قيصر العشق الجزء الاول + الجزء الثاني بقلم عروبة المخطوب

الفصل التاسع والأربعون - الجزء الثاني ❤

-"" لكل منا دوره في هذه الحياة هناك من يمثل دور البطل ، وآخر  كومبارس ، ومن يمثل دور الظالم ، والمظلوم ،و الجبان ""

- خرج معتز من بوابة المشفى ،  فور رؤيته تجمهر حوله  العديد من الصحفيين اللذين بدأوا في طرح الأسئلة والاستفسار عن حالة رسلان ومن الفاعل ؟؟ اوقفهم صوت معتز الذي قال بصوت عالي :-

- حالة رسلان باشا كويسة ومفيش داعي للدوشة دي احنا هنا بمشفى وياريت تحترموا خصوصية المرضى وان هنا مكان عشان الناس تتعالج....

هتف صحفي ما بتساؤل :-

- معتز باشا ايه رأيك بالأخبار اللي بتقول ان اللي ضرب الباشا رسلان العطار اااا.....

قاطعه معتز بحدة قائلا:-

من غير شغل الحوارات والإشاعات ده ، لحد دلوقتي مفيش اي شكوك بحد  ومنعرفش مين  عمل كدة ...التقطت عيناه نزول كل من مدحت وزينب من التاكسي ،لينهي الحديث والنقاش مع الصحافة متوجها" نحوهم ....

مدحت بتساؤل ووجه متجهم ناظرا" لمعتز :-

- بنتي فين ؟؟؟؟

رفع معتز حاجبه باستغراب من أسلوب مدحت ، ثم أجاب بهدوء:-

- فوق بالدور التاني يا اونكل

زينب متداركة الموقف وقد لاحظت أسلوب مدحت ،  هتفت بتساؤل :-

- رسلان باشا عامل ايه دلوقتي ؟؟؟

اماء معتز برأسه قائلا:-

- الحمدلله يا طنط ان شاء الله هيبقى كويس