((الحلقة الحادية عشر))
#انت_قلبي
#بوسي_مصطفي...........................
قدام باب شقة والدة مجدي
يفتح الباب ويدخل هو وداليا
كانت والدته قاعدة قدام التلفزيون نايمه اول م سمعت صوت الباب قامت بسرعة
مجدي/سلام عليكم
انتصار/وعليكم السلام اي ال اخرك كده ياابني
مجدي/الساعة لسه يدوب عشره ياماما
داليا/البنات ناموا ياطنط
انتصار/لسه نايمين من شويه
مجدي/ادخلي ياداليا جهزي لماما العشا
انتصار/انا أكلت انا والبنات تصبحو ع خير هدخل انام
اخد مجدي داليا من ايدها ودخلوا الغرفه
قعدت ع السرير وايدها ع راسها
مجدي/مالك ياداليا انتي تعبانه ولا ايه
داليا /صداع بسيط هنام واصحى كويسه
مجدي/واضح انك متبسطيش هناك
داليا/لا بالعكس اتبسط اوي هناك وضحكنا ضحك ههههههههه
مجدي/اندمجتي معاهم يعني
داليا/اندمجت اه
مجدي/مالك ياداليا
داليا/بصراحه جعانه
مجدي/هههههههه قولي كده بقى
داليا وقربت من مجدي وضعت راسها ع كتفه
داليا/بقولك اي ياحبيبي
مجدي/نعم ياروحي
داليا/عايزة اكل
مجدي /هههههه واي المطلوب
داليا/تدخل المطبخ تعملي حاجه أكلها
نظر مجدي ليها وضيق عينه
داليا/هههههههه زي زمان يعني فاكر
مجدي/حاضر ياحبيبتي هعملك احلى عشا ومعاه فنجان قهوة ونسهر للصبح
داليا/ياااه فكرتني ب ايام زمان
مجدي/اي حكاية ايام زمان ال بتردديها كتير دي
داليا/من يوم م جينا هنا واحنا حياتنا تغيرت خالص لا بنقعد مع بعض ولا بنعرف نتكلم ولا نهزر مامتك واخده بالها من كل تصرفاتنا مش واخده راحتي خالص
مجدي/رجعنا من تاني لنفس الاسطوانه
داليا /خلاص حقك عليه
مجدي/تخيلي كده لما تكبري وتجوزي البنات وتقعدي في الشقه لوحدك ياتري احساسك هيبقى ايه؟
داليا/هتبقى معايا ياحبيبي ونونس بعض
مجدي/مفهمتنيش برضو.... أمي بقى ملهاش غيري
ابويا توفي وانا عندي تلات سنين
تفتكري بعد م عاشت عمرها كله ليه ورفضت تتجوز عشان محدش غريب ياخد مكان أبويه اني ممكن اسيبها بعد م كبرت واتجوزت وبقي عندي أسرة وخلاص مش محتاجها في أي حاجه
داليا/مقصدش يامجدي بس
قاطعها مجدي/عارف ياداليا إنك لسه صغيرة ومحتاجه تلبسي براحتك في بيتك نقعد نضحك ونهزر مع بعض تنامي وتخرجي براحتك ووجودك هنا مش مخليكي تعيشي ع راحتك
داليا/ انا مبكرهش مامتك بس نفسي تعاملني زي بنتها وتعرف إن دي حقوقي
مجدي/واحده واحده وهتتعود
انا كمان حاسس بتغيير كبير في حياتي وكنت الأول حاسس بحريه اكتر بس مش مهم كفايه دعوة امي ليه واني اصحى الصبح الاقيها قاعدة ع سجادة الصلاة وبتدعيلي ياااه متعرفيش انا بكون سعيد قد ايه وانا مستخبي عشان متشوفنيش وسامعها وهي بتدعيلي
داليا/جعانه
مجدي/هههههههه حاضر.............................
فريدة بتتكلم مع زوجها
كريم/رجعتي امتى
فريدة/من نص ساعة... بتعمل ايه
كريم/قاعد.. جبت اكل معايا وانا جاي هاكله وانام
فريدة/مبتخرجش خالص ياكريم
كريم/انا حياتي كلها بره ازاي بقى مبخرجش
فريدة/اقصد يعني مبتنزلش تغير جو في أي مكان
تقعد في كافيه تشرب حاجه تخرج مع اصحابك تجرب تعمل أكله جديدة تغير روتين حياتك دا
كريم/لا ماهو لما تيجي هنعمل كل دا مع بعض
فريدة/اهو كلام
كريم/عارف اني حياتي مفيهاش جديد ودا اللي خنقك من القاعدة هنا
بس اوعدك اني احاول اجدد شويه في حياتنا
فريدة/مبوحشكش ياكريم
سكت ومردش
فريدة/مردتش يعني
كريم/م بلاش الكلام اللي يوجع القلب دا
فريدة/ليه... دا انا كل يوم اعيط بس الوضع اللي احنا فيه دا
كريم بتنهيدة/انتي اللي اخترتي يافريدة مش انا
فريدة/بصراحه مكونتش اعرف اني بحبك اوي كده... كريم انت وحشتني اوي
كريم/اهو انا مبحبش اتكلم معاكي كتير عشان بتتعبي اعصابي بصراحه بكلامك دا
فريدة/ياتقل دمك يااخي بقولك وحشتني انت اي قلبك دا مبيحنش ابدا
كريم/هههههههه تصدقي بقى كلامك دا مش هيخليني انام الليلة اقفلي يافريدة
فريدة/طب بل ريقي بكلمه
كريم/بحبك يافريدة ومخنوق وتعبان وانتي بعيدة عني بس الكلام هيفيد ب ايه انتي اللي تفكري وتقرري هتنهي الوضع ال حاصل دا ازاي
فريدة/خلاص ياكريم انا فكرت وقررت
كريم/مش هترجعي في كلامك
فريدة/لأ
كريم /آخر كلام
فريدة بتعيط/بحبك ياكريم ومحتاجاك اوي
كريم/طب بتعيطي ليه دلوقت
فريدة/عشان وحشني
كريم بتهنيدة قويه/تصبحي ع خير يافريدة
فريدة/هتنام
كريم/ اه
فريدة/مش هتاكل
كريم بحزن/مليش نفس
اقفلي يافريدة
فريدة/كلامي ضايقك
كريم/لا يافريدة بس انا ممكن اقولك كلام اكتر من ده بس هيفيد ب ايه
فريدة/كريم انت ليه مش مصدق اني عايزة اجيلك فعلاً
كريم/هو انا مفيش قدامي حل غير اني ارجع ونعيش مع بعض
فريدة / وتسيب دراستك وشغلك وكل الامتيازات اللي عندك دي عشان ترجع ونعيش مع بعض هنا
كريم/قلقان منك
فريدة/ههههههه لا مش هرجع في كلامي متخافش احجزلي بقى
كريم/حاضر
فريدة/حاضر ايه
كريم/هههههههه حاضر هحجزلك يابنت عمي
فريدة/بحبك
كريم/وانا بموت فيكي
فريدة بتنهيدة /أخيراً نطقت
كريم/ههههههه طب اقفلي بقى عشان جعان
فريدة/اوك ياحبيبي تصبح ع خير
.....................
أنت تقرأ
أنت قلبي🧡🥀الجزء الأول.
Chick-Lit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...