((الحلقة الخامسة والعشرون))
#انت_قلبي
#بوسي_مصطفي
________________________
في شركة مراد
وعد تخبط ع باب مكتب هشام
هشام/ ادخل يامازن
وعد تفتح الباب بشويش وتبص لهشام ببتسامة
هشام يبادلها نفس الابتسامة
هشام / تعالى ياحبيبتي واقفه عندك ليه
وعد/ يعني مش هعطلك
هشام/ لا بس مطوليش ها
وعد/لا دول كلمتين بس في السريع كده وهخرج ع طول عشان عندي شغل
هشام/هو مازن مش ع مكتبه
وعد/لأ
هشام/طيب اقعدي... تشربي ايه
وعد/هو انا جايه اضايف ياهشام انا كنت جايه اخد سلفه منك
هشام بيضحك/ هههههههههههه
وعد/ ابقى اخصم جزء من مرتبي كل شهر
هشام/ عايزة كام
وعد/خمسين ألف
هشام/ليه
وعد نظرت لهشام واضايقت
هشام/ ههههههههه مقصدش
خلاص طالما مش عايزة تقولي براحتك
هشام بيكتب شيك بقيمة المبلغ ال طلبته وعد
هشام/دا تصرفيه بكره من البنك
ومفيش حاجه اسمها سلفه سامعه
وعد ببتسامة وعينها مدمعه/متشكره اوي ياهشام
هشام/لو احتاجتي اي حاجه ياوعد اطلبيها مني
وعد وقربت من هشام/انا بحبك اوي ياهشام
هشام /وانا بموت فيكو
وعد/كان نفسي اتجوز واحد شبهك اوي
هشام/ههههههههههههه امال الراجل ال متجوزاه دا ايه يامجنونه
وعد/ لا كان نفسي يبقى نسخه من بابا ال انت طالع شبهه اوي
... نفس حنيته... وطيبة قلبه.. حبيبي يابابا وحشني اوي
هشام بيمسح دموعه ببتسامة بيحاول يداري بيها تأثره بكلام وعد
هشام/تروحي بقى تشوفي شغلك
وعد/حاضر
هي امل في البيت
هشام/لا أمل اخدت الولاد وراحت النادي
وعد/كويس اهو تفوك عن نفسها شويه. .. هروح اشوف شغلي بقى.... سلام
مازن بيخبط ع باب المكتب
هشام/كنت فين يااستاذ
مازن/هكون فين يعني...
هشام /ايوه يعني كنت فين
مازن/خلاص بقى ياهشام
وعد اوحرجت وخرجت من المكتب
مازن/عمال اغمزلك ايه مش فاهم... كنت في الحمام... ولا دا كمان هيعطل الشغل
هشام/طيب اطلبلنا فطار انا جعان اوي
مازن /م انا قولتلك انت ال مرضتش
هشام/مكونتش جعان
مازن/طيب... أمضى ع الورق دا عقبال م اتصل بس غدا ها... مفيش وجبة فطار دلوقت
هشام/اوك... غدا... غدا.. مش مهم.. انا جعان وهاكل اي حاجه
_________________________
في فيلا أسر
سهر قعدة ع السفره بتاكل مجدي وجنبها مليكه
سهر/متلعبيش ياملوكه وخدي بالك من الطبق هيوقع
مليكه/اوك يامامي
سهر بتنهيدة/وانت ياميجو ياحبيبي افتح بؤك بقى عشان احبك
مجدي قفل بؤه وهز راسه
سهر/طب المعلقة دي بس
مجدي يبعد المعلقة ب ايده فتوقع ع الارض
سهر تصرخ في وجهه تخرج الداده من المطبخ بسرعه وتاخد مجدي /تعالى ياحبيبي اكلك
سبيه لي يامدام وانا هاكله
سهر سكتت... الداده اخدت مجدي جوه في المطبخ
اتنهدت سهر بخنقه.. نظرت مليكه لسهر بخوف
سهر/كلي ياحبيبتي متخافيش
مليكه/مامي انت زعلانه انتي وبابي
سهر/لا ياحبيبتي
مليكه/طب بابي مش هياكل معانا
سهر/معرفش خلصي اكل واطلعي قوليله ينزل يتغدا
مليكه/بابي جاي اهوه
كان أسر بيزرر كم القميص ونازل بسرعة
سهر اتعمدت متتلفتش ليه
مليكه/بابي مش هتاكل معانا
اسر/لا ياملوكه عندي شغل
اتنهدت سهر بضيق عشان تحسسه بوجودها
اسر مهتمش وقرب من الباب يفتحه عشان يخرج
يتفاجأ ب مامته والولاد
اسر بفرحه وهو بيحتضن على وملك/حبايب بابي ايه المفاجأة الحلوه دي
ملك/ايه رأيك بقى انا قولت اعملها بقى واجيلك طالما مش عايز تيجي
اسر وهو بيحتضن والدته/معلش ياماما غصب عني... اتفضلي... تعالوا ياولاد سلموا ع اخواتكو
قامت مليكه وجريت ناحية على وملك باستهم واحتضنتهم
اسر/فين ميجو ياملوكه
مليكه/في المطبخ... ميجووو تعالى سلم ع اخواتي
قامت سهر تسلم ع ملك
سهر/ازاي حضرتك ياطنط
ملك/الحمد لله... ازيك ياسهر
سهر/الحمد لله... المكان نور بوجودك اتفضلي
ملك/لا معلش انا جايه ل أسر في كلمتين
اسر/اتفضلي ياماما
ملك/ممكن نقعد لوحدنا
اسر /اه طبعاً.... اتفضلي حضرتك في المكتب ________________________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
