كان يبدو وسيما" للغاية ببدلته ذات اللون الرمادي والقميص الأبيض المفتوحة أزراره من أعلى دون ربطة عنق ،متعطرا" بعطره الرجولي المفضل ،أمسك بالعلبة الموضوعة على الطاولة ....هابطا" للأسفل ليجد عمه وامه وجدته ينتظرونه ،اقتربتا كل من فطيمة ومريم منه بإعجاب ....
فطيمة : بسم الله ماشاء الله ..
مريم وهي تمسح جاكيته أعلى كتفه تنظر له بفخر :
- ربنا يحميك يا ابني .
اماء رسلان رأسه بابتسامة ....
عبد الحميد : في ايه ؟؟ هي دي اول مرة تشوفو رسلان كدة ؟؟ ما طول عمره شكلة عامل كدة يلا بينا يا ابني مش عاوزين نتأخر ع الجماعة ...
رسلان متلفتا" حوله ثم نظر لعمه :
- هي فين طنط فاتن مش هاتيجي معانا ولا ايه؟؟
عبد الحميد : معلش يا ابني اصلها تعبانة شوية ..
رسلان بتفهم : مفيش مشكلة يا عمي المهم تبقى كويسة اتفضلوووا ...
،،،،،،،،،،،،،،،،،،،،،،،،،
داخل قصر امير
على طاولة العشاء يجلس امير مترأس الطاولة يتناول طعامه بشرود ، وتجلس هند امامه تتطلع اليه محاولة معرفة ما يفكر به واستنتاج مخططاته ،
هند بصوت هادىء وتساؤل وهي تنظر نحو امير :
- عامل ايه دلوقتي بقيت احسن؟؟
اماء امير رأسه : كويس ...ثم صمت قليلا" ثم عاود متابعة حديثه : النهاردة قراية فااتحة رسلان العطار
هند بأعين متسعة واستغراب :
- ازاي ؟؟ اللي اعرفه ان هو مش مرتبط لحد دلوقتي ومش بحب .
لوى امير حنكه ليقول باستهزاء: هه من زمان وانا بأعرف بالحكاية دي ومش بس كدة مستعد يعمل اي حاجة عشانها ..
أغضبها علمه بالأمر وعدم ابلاغها عن أمر كهذا :
- ازاي؟؟؟انت بتقول ايه يا امير ؟؟ حكاية زي دي معرفهاش ليه؟؟
ارتشف امير من كوب العصير أمامه ثم نظر لها :
وحاجة زي دي عاوزة تعرفيها ليه؟؟
هند : ازاي اعرفها ليه ؟؟؟ حاجة زي دي يا امير ممكن نستغلها ونرجع بيها الشحنة ..
أنت تقرأ
قيصر العشق الجزء الاول + الجزء الثاني بقلم عروبة المخطوب
Randomضاعت سنين من عمره بالعذاب وتأنيب ضميره الذي لم يتركه للحظة ينهش روحه محملا" نفسه ذنب موت أخيه بسبب تلك الليلة العصيبة التي ما زال نادما" عليها ......ليعود بعد تلك السنين ويكتشف ان كل ما عاشه ما هو الا كذبة كبيرة وقع ضحيتها 💔💔 قصة تدور حول حب بدأ ب...
