((الحلقة الثانية والعشرون))
#انت_قلبي
#بوسي_مصطفي
_________________________يقفل حسام مع أسر
وينظر حوله يلاقي مجموعة كبيرة من الموظفين واقفين عند باب المكتب
وفجأة يدخل على
على بغضب/في ايه جوه ياحسام
حسام بارتباك/مفيش ياعمي
على /وسع كده خليني اشوف في ايه
ويدخل على بعد م يفتح باب المكتب
هايدي تقوم بسرعه وهي ماسكه ضهرها
هايدي/شوفت ياعمي سهر جات اتهجمت عليه في المكتب وبهدلتني ازاي؟!
ونزلت دمعتين
تقوم سهر وهي بتحاول تظبط هدومها وتلف شعرها
علي/بتعملي ايه ياسهر هنا
سهر بصوت مكتوم ومتعب/كنت جايه اشوفك ياعمي
علي/وايه اللي دخلك هنا
سهر مردتش
حسام/تعالى استريحي هنا ياسهر
على /تروح مكان م جات... معاكي عربيه ولا حسام يوصلك
سهر بدهشه وضيق/معايا عربيتي
علي/طيب اتفضلي
سهر خارجه من المكتب
حسام/استنى ياسهر هتسوقي كده ازاي
سهر/هستريح بره شويه
قعدت سهر خارج المكتب
حسام للموظفين اللي موجودين عند باب المكتب
/لو سمحتم اتفضلوا تشوفوا شغلكوا
اشربي ياسهر
سهر/حسام هي اللي جوه دي بتعمل ايه هنا؟!
حسام/أسر هيبقى يفهمك على كل حاجه... انا كلمته وزمانه جاي
خرج على من المكتب بعد م نظر لسهر بغضب
بعد شويه جه أسر اللي اول م شافته سهر قعدت تعيط
اخدها من ايدها ونزلوا لتحت
اسر بغضب/اتفضلي اركبي
سهر/انت واخدني ورايح فين... انا مش همشي من هنا قبل متجبلي حقي منها
اسر بغضب/اركبي ياسهر وخلي يومك يعدي
سهر/انا يااسر
واتجهت ناحية الاسانسير مرة تانيه
اسر مسك أيدها بعنف /كفايه فضايح بقى يلا بينا من هنا
سهر/مش هتجبلي حقي هطلع انا اجيبه وهرمهالك من فوق يااسر
اسر/بطلي جنان بقى واركبي
سهر/مش قبل م تضربها زي م ضربتني
اسر/بطلي شغل العيال دا ياسهر ويلا بينا نروح
سهر واقفه بتعيط... أسر بعد عنها واتجه ناحية العربية... نظرت ليه ومسحت دموعها واتجهت ناحيته_______________________________
في شقة أكرم(والد ندي)
ميرفت(والدة ندي)/مبتاكلش ليه يااكرم؟
أكرم /هي ندي جات امتى؟
ميرفت وهي بتقلب الشاي/ جات بالليل
اكرم/يعني بايته هنا؟!
ميرفت/ اه
اكرم/ليه هو حازم مش فوق
ميرفت/ولا اعرف عنهم حاجه اهي خبطت بالليل فتحتلها الباب دخلت ب سألها لاقيتها بترد عليه وبتزعق في ابنها ودخلت نامت في اوضتها قولت الصبح تبقى تتكلم معاها
اكرم بتنهيدة/يبقى متخانقه مع جوزها
ميرفت/إن جيت للحق ياابو على
بنتك حالها وعيشتها مع ابن اخوك مش عجباني
اكرم/ليه ياميرفت ماله حازم ماهو بيشتغل ب ايده وسنانه اهو عشان يعمل مستقبل ليه ولبنتك
ميرفت/انا بنتي شايفاها دبلانه وصوتها بقى عالي ع طول وزعيق وشخط في الواد واكلمها اي كلمة تتنرفز وتتضايق وشويه الاقيها جايه تعتذر وتقولي غصب عني ياماما
اكرم /معلش ياميرفت كلنا كده
ميرفت/مش دي ندي بنتي يااكرم اللي مكانتش بتبطل ضحك وهزار بقت ع طول مخنوقه وبتعيط
اكرم/شوفيها صحيت كده
ميرفت/حاضر
كانت ندي جوه بتلبس ابنها
ندي/أوقف بقى يااخي خليني اعرف البسك
تخبط ميرفت ع الباب/سبيه ياندي انا هلبسه وروحي افطري يابنتي
ندي/صباح الخير ياماما
ميرفت/صباح النور يابنتي
اطلعي افطري مع بابا قبل م ينزل
ندي/هو بابا لسه منزلش
ميرفت/ قاعد بره روحي افطري معاه
ندي/لا مليش نفس
ميرفت/قوليلي بقى مالك يابنتي
ندي/مفيش ياماما
ميرفت/لأ فيه... سايبه شقتك وجايه تباتي هنا ليه
ندي بغضب/ مباتش هنا كمان؟!
خلاص هباتلكو في الشارع عشان اريحكو مني
ميرفت/انا بسألك ايه السبب يعني اللي يخليكي تسيبي شقتك وتيجي تباتي هنا تقومي تزعقيلي وتعلي صوتك عليه ياندي
يدخل أكرم /سبينا شويه ياميرفت
نظرت ميرفت لندي/بس فهمها إن مهما كانت زعلانه ولا مضايقه مترعقش في امها كده!
اكرم/معلش اخرجي بس دلوقت
ميرفت/حاضر
اكرم ل أنس/اخرج ياحبيبي لتيته تأكلك
ندي/روح ياانس اسمع كلام جدو
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...