيش غير كده
ملك/رجعها من غير سهر م تعرف لو كنت خايف منها يعني
اسر/ماما انا محبتش هايدي ولا عمري هحبها وعشان خاطري بلاش لما اجي الاقيها هنا عشان دمي بيتحرق
ملك/يبقى متجيش احسن
اسر/اوك تصبحي على خير
ملك بغضب/مع السلامة ابقى اقفل الباب
................
أنت تقرأ
أنت قلبي🧡🥀الجزء الأول.
أدب نسائي#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...