قيصر العشق الجزء الاول + الجزء الثاني بقلم عروبة المخطوب

الفصل الثامن عشر ❤

لم يجد نفسه إلا وهو امام فيلا رحيم السيوفي ،ترجل من السيارة بغضب قاتل ،وقف امام الباب يدق بعصبية دقات متتالية غير منتظر برهة بين كل دقة والأخرى ...
على الجانب الآخر ،عفاف  ترتدي حجابها بخطوات بطيئة:
-  يلا يلااااا يلي بتخبط الله ما تستنى شوية ،استر يا رب ...
فتحت الباب لتجد امامها معتز الذي كان ينظر بغضب ،اردفت القول بتساؤل وقلق :

- معتز !!! ايه في ايه يا بني مال شكلك عامل كدة؟؟؟
ليكون عمار جراله حاجة ،،،
بتسرع ضربت على صدرها بخوف: يا مصيبتي ...
معتز محاولا كبت غضبه :
-  متقلقيش يا طنط ......عمار كويس انا عايز ريم ..
عفاف بعدم فهم : ريم !!؟؟ وعايزها بإيه ان شاء الله؟؟
معتز بنفاذ صبر : ربنا يخليكي يا طنط اندهيهالي دلوقتي ...
عفاف باستسلام وقلق : خلاص انت خش استنى بالصالون  وانا هاطلع انده ليها ...

في الأعلى،،،كانت تفكر  بالقرار الذي اتخذته ...فقرار الارتباط صعب للغاية ،وبالأخص ان كان على شخص لا تعرفه جيدااا ولا تحبه ...
فتحت عفاف الباب بغضب ...
ريم واقفة : مامااا ايه مالك في ايه ؟؟؟
عفاف بعصبية : هو انتي يا بت اعملتي حاجة ؟؟ هايعوز منك ايه صاحب اخوكي ؟؟؟
ريم بارتباك وكأنها لم تفهم   أمها من تقصد .:
تقصدي مين يا ماما ؟؟؟
عفاف : هو في غيرة...معتز دا جاي والشر بيتطاير من عنيه ومش شايف اودامه ..
ريم بعناد : مش عاوز اشوفه  وبلغيه يا ماما يسيبني بحالي ..
عفاف باستغراب : ايه الكلام ده ؟؟؟؟؟  ايه اللي حصل ما تفهميني يا ريم ؟؟؟
ريم بتوتر : مفيش يا ماما بس انا مش عاوز اشوفه  ..
عفاف : اما اتصرف مع الراجل بالأول وهابقى اشوف ايه الحكايه دي ، وديني يا ريم لأكون معلقاكي من رقابتك لو اعرف ان ليكي علاقة مع صاحب اخوكي ...

بالأسفل........

تطلع لعفاف وهي تهبط الدرج ،أدرك جيدا بأنها رفضت رؤيته ،، أقترب نحو عفاف ليقول :
مش عاوزة تنزل يا طنط صح؟؟؟؟؟؟
عفاف  : والله ما عارفة ااقلك ايه يا بني ..
معتز بحدة : يبقى انا هاطلع ليها بنفسي ...
عفاف معترضة طريقه : استنى هنااااا رايح فين ؟؟؟
ما تفوق  ل نفسك يا معتز ،جاي لبيتي وعمار مش موجود وكمان هاتطلع لريم غرفتها ،اييييييه في ايه هو خلاص مفيش حياء ؟؟؟؟
معتز برجاء : سيبيني با طنط ارجوكي انا مش عايز ريم تضيع من ايدي  ارجوكي يا طنط انا والله بحبها ....
اتسعت أعين عفاف لتقول : ايييه ؟؟ انت واعي ع اللي بتقوله  يا معتز ؟؟؟
معتز برجاء اكبر : ايوا يا طنط سيبيني ارجوكي انا لازم اتكلم مع ريم ...