قيصر العشق الجزء الاول + الجزء الثاني بقلم عروبة المخطوب

الفصل الثاني والسبعون

وبي أملٌ يأتي ويذهب، لكن لن أُوَدعه.

- محمود درويش

تحرك بهدوء نحو النافذه الزجاجية يطالع الخارج عاقدا"  ذراعيه خلف ظهره ، أسره هدوء المكان ، اضواء هادئة بعيد عن الضوضاء ، نطق وما زالت عينيه مثبته امامه بشرود ، موجها" حديثه للطبيب نديم فاختياره لموقع العياده نال اعجابه واستحسانه :-

- المكان هنا مريح اوي ، ايمته لحقت تعمل كل ده ؟!

- ايوا فعلا ،كنت حريص جدا على ان يبقى المكان
بعيد عن الزحمة

-  باين مخطط لرجوعك هنا من بدري

-  الواحد مننا ملوش غير بلده

لوى شدقه بتهكم ، ثم القى نظرة أخيرة على الخارج قبل ان يعود بصمت الى مكانه :-

- هه

- مالك ؟! من ساعة ما اتصلت وقولتلي هترجع بريطانيا تاني حسيت ان في حاجة وحشة حصلت معاك تاني ، مش كدة ؟

اطلق تنهيدة عميقة محملة ينفث ضيق صدره ، ولهيبه المحترق ، راقبه نديم بصمت وفهم  فقال :-

- تحب نبتدي من دلوقتي ؟؟؟؟

،،،،،،،،،،،،،،،،،،،،،،،،،،،،،،،،،،،،،

"" داخل مطعم الميناء ""

تنقل بصرها تارة الى الورقة التي بيدها وتارة نحوه ، لا تستطيع التصديق بأن ورقة ذلك الجواز اللعين بيدها كم حاولت مرارا" وتكرارا" الحصول عليها لكن دون جدوى فبعد ان غدر بها مازن اختفى ولم تستطع رؤيته ، هاهي الورقة بيدها وها هو مازن يعترف لها بنفسه انه لم يلمسها ، واعترف لها بأنه  وضع لها حبة مخدر في المشروب بهدف الايقاع بها والفوز بذلك الرهان الذي عقده مع شلة اصدقاءه للفوز بها ،ضحكت حتى  ادمعت عينيها من شدة السعادة  التي اثلجت صدرها وقلبها ، هتف بتساؤل وفضول :-

- في ايه مالك ؟؟؟؟

أجابت بنبرة صادقة وامتنان :-

- انا معرفش ااقولك ايه ، بجد ممتنة اوي ليك يا عمار ع اللي عملته معايا ،  شكراااا ليك

- مش هكدب عليكي انا كنت ناوي اولع فيه واخلي ليلته سودة وبعت ورا  الرجالة يجيبوهولي عشان اعمل الصح معاه ، بس اهو زي ما انتي شايفة طلع فافي اوي بنفسه وقولت مفيش فايدة اوسخ ايدي بواحد زييه

وضعت يدها على خدها تتكىء على الطاولة ثم قالت بتفكير مسبلة عينيها بفضول وتعجب  :-

- هو انت بتعمل معايا كدة ليه ؟

- بعمل ايه ؟

- بطل رخامة بقى  انت فاهم ااقصد ايه

- اعتبريها يا ستي رجولة

ابتسمت تلقائيا" وحدقت به بتوهان

- ايه بتبصيلي كدة ليه ؟ هو مش انا نفسه اللي من شوية كنتي عاوزه  تديه بالجزمة ومش طايقاه ؟