قيصر العشق الجزء الاول + الجزء الثاني بقلم عروبة المخطوب

الفصل الرابع والستون 💙

عزف الصمت والألم على جدران ذاكرته،  وأصيب بالمقتل من الدهر ،  فكم اوجعه انقلاب الحال والأحوال  !!!!!  وعودة ما كان يصرفه عن اختراق قلبه وذاكرته ......  انهيار روحه في ذلك الزمان ، فتعود الكرة مرة اخرى !!!! ضيفا" ثقيلا"  استمسك بتوازنه فيقيده بنجاح وإلحاح

"" داخل المشفى ""

بعد مرور خمسة عشر دقيقة استطاع نقلها بسيارته  ،هدر مزمجرا" بصوت غاضب وقوي وهو يضع الهاتف على أذنه :-

- اللي سمعته يا فادي نوح هنا بمصر  .. النهاردة بالليل عايز يكون اودامي  ؟؟؟

فادي بعدم تصديق :-

- ازاي يا رسلان باشا احنا بنفسنا خرجناه برا مصر !!!

صرخ بقوة وقلة صبر بإيجاز :-

- معرفش يا فادي اتصرففف لو كان مستخبي تحت سابع ارض جيبهولي اخلصصصص انا مش فاضيلك دلوقتي .....

أغلق المكالمة على مضض وبدأ يجوب الممر ذهابا" وايابا" كطفل ضائع مشتت يفرك وجهه بتوتر ،  بدى كشجرة تتمايل أغصانها إثر ريح قوية هبت على حين غفلة تصارع افواه الرياح لعل وعسى يؤول بها الحال إلى الثبات ، كلماتها وصراخها وبكاءها كل ما يدور ويتسلل لداخل عقله وقلبه  الآن ، مشاعر متضاربة من الغضب والخوف والقلق ، استدار منتفضا" من دوامه افكاره لخروج الطبيب ، فتقدم بخطواته السريعة التي يصحبها الذعر والاضطراب القلق ، قال بلهفة وهو يسبل عيناه برجاء :-

- طمني يا دكتور ...هي كويسة مش كدة ؟

أجابه الطبيب بهدوء :-

- مع الأسف المدام جالها انهيار عصبي ووو

ارتعش فكه مقاطعا الطبيب بعدما رمش بعيناه  بعدم استيعاب لما قاله ، ليصرخ مستنكرا بشده :-

- ااانت بتقول ايه يا دكتور؟؟؟؟ ...ااازاي انهيار عصبي ااايه !!!

رفع الطبيب يده وهو يقترب منه بقلق من حالة الغضب التي تملكته فأردف القول يطمأنه:-

- أهدى يا فندم المدام هاتبقى كويسة وهي دلوقتي تحت تأثير المنوم ان شاء الله مش هتحتاج لا لأدوية ولا حاجة هي بس هتفضل هنا النهاردة عشان تستريح وحاول ما تعرضهاش لأي ضغوطات الفترة الجاية وبالذات الحدث اللي وصلها   للحالة دي ....

ابتلع ريقه بقلق وغصة وأردف القول باستفهام :-

- ازاي يعني يا دكتور؟؟ انت تقصد ايه؟؟

اجاب الطبيب بتوضيح مما أشعل نيران الغضب والقهر بداخله :-

- حالة المريضة دلوقتي تستدعي انها تفضل بعيدة عن أي حاجة تسبب ليها ضغط نفسي او تتعبها  يعني اي حاجة  ليها اي علاقة بالسبب الي وصلها للحالة دي الافضل انها متقابلهاش مؤقتا عشان ميجيلهاش   انهيار تاني لا سمح الله  وبكدة هانتضطر نديها مهدىء  ....