صدح صوتها بالغرفة :
- انت بتقول ايه ؟ ازاي ازاي البت البيئة دلوقتي موجودة بالشركة ؟ انت بتتكلم بجد ؟
تحسين : والله يا هانم هي جت النهاردة الصبح افتكرت انها عاوزة ترمي بلاها ع الباشا بس باين الحكاية اكبر من كدة .
نورهان بعصبية : ما تنطق ي بني ادم ازاي يعني اكبر من كدة ،اتكلم ما تنرفزنيش .
تحسين : اصل سمعت طراطيش كلام من الموظفين بتوع الشركة انها هاتبقى سكرتيرة رئيس مجلس الإدارة.
نورهان ببلاهة وصدمة علت على تعابير وجهها : ازاي ازاي ده يحصل ؟ انت متأكد من اللي بتقولو؟
تحسين بتأكيد: ايوا يا هانم متأكد.
اقفلت الهاتف بغضب وعيناها التي بدت كلهيب من النار متسائلة: ازاي بعد كل اللي يحصل واللي عملته البت دي ،يعمل كدة ؟؟؟ !! دي ضربتو قلم اودام خلق الله كلهم ، ودلوقتي هاتبقى السكرتيرة بتاعتو ،لااااااا هو فعلا الحكاية شكلها اكبر من كدة ،انا لازم اتصرف حالا ولا رسلان هايضيع مني ...
،،،،،،،،،،،،،،،،،،،،،،،،،،
عند كمال وحمدي :
- ايه يا عم الشياكة دي كنت مستخبي بالحلاوة دي فين ؟ دول هايفتكرو انك مولود بايطاليا .
كمال بتوتر وهو ينظر لنفسه بالمرأة: اسكت يا عم انا خايف ، ده رسلان العطار لو شك هايطير رقبتي .
حمدي : اجمد يلا مش عايزين توتر وخوف ،خد الملف ده فيه كل حاجة لازم تعرفها ،وكمان الصور بتاعت الشركة واللي متعودين يحضرو الميتنج .
انت هاتبان اودامهم انك تعرفهم كلهم .
كمال : ازاي كدة هايشكو ..
حمدي : ملكش علاقة البوس عاوز كدة .
ااااه صحيح البوس بعتلك حتة عربية انما ايه ، ده انت باحلامك مكنتش هاتركبها .
كمال : اما اشوف ربنا يستر ..
،،،،،،،،،،،،،،،،،،،،،،،،،،،،،
عودة لشركة العطار
رفع سماعة الهاتف متسائلا :
- هي فين القهوة ؟
زمردة ضاربة كف يدها على جبهتها بخفة بسبب نسيانها لهذا الامر :
- ثواني ي فندم وهاتبقى عندك .
بعد عدة دقائق ....
دلفت زمردة الى داخل المكتب لتستمع لصوت رسلان : كل ده بتجيبي بالقهوة اومال لو طلبت منك ملف او شغل هاتعملي ايه؟؟
زمردة محاولة الرد بلباقة فهو على حق :
- انا اسفة يا فندم بسسس ،،،
لم تكمل جملتها حتى تفاجأت بفنجان القهوة ينسكب على الأرض بعد حركته المباغتة بالملف تسبب بانسكاب القهوة....لتجحظ عينيها ناظرة اليه .
تظاهر بعدم الدراية ورسم على ملامحه الغضب والصدمة :
- اوبسسسس هو انتي ايه ي بت باين انك عمية كل ما تجيبي حاجة تدلوقيها الكلام ده ما ينفعش معايا انتي عندي بالشغل لازم تبقي مركزة فاهمة ؟؟؟ ويلا انجري هاتي اي حاجة وامسحي بيها القرف ده باين راسي هايتصدع منك ...
احتقن وجهها من الغيظ فهي تعلم انه فعل ذلك عمدا حاولت التماسك وان ترد عليه رد يجعل فعله يعود عليه :
- اول حاجة اتكلم معايا عدل ،تانيا انت اللي اتمسكت بيا حتى اشتغل عندك ولو مش عاجبك يبقى اريح اهو ارتحت منك ،والقرف ده اللي مش عاجبك دي نعمة ،والقهوة بتاعتك هاتكون عندك حالا وهابعت حد يمسح الي اتسكب عن اذنك ....
استدارت وابتسامة الانتصار تعلو وجهها تاركة اياه يشتعل هو من غيظه وينقلب السحر على الساحر كما يقول المثل ...
اغلقت باب المكتب بهدوء وهي تردد :
- هو انت لسا شفت حاجة يا رسلان العطار اعمل اللي انت عاوزه هاتلاقيني دايما بوشك ...
قاطع تفكيرها دخول معتز وعمار :
عمار بتساؤل وهو ينظر لمعتز :
- هي مين دي ؟ هو رسلان غير السكرتيرة بتاعته وانا معرفش ؟؟
ثم اقترب من زمردة وهو ينظر لها باعجاب :
- بس ماشالله المرادي غير عن البقية ،
اقترب منه معتز ماسكا ذراعه ساحبا اياه على جنب: - ايوا دي السكرتيرة بتاعته ومن دلوقتي بحذرك ي عمار دي تخص رسلان فاهم ؟؟
عمار بتفهم وابتسامة : اممم يعني دي تخص ابن خالتي يا عم يتهنى بقى هو انا هازعل .
معتز : وطي صوتك ي زفت هاتفضحنا ..
ثم اعاد نظره لزمردة بابتسامة بسيطة متساءلا عن رسلان : لو سمحتي بلغي رسلان اننا هنا ..
زمردة برسمية : حاضر يا فندم ...
رفعت سماعة الهاتف وقبل ان تنطق باي حرف سمعته وهو يقول : خليهم يدخلو وحضري الملف بتاع ال meeting ...
زمردة : بسم الله هو ازاي عرف انهم هنا
اشارت لمعتز وعمار : اتفضلو هو مستنيكم .
أنت تقرأ
قيصر العشق الجزء الاول + الجزء الثاني بقلم عروبة المخطوب
Randomضاعت سنين من عمره بالعذاب وتأنيب ضميره الذي لم يتركه للحظة ينهش روحه محملا" نفسه ذنب موت أخيه بسبب تلك الليلة العصيبة التي ما زال نادما" عليها ......ليعود بعد تلك السنين ويكتشف ان كل ما عاشه ما هو الا كذبة كبيرة وقع ضحيتها 💔💔 قصة تدور حول حب بدأ ب...
