قيصر العشق الجزء الاول + الجزء الثاني بقلم عروبة المخطوب

الفصل التاسع❤

جثى بركبتيه على ارضية البانكيت واضعا رأسه على طرف السرير وهو ينظر اليها ، شاردا بتلك الملامح البريئة ،تذكر ما حدث قبل لحظات حين قال الدكتور انه لا داعي للخوف لكنها ابذلت مجهود عصبي اتعب جسدها ،مد يده على خصلات شعرها المتمردة يردف بصوت ممتلىء بالحنية والطيبة :-

- تعرفي يا زمردتي انا من اول ما شفتك حسيت بحاجة غريبة معرفش هي ايه ، يوم بعد يوم خلاص بقيت مش عايزك تبعدي عني ولا لحظة ، بقيت اعمل حاجات انا عن نفسي مش عايز اعملها ،مكانش قصدي ارفدك من الشغل بس كنت عايز اي طريقة تكوني فيها جنبي ،بس كل مرة بفشل ،انا خايف كرهك ليا يزيد وتحصل حاجات تفوق طاقتي ،بجد انا خايف انا بقيت متأكد اني مش عايزك تبعدي عني ،

امسك بكف يدها وهو يقول بحزم :-

- وعد مني ليكي هافضل جنبك لآخر يوم بعمري ،،،

تململت على الفراش وهي تفتح بأعينها لحظة لكي تستوعب ما حدث ، جحظت عينيها وهي تتذكر ما حدث لتستند بسرعة وهي تمسك برسلان بقوة :-

- ندى ندى ، ندى ، فين

رسلان بهدوء :- هشش ما تخافيش كل حاجة هاتبقى كويسة ، دلوقتي انا هاتصرف

زمردة ببكاء :- الله يخليك يا رسلان لاقيها ،دي ملهاش حد هنا ...

رسلان :- خلاص اوعدك اننا هانلاقيها ..

وقف مبتعدا خطوتين امسك بهاتفه وهو يضغط على اسم ما منتظرا الاجابة :- الوووو حسام ازيك

حسام :- اووووه عاش من سمع صوتك يا باشا ..

رسلان بجدية وهو ينظر خلفه نحو زمردة الجالسة على السرير :- حسام انا ماليش غيرك دلوقتي عايزك بخدمة تعال فندق الغردقة حالاااا

حسام بقلق :- خير في ايه يا رسلان قلقتني ؟؟

رسلان :- خلاص بس تيجي هاتفهم كل حاجة..

انهى من هاتفه وهو يعود لزمردة يجلس على طرف السرير موجه انظاره نحو اعينها يقول :

- عايزك دلوقتي تبقي قوية تمام ، مش عايز عياط ، بوعدك هانلاقي ندى...

نظرت له زمردة بشك : انت عايز تساعدني ليه ؟؟

رسلان والابتسامة على شفتيه : اممم اعتبريه يا ستي رد الجميل ،ليكي انت وصاحبتك ،ايه رأيك ..؟

زمردة بنظرات محيرة هزت رأسها بقبول واستسلام .... بعد مرور ساعة وصل حسام وذهب هو ورسلان لمشاهدة التسجيلات ،قام حسام بأخذ كل التفاصيل والمواصفات واعدااا رسلان أنه سوف يفعل المستحيل لكي يتم العثور على ندى ....

رسلان وهو يضع يده على ذراع حسام

- متشكر يا حسام مش هانسى ليك المعروف ده ،اول ما تعرف حاجة بلغني ..

حسام بمزاح : احنا بخدمة الدولة يا باشا

رسلان بتحدي : ماشي هانشوف هايطلع منك ايه ...