أغلقت الهاتف وأعادته لمهدي ...أرسلت له نظرة تحذير قائلة بصوت منخفض : لو أمير عرف باللي حصل هادفنك مكانك ومش هاتقدر تهرب مني ....
مهدي بخوف : ودين النبي يا هانم مش هاتكلم ولا هافتح بؤي قطع لساني لو اتكلمت ..
هند محركة رأسها بقبول : ايوا عاوزاك كدة .. ركز معايا كويس كمان ساعتين هايجي واحد اسمه صلاح وهاينقلكو لحتة آمنة ..... وانا هابقى ارجع بكرا ...
مهدي بارتباك : لا مؤاخذة يا هانم بس دوول ستات كبار معرفش ازاي اتعامل معاهم .. هايبقو كدة مربوطين ولا ايه ...
هند ناظرة نحو مريم وفطيمة بتفكير : ايوا هايفضلوا كدة اما أغير رايي هابقى اقولك .....
مهدي : تحت امرك يا هانم ......
،،،،،،،،،،،،،،،،،،،،،،،،،،،،،
جلسا كلاهما على المقعد الخشبي نظر أمامه بصمت ماسحا" يداه على وجهه ،نظرت له بارتباك وتردد تفرك يداها لتقول بتساؤل : هي مين دي اللي كانت بتزعقلك بالطريقة دي ؟؟
التفت اليها مجيبا" : دي ريم بنت خالتي واللي بحبها معتز ...
زمردة بعفوية : انا معرفش إزاي تتكلم معاك بالطريقة دي وسكتلها ..
رسلان بابتسامة وبرود مستفز : عايزاني أعمل ايه يعني وبعدين انتي مش بتقصري بحد ... اللي يشوفك وانتي بتزعقي بيها بجد هايفتكرك مراتي ...
توردت وجنتيها لتقول بمراوغة : انا زعقتلها عشان هي إزاي تسمح لنفسها تتكلم معاك بالشكل ده وهي اصلا متعرفش ايه اللي حصل وإزاي دي كانت بتتكلم وواثقة اوي ان انت السبب ...
رسلان بتنهيدة : عشان كدة بقولك هي مقالتش حاجة غلط واللي حصللهم كان بسببي فعلا ...
زمردة بفضول اسبلت عيونها بتساؤل: مش فاهم هو ايه اللي حصللهم وازاي انت السبب ؟ .....
رسلان متطلعا " امامه مسند ظهره على المقعد بصوت هادىء : ريم كانت وهي صغيرة متعلقة اوي بمعتز وكانوا دايما" مع بعضيهم وأما كبرو شويه ابتدو يتعلقو اكتر واكتر ببعضهم بس فضل عمرهم حاجز بينهم وكان دايما يتضايق من الموضوع ده ...بس معتز كان متعلق بيها اوي وبحبها وبيوم .......
زمردة بفضول تحثه على المتابعه : كمل ليه وقفت
أخذ نفسا" وزفره متابع : انا سافرت ع بريطانيا ومعتز بعد سفري بشهر ...قطع حديثه ناظرا" لزمردة منتزعا" ما أقدم على تذكره ، عشان كدة ريم مش طايقاني لاني كنت السبب بأن معتز يسيبها ...زمردة بتفكير واستنتاج حركت رأسها باستغراب : يعني معتز اختارك انت وساب اللي كان بحبها ...يعني هو ضحى بحبه عشانك والنهاردة كمان ضحى بحياته عشانك انا بحياتي كلها مشوفتش حد بحب صاحبه بالطريقة دي ... بس مكانش ليه لازمة يسيبها ويسافر ..
أنت تقرأ
قيصر العشق الجزء الاول + الجزء الثاني بقلم عروبة المخطوب
De Todoضاعت سنين من عمره بالعذاب وتأنيب ضميره الذي لم يتركه للحظة ينهش روحه محملا" نفسه ذنب موت أخيه بسبب تلك الليلة العصيبة التي ما زال نادما" عليها ......ليعود بعد تلك السنين ويكتشف ان كل ما عاشه ما هو الا كذبة كبيرة وقع ضحيتها 💔💔 قصة تدور حول حب بدأ ب...
