((الحلقة الثامنة والعشرون))
#انت_قلبي
#بوسي_مصطفي______________________
في فيلا مراد
امل في غرفة مراد بتنضف الغرفه وفاتحه دولاب مراد بترتب الهدوم. . اخدت بدله من بتوع مراد بتكويها
وهي بتعيط.. مراد الصغير بيلعب
امل وهي بتمسح دموعها/مراد بطل شقاوه بقى
مراد/مامي اكل
امل /انت مش عايز تاكل انت عاوز تفضل صاحي وتدوشني بشقاوتك دي
مراد/شيكولاته صغننه مامي
امل /ولا حته قد كده كفاية عليك كده النهاردة
مراد/هقول لبابي عشان يضربك
امل وتصنعت الحزن وعملت نفسها بتعيط / عاوز بابي يضربني... انا زعلانه منك ومخصماك ها
مراد قرب من امل/لا مامي عيطي لا... مش هقول لبابي خلاص
امل/هتسمع الكلام وتنام بقى
مراد/قولي حدوته الأول
امل/طيب هخلص ال في أيدي
ونحكي حواديت براحتنا
هشام بيفتح الباب/انتي هنا ياامل وانا بدور عليكي
امل ببتسامة /حمدا لله... على سلامتك... ياحبيبي... جيت امتى
هشام / لسه جاي... انتي بتعملي اي هنا
امل/ كنت بنضف الاوضه
هشام / ايه ال بتكويه دا ياامل
امل بحزن / بدلة بابا
هشام / انا قولتلك متدخليش الاوضه دي تاني رباب تبقى تنضفها
امل / بس انا بحب انضفها بنفسي بتفكرني لما كنت بنضفها قبل كده وبابا موجود
هشام بتنهيدة / عشان خاطري اسمعي كلامي وسيبي رباب تنضفها وانت يااستاذ اي اللي مصحيك لغاية دلوقت منمتش ليه
امل/ ينام ازاي قبل م يشوفك ويلعب معاك
هشام / لاااا انا لا قادر ألعب ولا حتى أقف ع رجلي انا رايح انام
امل / شوفت يامراد اهو بابي هينام شوف مين بقى اللي هيحكيلك حواديت
هشام / ايه دا ياامل انتي بتشبطيه فيه بقى ولا ايه
امل / اشمعنه انا يعني ماهو شبطان فيه من الصبح ومش عايز يسبني
هشام / طب انا راجع من الشغل تعبان... لسه هلعب مع مراد كمان
مراد بيغمض عينه وبينام
امل غمزت لهشام
هشام / حاضر هاخده انيمه في سريره بس متناميش عشان عايزك في موضوع جوه
امل/ ماشي بس متنامش انت وتسيبني مستنياك للصبح زي كل مره
هشام / هههههههه حاضر مش هتاخر...
بعد شوية... في غرفة هشام
امل / ايه مراد نام
هشام / في سابع نومه
امل / ايه الموضوع ال كنت عاوزني فيه
هشام / اخد شاور عشان اصحصح
امل / هشام انا بصحي بدري عشان الولاد ياريت تخلص وتقولي في ايه
هشام / خمس دقايق عشان منامش وانا بكلمك
امل بتنهيدة / حاضر... انت بقيت رخم اوي اليومين دول
هشام / هههههههههه بقى كده... ماشي ياامل
بعد شوية...
هشام / امل... امل قومي انتي نمتي
امل / لا صاحيه... ايه الرخامه دي؟!
شوفتني نايمه بتصحيني ليه؟!
هشام / هههههههههههههههه معلش خليها عليكي شويه
امل / وادي قعدة... اتفضل قول وخلصني
هشام / وانتي مضايقه كده مينفعش
امل / يعني اعمل ايه... اتحزم وارقص مثلاً
هشام / ههههههههههه ياريت بس انا عارف استحاله تعمليها
امل / شكلك رايق وعاوز تسهرني معاك وخلاص
هشام / انا بفكر أسس شركة انا وأسر
امل / كويس... فين المشكلة بقي؟
هشام / المشكلة إني خايف أسر ميوافقش
امل / ليه ميوافقش
هشام / أسر حساس اوي من الناحية دي... ولمحتله كذا مرة كان بيضايق وينهي الحوار ويقوم
امل / انا ملاحظه إن أمورهم اليومين دول مش تمام... بس بتحرج اسأل سهر
هشام / أسر ساب الشغل في شركة باباه
امل / ياخبر ليه
هشام / باباه عين طليقته مديرة لمكتبه
امل / طب ودا يزعل أسر في ايه يخليه في شغله وميحتكش بيها خالص
هشام / مفهمتنيش ولا ايه
انا اقصد مكتب أسر مش باباه
امل / اااه فهمت... طب وباباه عمل كده ليه
هشام / مفكر إن قرب طليقته منه هيرجع العلاقات بينهم تاني ويتجوزها
امل / ياخبر دي سهر تروح فيها
هشام / ماهو عشان كده أسر قرر يبعد عن كل ده... هو عايز يحافظ ع بيته وخصوصاً إنه مكانش بيحب طليقته يعني عشان يرجعها
امل / طيب ماهو ممكن يأسس شركة لوحده خصوصاً إنه عنده خبره في مجال المقاولات ده وبقاله سنين شغال مع باباه وفاهم الشغل ماشي ازاي
هشام / أسر معندوش ولا مليم في البنك
امل / مش معقول... ليه هي فلوسه راحت فين
هشام / سحب كل الفلوس بتاعته وكان بيمشي بيها الشركة لحد م باباه يخرج
امل / يرجعله فلوسه تاني... مش دا حقه برضو ولا ايه؟
هشام / باباه حاطط شرط يرجعله فلوسه مقابل إنه يرجع الشركة ويقبل بالوضع الجديد وهو رافض الموضوع ده
امل / بس دي تضحيه كبيره اوي ياهشام.. انا من رأيي يرجع وخلاص وطالما مش عايز يرجع طليقته دي خلاص محدش هيغصب عليه
هشام / يبقى معرفهاش ياامل
دي بتجارب عشان تخرب بيته
امل / ليه كل ده
هشام / عند وشغل كيد نسا بقي م انت عارفه
امل / عشان كده سهر مبقتش تتصل ولا تيجي زي الاول
هشام / معلش ياحبيبتي اعذريها... وابقى اتصلي اطمني عليها بس متحاوليش تسأليها ولا تقوللها ع اي حاجه
انا بس كنت باخد رأيك
امل / خلاص حاول تقنعه ومتحسسهوش إنك بتساعده قوله هدخل انا برأس المال وانت بمجهودك
هشام / لمحت بقولك وأول م حس بكده قفل الموضوع وقام ع طول
امل / طب والعمل... انا زعلانه اوي ع الحال ال وصل ليه
هو إنسان كويس اوي واستجدعته كتير عشان وقف جنب سهر وكان راجل بجد معاها
شبهك كده ياهشام
هشام / نعم!
امل / هههههههه مقصدش ياحبيبي انت هتغير ولا ايه
هشام / أسر صاحبي اه... بس يوم م مراتي تقول كلام زي ده انا أنهى الصحوبيه دي فوراً
امل تخبطه / انا بتكلم ع وقفته مع مراته اي دخل دا في ده أعقل ياهشام ومتخليش دماغك تحدف شمال
هشام / طب اقفلي النور دا عايز انام
امل / مش قبل م اصالحك
هشام / اقفلي النور ياامل
امل وهي بتحضنه / خلاص بقى يااتش ميبقاش عقلك صغير وانا آسفه لو كلامي أتفهم غلط
هشام / امل انا بغير عليكي حتى من ولادي بلاش بقى تجننيني عشان انا بعتبرك جزء خاص بيه انا لوحدي تفكيرك وحياتك تبقى ليه انا وبس
امل / دا حب امتلاك بقى
هشام / اه ياامل هو كده بالظبط
امل / وانا مش موافقه ع كده يادوك
هشام وهو بيقربها ليه وبيحتضنها / لا دا مش بمزاجك ع فكرة انتي سجينة قلبي انا وبس
امل / تعبير صعب اوي ياهشام
هشام / مش حابه تكوني جوه قلبي
امل / ايوه بس متقولش مسجونه عشان المسجون دا بيدخل السجن غصب عنه لكن انا دخلته برضايا ومش عايزة اخرج منه يبقى دا مش سجن
هشام / معلش خاني التعبير
انتي حياتي كلها وانا طفل صغير عايش فيها كأنك امي اللي مبرتحش غير في حضنها
امل / وانت أبويه واخويه وابني وكل حاجه ليه ياهشام
هشام / طب ارد اقول ايه بعد الكلام الحلو اللي طالع من القلب ده
امل / تقول تصبحي ع خير
هشام وهو بيحضنها بكل قوته /دا مين المغفل اللي هينام ويسيب القمر ده
امل / طب حاسب عضمي هيتكسر
هشام / هههههههههههه آسف ياحبيبتي اندمجت شويه
امل تخبطه / اندمجت ايه بس
دراعي اتكسر يااخي مش تحاسب
هشام وهو بيحتضنها مرة تانية /خلاص انا آسف
امل / تاني ياهشام... انت رخم اوي بجد
هشام / طب روحي اقفلي النور عايز انام
امل وهي بتتغطي بالبطانيه /لا مش هقوم... بقى ايه رأيك
هشام / كده ياامل... اوك انتي ال جبتيه لنفسك ههههههههههههه
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...