فتحت جفونها ببطىء ودارت حدقتيها تحرك عيونها حولها فتعلق نظرها على السرير الذي يتواجد بجانبها ، حركت جسدها بحذر تحاول تعديل جلستها والنهوض من على السرير وهي تهمس بصوت منخفض :-
- ططنط مريم .....
توقفت عن ما تنوي على فعله بعد استماعها لصوت الباب يفتح مشيحة وجهها نحوه لتجد جومانه تدخل وتدنو منها وهي تقول مشيرة لها بيدها كي لا تنهض :-
- بالراحة يا زمردة انتي رايحة فين ...
هتفت زمردة بنظرات مضطربة ونبرة قلقة وهي تنظر باتجاه مريم التي ما زالت تحت تأثير المخدر ويوضع عليها قناع الأكسجين:-
- طنط مريم ....!!! جومانة طنط مريم مالها هي كويسة ؟
أجابتها جومانه وهي تعدل الوسادة التي خلف ظهرها :-
- اهدي يا زمردة طنط مريم كويسة الحمدلله وانتي كمان بس الدكتور قال لازم تناموا هنا النهاردة وبكرا تقدروا تخرجوا
اضافت جومانه باستفهام وهي تجلس على الكرسي المتواجد بجانب السرير :-
- الا قوليلي يا زمردة انا سألت الدكتور وقال ان انتوا اتعرضتوا لكمية من غاز البوتوجاز ده غير أنكم واخدين حقنة مخدرة انتي وطنط ازاي ده حصل !!!
أسبلت عيونها بحزن وتقلصت تعابير وجهها الشاحب بتجهم وهي تحاول استرجاع ذاكرتها للخلف وتذكرها ما حدث تقول :-
- معرفش يا جومانة انا كل اللي فاكراه ان انا وطنط مريم رحنا الشقة بتاعت رسلان عشان طنط كانت عاوزة تكلمه واحنا كنا مستنين رسلان يجي لاقينا باب الشقة بخبط افتكرت ان معتز رجع ياخد حاجة عشان هو اللي ساعدنا ندخل الشقة ، فتحت الباب على طول لاقيت تلات رجالة وفي منهم واحد كان ماسك ابرة بإيده حاولت امنعهم انهم يخشوا زعقت بصوت عالي اما قرب عليا عشان طنط تاخد بالها ، بس معرفش ايه اللي حصل فجأة حسيت الدنيا اودامي سودة ومشوفتش حاجة .....
أردفت جومانة القول بنبرة غاضبة مصحوبة بصوت منخفض :-
- الظاهر ان الحقيرة هند ابتدت تنفد العابها الوسخة تاني
هتفت زمردة وهي ترفع حاجبيها بأعين متسعة وعدم تصديق :-
- هند ؟؟؟
اومأت جومانه رأسها بتأكيد :-
- ايوا يا زمردة مبارح كانت هتتمسك وتوقع بإيدين البوليس بس هربت
- معقول !!
ابتسمت جومانه بتهكم وهي تحرك رأسها يمين وشمال بيأس :-
- ايوا معقول مفيش حاجة مستحيلة على هند هي على استعداد تعمل اي حاجة عشان تحقق انتقامها
ضيقت ما بين حاجبيها وهتفت بتساؤل عن ماهية أسباب هذه الأفعال التي تصدر من تلك المرأة :-
أنت تقرأ
قيصر العشق الجزء الاول + الجزء الثاني بقلم عروبة المخطوب
De Todoضاعت سنين من عمره بالعذاب وتأنيب ضميره الذي لم يتركه للحظة ينهش روحه محملا" نفسه ذنب موت أخيه بسبب تلك الليلة العصيبة التي ما زال نادما" عليها ......ليعود بعد تلك السنين ويكتشف ان كل ما عاشه ما هو الا كذبة كبيرة وقع ضحيتها 💔💔 قصة تدور حول حب بدأ ب...
