((الحلقة ٨١))
#انت_قلبي
#بوسي_مصطفي
____________________في الصباح... ينزل هشام من عربيته قدام الموقع اللي بيتبني عليه المستشفى
اتجه ناحية اسر بقلق
هشام / في ايه يااسر
اسر / صباح الخير الأول
هشام / صباح النور في مشاكل في البنا ولا ايه
اسر / اومال صاحب الأرض فين
هشام / مسافر ليه؟
اسر / معرفش في حد جه هنا من شويه واتخانق مع العمال اللي شغالين في الموقع
هشام / ليه
اسر / بيقول إن دي أرضه هو وأخوه ميراثهم من والدهم
هشام / ازاي ده
اسر / معرفش... انت معاك عقود بيع الأرض
هشام / اه عندي نسخه بس في الشركة
اسر / طب اتصل بمازن يبعتها مع أي حد انا هكلم مجدي يجي يشوف عقود البيع دي سليمه ولا فيها مشكلة
هشام بتنهيدة / استغفر ﷲ العظيم
كنا ناقصين دا كمان
اسر / هو مين اللي باعلكو الارض
هشام / معرفش مش انا اللي شاري الأرض م انت عارف انها مش بتاعتي
اسر / خلاص كلم صاحبها واعرف منه ايه الحكاية
هشام / محرج اكلمه لان ظروفه يعني مش ولابد حالياً
اسر / الحاجات دي مفيهاش ظروف ياهشام اي تأخير مش هيكون في صالحكم
هشام / طب ثواني هكلمه
هشام بيتصل بكريم
كريم كان نايم وبيحاول يقفل التليفون وينام تاني
هشام / شكله نايم
اسر / خليك وراه لحد م يرد
كريم بيتصل وبصوت ناعس
كريم / سلام عليكم ازيك ياهشام
هشام / وعليكم السلام.. واضح إنك كنت نايم اسف اني قومتك من النوم
كريم / لا ابدا ولا يهمك.. في حاجه؟
هشام / مش عارف اقولك ايه
كريم / خير ياهشام
هشام / انت متأكد إنك اشتريت الأرض دي من صاحبها ولا من حد تاني
كريم / ارض ايه
هشام / واضح انك لسه نايم ادخل اغسل وشك كده عشان تصحصح
كريم وأيده على دماغه/ تقصد الأرض اللي بتتبني عليها
المستشفى
هشام / اه ياكريم
كريم / طبعاً اشتريتها من صاحبها اومال هشتريها من مين؟
هشام / دلوقت في واحد اسمه
اسر / سعد توفيق
هشام / اسمه سعد توفيق بيقول إن الأرض دي بتاعته
كريم / ايوه دا كان ليه نص الارض مع اخوه اللي باعلي الأرض بتوكيل عام منه عشان كان مسافر
هشام / امممم الحكاية وضحت الاخ اللي باعلك اتصرف بموجب التوكيل العام اللي معاه بدون علم الأخ التاني
كريم / معرفش بقى
المهم عقود البيع سليمه شوف اي محامي يخرجنا من الموضوع ده
هشام / اوك انا هكلم المحامي يتصرف
كريم / ابقى اتصل طمني ياهشام
هشام / اوك حاضر... سلام
وقفل هشام
_____________
اسر / قالك ايه
هشام / زي م توقعت بالظبط
العقود سليمه لكن الطرف التاني البايع ميعرفش اي حاجه عن بيع الأرض
اسر / ازاي ميعرفش والموضوع دا عدا عليه حوالي عشر سنين زي م قولتلي قبل كده
هشام / معرفش بس كريم بيقول إن الأخ التاني كان مسافر
اسر / وبعدين في التوهان ده
هشام / مفيش توهان ولا حاجه العقود سليمه هو بقى يتصرف مع اخوه إن كان باع من غير علمه لكن عملية البيع سليمه ميه في الميه
اسر / اتصلت بمجدي وقولتله وهو جاي في الطريق دلوقت
هشام /"وبعدين في العطله دي انا عندي اجتماع في الشركة بعد نص ساعه
اسر / طب خلاص روح انت وانا هتكلم مع مجدي وافهم منه كل حاجه
هشام / معلش يااسر هعطلك
اسر / ولا عطله ولا حاجه ماهو دا شغلي برضو
_____________
أنت تقرأ
أنت قلبي🧡🥀الجزء الأول.
Chick-Lit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...