يقف بصمت واضعا" قبضة يده أمام فمه ينظر
بغضب للشاشة التابعة لنظام المراقبة الخاصة بالمصنع ،اقترب كمال من حمدي ليقول بتساؤل ممزوج بالارتباك والخوف : افرض رسلان العطار ماجاش هانعمل ايه ؟!!
حمدي بثقه وصوت منخفض : انت متعرفش رسلان العطار ده واحد ما بخافش ولو فعلا" تحسين اتمسك هايكون بلغهم بموقع المصنع ،ولو ده حصل فهو مش هايستنى لحظة وهايروح للمصنع ولو كان عارف ان مفيش بيه حد هايجي برضو لأن هايكون عارف ان في كاميرات بالمصنع ..
كمال : يا رب لاحسن لو مجاش الكبير هايطير رقابنا...ربنا يستر ....
،،،،،،،،،،،،،،،،،،،،،،،،،،،،،،
دقت الساعة معلنة توقفها عند السابعة مساءا اوقف
عمار سيارته من نوع jeeb امام المكان الذي أدلهم
عليه تحسين ،نظر رسلان متفحصا" المكان كان
يبدو مصنعا" قديما" متهالك ليس بالجديد وليس
بالضخم ،اردف متسائلا للتأكيد وهو ينظر لتحسين بحدة : انت متأكد ان ده المصنع؟؟متلعبش بديلك يا تحسين..
تحسين بثقة : والله يا باشا هو ده متأكد ...
اماء رسلان برأسه لعمار للنزول ،نظر لتحسين بهدوء وأمر: ما تتحركش من هنا فاهم ؟؟
تحسين وهو يهز رأسه بموافقة: مش هاتحرك يا باشا متخافش ..
نزل كلاهما من السيارة ،عمار وهو ينظر للسيارة وأعينه متسعه عاود النظر لرسلان باستغراب : انت يا بني مجنون ولا ايه ؟؟ ازاي تسيب تحسين جوا العربية ؟؟
رسلان بابتسامة ونظرة ثقة : طول عمرك غشيم امشي لاحسن أديك علقة تفوقك ..
عمار : نفسي أفهم انت ازاي بتفكر
رسلان بإيجاز: ركز باللي احنا بيه دلوقتي وبعدين نتكلم واعرفك ازاي ..
ترجلا لداخل المصنع بخطوات حذرة بطيئة،
عمار بصوت منخفض : ممكن اعرف احنا ليه جايين هنا وباين كدة ان مفيش حد هنا بجد لاااا ... وكمان جايين من غير سلاح ولا حاجة تحمينا ..
رسلان بثقة : وهانعوز السلاح ليه ما انا معاك يا اهبل هو انت خايف ...
عمار : لا مش خايف يا سيدي بس الاحتياط واجب ..
رسلان بعصبية : نفخت دماغي لو جبت معايا معتز ارحملي ..
عمار : خلاص يا عم متتعصبش ....
أنت تقرأ
قيصر العشق الجزء الاول + الجزء الثاني بقلم عروبة المخطوب
Randomضاعت سنين من عمره بالعذاب وتأنيب ضميره الذي لم يتركه للحظة ينهش روحه محملا" نفسه ذنب موت أخيه بسبب تلك الليلة العصيبة التي ما زال نادما" عليها ......ليعود بعد تلك السنين ويكتشف ان كل ما عاشه ما هو الا كذبة كبيرة وقع ضحيتها 💔💔 قصة تدور حول حب بدأ ب...
