((الحلقة الرابعة والثمانون))
#انت_قلبي
#بوسي_مصطفي
________________في شقة كريم
ندي قاعده جنب فريدة اللي مخنوقه وعماله تعيط
ندي / يابنتي كفايه كده عشان اللي في بطنك... انتي هتموتي نفسك بالشكل دا يافريدة
فريدة / انا كنت ناقصه الست سارة كمان ياندي
ندي / يابنتي دي عيله متاخديش على كلامها
فريدة / مشوفتيش بصلها ازاي لما قالتله رايح فين
دي بعد كده هتحاسبه على قعاده معايا.. كنت ناقصه دي كمان
استغفر ﷲ العظيم
ندي / انتي وترتيلي اعصابي محسساني إن جوزك دا صغير هينسي نفسه ويجري ورا عيله صغيرة
فريدة / انا مبقولش ان دا ممكن يحصل بس كفاية الضغط النفسي اللي حصلي بسبب رحمه مش ناقصه دي كمان
ندي / قوليلي رحمه مالها هي كمان
فريدة / اتخانقنا مع بعض وقالتلي كلام وحش اوي ياندي
ندي / اتوقعت ده لما لاقيتك تعبانه امبارح وهي مرضيتش تخرج تطمن عليكي
باب الشقه بيتفتح
ندي / الظاهر كريم جه... بقولك ايه انا ماشيه بس عايزاكي تفوكي شويه ومتحسسهوش بحاجه
فريدة / طيب
ندي / تصبحي على خير سلام
كريم / ندي
ندي / تصبحو على خير ياجماعه
سلام
وفتحت الباب وخرجت بسرعة
قعد كريم جنب فريدة
كريم ببتسامه / عامله ايه ياحبيبتي.
فريدة وهي حابسه دموعها / كويسه ياكريم
كريم / اومال ليه حاسس ان في حاجه مخبياها عليه
فريدة / لا مفيش حاجه
كريم يبص للشقة / الشقه زي م هي مفيش ورود ولا شموع يعني
فريدة / كنت تعبانه مقدرتش اعمل حاجه
كريم يبوس ايدها / الف سلامة عليكي ياحبيبتي
ايه مالك
طب استنى افتح الباب
منيرة / وسعلي ياابني عشان انزل الحاجه دي
كريم / ايه دا بس ياطنط
قامت فريدة / ايه دا ياماما
منيرة / عشان تاكلوا براحتكو يابنتي عارفه انكو متعشتوش كويس
كريم / بس دا كتير اوي ياطنط
منيرة / ولا كتير ولا حاجه
بس اكل فريدة عشان بقالها كام يوم مبتاكلش
كريم ببتسامة / حاضر
منيرة تهمس لفريدة / لو لسه تعبانه يابنتي قوليله
فريدة / حاضر ياماما
منيرة / عايزاكي تفوكيها شويه يافريدة هو جاي من السفر يابنتي ومش ناقص اضحكي في وشه عشان تنسيه همومه
فريدة / حاضر
منيره / طيب انا نازله لو احتاجتي حاجه ابقى اتصلي بيه انا صاحيه
فريدة / هو محمد فين ياكريم
منيرة / سميرة قالتله يسيبه معاها... تصبحي على خير
فريدة / وانتي من اهل الخير ياماما
فتحت منيرة الباب وخرجت
فريدة بتدور على كريم
فريدة / كريم انت فين
كريم من الحمام / باخد شاور ياحبيبتي
فريدة / طيب
دخلت جوه غيرت هدومها ووقفت قدام المرايا اخدت الميكب ولسه بتاخد الفرشه
كريم يحضنها ببتسامه في المرايا / انتي كده حلوه من غير اي حاجه
فريدة / بجد ياكريم
كريم / انتي شايفه ايه في المرايا
فريدة / انا شايفه قمر واقف ورايا
كريم / هههههههههههههه
قمر حته واحده.. تعرفي انك وحشاني اوي
فريدة / تعالى ناكل
كريم / ههههههههه جعانه
فريدة / هو انا مليش نفس بس لو قعدت قدامي اكيد نفسي هتتفتح
كريم ببتسامة / طيب تعالي
اخدها من ايدها وقعدها على السفره وقعد جنبها
كريم / نبدأ ب ايه بقى
فريدة / اي حاجه
كريم / خلاص يبقى نبدأ بالفراخ انتي قطمه وانا قطمه
فريدة / ههههههههه دا بخل بقى
قطع الدبوسه
كريم / قطمه واحده اوك
فريدة بتضحك / حاضر
أنت تقرأ
أنت قلبي🧡🥀الجزء الأول.
Literatura Feminina#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...