((الحلقة ٩٣))
#انت_قلبي
#بوسي_مصطفي
___________________
كمال / لا ياابني انت مبتكدبش بس مستغرب من اللي حصل ثواني راجعلك
معتز / اتفضل حضرتك
قام كمال وخبط على باب اوضة هدى كانت ياسمين وفيروز عندها جوه
ياسمينه / اتفضل يامستر
كمال / معلش يا ياسمين كنت عايز اتكلم مع هدي شويه
ياسمينه / اه ماشي تعالي يافيروز
وخرجت ياسمين وفيروز من الاوضه وقرب كمال قعد جنب هدى على طرف السرير
هدى / بابا انا عارفه حضرتك عايز تكلمني في ايه بس انا فكرت وراجعت نفسي وحسيت اني اتسرعت
كمال بتنهيده / اتسرعتي في ايه انا جيتلك وقعدت نفس القعدة دي وكلمتك وسألتك بكل وضوح
انتي موافقه على الدكتور معتز
سكتي عدت السؤال تاني ابتسمتي وسكتي عدت تالت
قولتيلي ايه وقتها ؟
انا بسألك جاوبيني
هدى / قولت لحضرتك موافقه
كمال / ايه اللي تغير بقى
هدى / محبتوش يابابا
كمال / متأكده
هدى وهي حابسه دموعها / ايوه متأكدة
نظر كمال في عينها وبأيده مسح دموعها
كمال / طاب ليه زعلانه ومدمعه
هدى / مفيش يابابا
كمال / بتكدبي زي مامتك م كانت بتعمل بالظبط
كانت تبقى تعبانه واقولها مالك تضحك وتقولي مفيش انام واصحى الاقيها بتعيط في اوضه تانيه
انا مش هفرح لما اعرف ان في حاجه وجعاكي بس كمان مش هستريح وانا حاسس إنك مخبيه عليه حاجه
هدى / معتز شاب كويس بس انا لاقيت إننا مش شبه بعض خالص ومش متفقين على رأي
هو عايز حاجه وانا عايزة حاجه تانيه خالص
طبعا كلام هدى م اقنعش كمال وحس انها بتقول أي حاجه وخلاص
كمال / ماشي انا هطلع دلوقت واقوله كل شيء نصيب بس خليكي فاكره انك انتي اللي اخترتي ياهدي
هدى ودموعها سالت على خدها وهزت راسها إنها موافقه على كلام باباها
خرج كمال لمعتز وقاله
كمال / اديها فرصة كام يوم ياابني وانا هجيبلك القرار النهائي
معتز / بس ياعمي انا كنت عايز اعرف انا غلطت في ايه
كمال / مغلطتش في حاجه بس يمكن في حاجه مضايقاها هتبان في الكام يوم دول وانا هتصل بيك واقولك على قرارها
معتز / ياريت تكلمها ياعمي وتحاول تقنعها وتقولها اني بحبها واتعلقت بيها
انا عارف إن الكلام دا ممكن يضايق حضرتك بس هو دا اللي طلع من قلبي
كمال / حاضر ياابني
معلش متزعلش مني ياريت متتصلش بيها لحد م انا اكلمك
معتز / اوك... بعد اذن حضرتك
______________
في شقة كريم
فريدة / اخلصي ياندي قوليلي في ايه ومالك جايه مش طايقه نفسك وهتولعي فيه من النار اللي عماله تخرجيه من بوقك دي
ندي / بصي يافريدة انا
كنت فوق عند شهد من شويه كانت نازله تحت قولتلها هاتيلي كريم للشعر وقالتلي حاضر طلعت بعد شويه اجيبه لاقيتها بتفرجني على صور معتز وخطيبته
فريدة / ودي فيها ايه ياندي
ندي / ماهو مش دا اللي ضايقني طبعاً
كلامها بقى وتلميحاتها معجبتنيش
فريدة / ليه قالت ايه؟؟
ندي / بقولها.. ما شاء ﷲ
عروسته جميله ودعيتله
لاقيتها بتسألني وبتقولي من قلبك؟؟
فريدة / يعني ايه مش فاهمه
ندي / اخوها يااختي طلع قايلها على كل حاجه
وهي بقى عماله تلمح بكلام مستفز كده حرقت دمي ونزلت وسيبتها
فريدة / ولا كانك سمعتي حاجه
ندي / ازاي بس يافريدة دا انا شويه وكنت هضربها على الكلام المستفز اللي قالته فوق
جرس الباب يرن
فريدة / طب اقعدي واهدي كده
هشوف مين على الباب
تفتح فريدة الباب / شهد!
شهد / ازيك يافريدة... ندي عندك
فريدة / الحمد لله... اه جوه اتفضلي
شهد تدخل / ايه ياندي انتي زعلتي من كلامي ولا ايه
ندي / انتي بقى مخلصتيش كلامك فوق يجي تكملي هنا
شهد / انا جيت اتكلم معاكي هنا وعارفه إن فريدة تعرف كل حاجه م انتو مع بعض دايماً ومفيش واحده بتخبي عن التانيه حاجه
ندي / بقولك ايه بدل اللف والدوران ده اتفضلي قولي الكلمتين اللي تاعبينك عشان تطلعي لابنك
شهد / انا مكانش قصدي اضايقك ولا حاجه
كل اللي قولته إن الحب الاول دا مبيتنسيش وكل واحده فينا اكيد جربت الحب ده
فريدة / وايه لازمته الكلام دا ياشهد دلوقت
شهد / اصل انا كنت اعرف بحب معتز لندى وأنهم كانوا بيتقابلوا
ندي بغضب / ياريت تحافظي على كلامك وتاخدي بالك اني متجوزه
شهد / انا مقولتش حاجه غلط
هو دا مكانش بيحصل فعلا؟!
فريدة / انتي عايزة توصلي ل ايه ياشهد
شهد / ولا حاجه يافريدة احنا بس كنا بندردش مع بعض
يعني لو مكانش الحب الاول دا معتز اخويه كان هيبقى الموضوع عادي ومفيهوش أي حاجه
ندي / لا ياشهد الحكاية مش كده
دا كان ماضي وانتهى سواء معاه بقى ولا مع غيره فأنا وانتي وفريدة اتجوزنا صحيح مش لازم يبقوا اول حب في حياتنا بس كفايه إننا منفكرش في غيرهم ولا نخونهم لمجرد التفكير في حب قديم اانتهى خلاص ومبقاش موجود
بلاش تفتحي ببان للشيطان يدخلنا منها ويفهمنا إن الموضوع بسيط ومفيش مشكلة إننا ندردش مع بعض عشان احنا مش زي بعض ومش ناقصين نشيل بعض ذنوب
شهد / انتي فاكره يعني لما افتكر حبي الاول هحن ليه وأبدأ افكر فيه وانسى بيتي وجوزي وابني لا ياندي انتي غلطانه دي كانت مجرد دردشه يعني وعلى العموم انا آسفه مكانش قصدي اللي بتفكري فيه دا خالص هو الموضوع كان محرج بس عشان الحب دا كان اخويه ولو كان حد تاني كان هيبقى الموضوع عادي جدا وكنا هنفتكره ونضحك عادي
ندي / انتي ليه مصممه تعيدي نفس الكلام اللي انا قولتلك إنه بيضايقني
فريدة / خلاص ياندي هي فهمتك وجهة نظرها وانتي ياشهد بلاش تقلبي في اللي فات
اللي فات مات خلاص
وكل واحده تحافظ على بيتها بقى وخلاص
ندي / ايه الصوت اللي تحت ده
شهد / اه انتو متعرفوش دي رحمه اختك جات عند مامتك يافريدة
فريدة / رحمه!
ندي / اتجننت دي ولا ايه
ايه اللي جابها دلوقت
______________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
