تجلس على الأريكة تضع قدم فوق اختها رافعة راسها تتكلم بغرور :-
- فهمت عاوز منك ايه ؟؟؟ كل حاجة بيعملها رسلان عايزاها تكون عندي، وأي حتة يروحلها تبلغني مفهوم ؟
-اللي انتي عاوزاه يا هانم ، تؤمريني بحاجة تانية ؟؟
- فتح عنيك كويس .
،،،،،،،،،،،،،،،،،،،،،،،،،،،،،،،،
""" على الجانب الاخر"""
عند فطيمة ومريم في حديقة القصر ، تنهدت فطيمة بضيق وأسبلت عينيها قبل أن تردف القول :-
- انا قلقانة على رسلان تصرفاته مش عاجباني ، وانتِ يا مريم مكانش ليه لازمة تعامليه كدة عارفة هو بيحبك قد ايه .
أجابت تطرد شعورها بالذنب :-
- يا ماما فطيمة انا منسيتش اي حاجة ، لسة فاكرة كل اللي حصل ، اتعاملت معاه كدة كنت عاوزاه يعرف قد ايه هو غلط ، سابني وسافر وعاش حياته بعيد عني ،عايز ايه ؟؟عايز اول ما اشوفه اودامي احضنه ؟ تعال يا بني واطبطب عليه ؟؟ انا متأكدة لو الدنيا جت على رسلان تاني هيبعد هو دايما كدة بيختار الهروب ، مبيواجهش .
- ليه مش عاوزة تفهمي رسلان يا مريم ده ابنك برضو وهو كمان فاكر كل حاجة ، والدنيا جت عليه اوي متقسيش، قسوة الأم صعبة اوي .
- وانا كمان مش هاسمح ابني يبعد عني تاني ،بس عناده ده هايوصله لمرحلة صعبة اوي ،ده بيتعامل مع الناس كأنه مبيتهزش خالص بيتعامل بجبروت ، مبحبش يبان ضعفه لحد حتى انا مامته بيعاملني بقسوة ، مش عارفة اعمل معاه ايه ؟!! ايوا انا غلطت بس انا افضل ام ومهما عملت مينفعش يسيبني كدة
فطيمة وهي تطبطب على ظهر مريم :-
- سيبيه يا بنتي الوقت هايصلح كل حاجة
مريم بتنهيدة وهي تتطلع لحماتها فطيمة :-
- يا رب
لتنظرالى السماء بتنهيدة :-
- يا رب متبعدش ابني عني تاني يا رب ،انا مش هاستحمل بعده عني تاني .
،،،،،،،،،،،،،،،،،،،،،،،،،،،،،،،،،،،،،،،،،،،،،،،
""" داخل شركة العطار """
يجلس على مكتبه يميل رأسه للخلف يستمع لكل من معتز وعمار ،فألسنتهم منذ لحظة خروج صافيناز وهي لا تتوقف عن لومه على ضياع تلك الصفقة التي
كانت صفقة مهمة بالنسبة لارباح شركة الصلب ،،،
هتف عمار بحقن
- اييه يا رسلان دي ست قادرة وممكن تعمل اي حاجة تودينا ورا الشمس ، مكانش ليه لازمة الي عملته ده ،دول عيلة الحسيني ليهم سلطتهم برضو .
معتز موافقا عمار بالرأي :-
- بجد يا رسلان انت كان لازم تعمل لنفسك Controll اهو كدة الصفقة طارت .
أنت تقرأ
قيصر العشق الجزء الاول + الجزء الثاني بقلم عروبة المخطوب
Randomضاعت سنين من عمره بالعذاب وتأنيب ضميره الذي لم يتركه للحظة ينهش روحه محملا" نفسه ذنب موت أخيه بسبب تلك الليلة العصيبة التي ما زال نادما" عليها ......ليعود بعد تلك السنين ويكتشف ان كل ما عاشه ما هو الا كذبة كبيرة وقع ضحيتها 💔💔 قصة تدور حول حب بدأ ب...
