طريق إلى النار

البارت الثالث

رواية #طريق_الى_النار
بقلمي... نرجـــس صــــادق

"أنه حقاً مؤلم ذالك الشعور الذي راودني في لحظاتي الأخيرة "
ـــــــــــــــــــــــــــــــــــــــــــــــــــــــــــــــ

الام... يمه خالد تكدر ترجع تعبت أنت خطيه من البارحة لليوم وياي.

خالد... لا خالة ماكومشكلة هي كم ساعة ويطلعونه.

ـ يمه هسة يجي ستار بمكانك على هاي وكفتك من البارحة لليوم.

دخل ستار والغضب مسيطر علي وهو يصيح..
انتي،وينج عنه ليش هاملته... إلي يصير بابوي انتي تتحملين مسؤؤليته وقسماً بالله اذا صار شي حسابج يمي.

خالد... نجب ولك لا ترفع صوتك على أمك.

ـ أنت شكو بالموضوع وشدخلك اصلا امشي اطلع بره ولا تصير براسي بطل.

لزمه خالد من قميصه..
ـ والله لو ما كاعدين بمستشفى  كان شوفتك المراجل شلون تصير  ..بدل ما تواسي امك كاعد تتجاوز عليها يا عار

دفعه ستار حيل وضربه بوكس... كام خالد وتلازموا اثنينهم واني روحي فرفحت اريد افاككهم ما أكدر واحد يضرب بالثاني ونكلبت المستشفى صياح لحد ما اجه الدكتور يركض على صوت الصياح..

الدكتور... شنو هاي الفوضى شنو ما عدكم احترام انتو اطلعوا بره وصفوو نزاعاتكم هنا مكان محترم وتشوفون اكو مرضى وناس دترتاح اطلعوا بره يله لا تخلوني اضطر ابلغ الشرطة..

ـ طلعوا ستار وخالد بره وبقيت اني متخبلة أخاف يرجعون يتعاركون.

بعد ساعتين واجه الدكتور كلي تكدرون تطلعون المريض،، طلعت لكيت ستار واكف بالحديقة..

ـ ستار تعال الدكتور كال تكدرون تطلعون المريض.
ـ راح يطلع ابوي وهناك اعرف سبب هالحادث وإذا عرفت انتي أو وحدة من بناتج السبب الموت ما يخلصجن مني.... عبالج اقتنعت بسالفتجن.

ريم.. بعد ما طلع ستار...رحت للغرفة  هبة وودق نايمات،، كعدت مقابيل اختي هبة واني افكر شنو راح يصير بيها شلون راح تكدر تكمل حياتها راح تنسى إلي صار لو راح تبقى سجينة هذا الاعتداء بينما اني افكر مرت الساعات وندكت الباب...

طفرت حتى افتح الباب...اخذت حجابي وطلعت

ـ منو..؟
ـ اني افتحي الباب.
ـ فتحت الباب ودخل ستار حاظن بابا ويمشي بي وبابا راسه مشدود وماما وراهم...باوعت لماما وجها اصفر وخايفة

أي كنت متأكدة ستار ميعبرها...ركضت للغرفة قفلت الباب على خواتي.

ستار... بابا شلون صار هيج معقولة ما تنتبه.
جمال... صيحلي هبة بسرعة.
ستار... شبيها هبة وهي وين هبة...؟

جمال...اختك البارحه اجتي زعلانة وتريد تطلك..صيحلياها بسرعة.

ستار صاح هبة هبة بصوت عالي لكن ما جاوبته راح للغرفة راد يفتحها مقفولة..