أنت قلبي🧡🥀الجزء الأول.

الحلقة العشرون

: ((الحلقة العشرون))
#انت_قلبي
#بوسي_مصطفي
....................

في شقة عمر(زوج ياسمينه)
عمر وياسمينه بيتخانقوا مع بعض اتصل بوالدتها(نادين) تيجي
عمر/قصري لسانك ياياسمين انا مش عاجز ولا مليش لسان ارد عليكي بس محترم وجود طنط وعامل حساب إنك بنت خالي
نادين/في ايه بس يابنتي اهدي كده واقعدي
ياسمينه /لا ياماما انا مش قاعدة هنا وهسيبهاله يشبع بيها
نادين/طب انت طلبتني ياابني وقولتلي تعالى طب متقولي في ايه بدل منا قعدة كده مش فاهمه حاجه
عمر/حاضر ياطنط ههقولك
انا دلوقت لسه راجع من الشغل من شويه بعد يوم طويل من الصبح وانا واقف ع رجلي وسط العمال مش من حقي ارجع بيتي الاقي هدوء ع الاقل حتى اللقمه مطلبتهاش منها وجبت اكلي معايا وسبتها عند حضرتك من الصبح ومعرفش عنها حاجه
ياسمينه /لأ قولتلك اني رايحه أزور واخده صاحبتي تعبانه ومكونتش هناك لوحدي
عمر/انتي عارفه اني مقصدش كده بس انا سايبك ع راحتك ياياسمين
ياسمينه/لا بقى مسمحلكش تقولي كده انا مبعملش حاجه عشان تقولي سايبك ع راحتك
نادين/عمر ميقصدش يابنتي
عمر/انا فعلاً مقصدش اللي هي فهمته انا اقصد اني مش خانقك زي باقي الرجاله كمان في حاجه ياطنط صوتها عالي ع طول وكل كلمة اقولها قصادها الرد بتاعها وانا مبحبش كده
ياسمينه/انا كده بقى وإن كان عاجبك
عمر بغضب/لا مش عاجبني ياياسمين ومش انتي اللي هتمشيني ع مزاجك وصوتك دا ميعلاش عليه ومش معنى اني بعدي ليكي كتير يبقى انا ضعيف انا عامل حساب لحاجات كتير ياريت متضطرنيش اني اتعامل معاكي بطريقة متعجبكيش
ياسمينه/بص ياعمر هي قافله معايا الليلة والشيطان بيقولي اني امشي واسيبهالك عشان تستريح مني
عمر/اوك لو عايزة تروحي مع مامتك تهدي أعصابك هناك وتقعدي كام يوم تغيري جو معنديش مانع
ياسمينه/لا هي قافله معايا خالص ومش عايزة اكمل طلقني ياعمر
نادين/اعقلي ياياسمين ايه اللي بتقوليه دا
وانت يابشمهندس مالك انت كمان يعني هي بنتي مجنونه وانا عارفه مفروض تبقى عاقل كده
وتعرف تهديها
عمر /زهقت بقالي سبع سنين عمال اهدي واطبطب واقول معلش بنت خالي واستحمل عصبيتها وزعيقها وصوتها العالي واهمالها ليه وللبيت بس كنت باجي يوم واحد في الأسبوع لكن دلوقت يومياً ع النظام دا لا خلاص مش قادر استحمل
ياسمينه/خلاص مبقاش فيه حاجه عاجباك يابشمهندس ع العموم براحتك
ودخلت ياسمينه جوه
نادين/معلش ياابني استحملها هي بقالها كام يوم اعصابها تعبانه بسبب خالك
ﷲ يسامحه... هقول ايه بس
دمرني ودمر بناته... واحده شبطانه في واد معرفش عرفته منين واهي الكبيرة العاقله اللي كل م اقول هديت خلاص ونفسيتها بقت احسن يجي خالك ويبوظ الدنيا... انا مبقتش عارفه اعمل ايه
عمر/عارف ياطنط بس ياسمين طبعها صعب اوي ع قد ماهي بتضحك وتهزر وتحسي إن دماغها كده في الطراوه لكن لما بتقفل بتبقى جزمه قديمة
نادين /هي مين دي؟!
عمر/اقصد دماغها يعني ياطنط متفهمنيش غلط
نادين/طيب عشان خاطري ادخل هديها بكلمتين هي قلبها طيب بس محتاجه شوية حنان بس...
وصدقني هتلين معاك وتبقى كويسه
ياسمينه خارجه في ايدها شنطة هدوم ومعاها نادين الصغيرة
نادين /رايحه فين ياياسمين
ياسمينه/ماشيه ياماما... هتنزلي معايا ولا قاعدة شويه
عمر/اعقلي ياياسمين واقعدي
ياسمينه /لا انا مجنونه ومش هقعد يلا يانادين هاتي ايدك
وفتحت ياسمين الباب وخرجت
نادين تجري تنزل تحت تلحقها
نادين/ماما هتركبي معايا ولا تشوفيلك تاكسي لوحدك
نادين/انتي جرالك ايه يابنتي بس اعقلي واطلعي شقتك
ياسمينه /لو مليش مكان عندك انا هشوفلي شقة انا وبنتي
نادين/بقى كده ياياسمين أخص عليكي هو انا بقول كده عشان مش عايزاكي عندي ولا بحاول احافظ علي بيتك
ياسمينه وهي بتعيط/لو كنت فارقه معاه كان نزل جرى ياماما...
نادين/طيب خلاص شوفلنا تاكسي بقى عشان نروح
.................