رواية #طريق_إلى_النار
//بقلم.. نرجــس صــادق //
خالد... ليش اوج واشتكيلج ؟؟
وانه اعرفنج تطفين الحريق ببانزين
ريم... ماتت ضحكة ايامي
وچفن حسرات لف روحي ولياليها
ـــــــــــــــــــــــــــــــــــــــــــــــــــــــــــــــ
علاء...
جنت كاعد اني وعباس بالاستيديو واجاني اتصال من خالد.. جاوبته...
خالد... شلونك علوش
علاء... حبيبي انت شلونك شخبارك
خالد... الحمدلله بس لعبة نفسي من نومة الفراش
علاء... اصبر ما بقه غير شهرين أن شآء الله ودكوم على حيلك يا بطل.
خالد... أن شآء الله، تدري مشتاقلكم
علاء... والله اني مشتاق احضنك بس كوة مصبر نفسي
عباس... ولك شو انت منحرف شنو كوة مصبر نفسي منو كلك خالد مرتك
خالد... ههههههههه االله عليك افتح حاكيه
علاء... ههههه عوفه هذا ساقط
خالد... دفتح شبيك مشتاق لسوالفه
فتحت مكبر الصوت وصارت مكالمة جماعية..
عباس... ولك خويلد لا تنطيني عين خاف الكاك حامل بعد شهرين
خال.... ههههههههههههههههه خرب بليسك
علاء... خايب نجب شنو هالحجي الماصخ
عباس... مجذب اني إذا انت حامي تريد احضان
خالد... هههههههه تره صحيح علاء شفتك وشفتني بس تحضن عوزك تبوسني
عباس... ها وقد شهد شاهدُ من اهلها
علاء... طاحظكم اي والله عندي مرة تسوه وجوهكم الخايسة هاي
خالد... ههههههه
عباس... هههههههه نجب خايس تروحلي فدوة اني وين اكو بجمالي.
ضلينه نسولف ونضحك شوية وراح خالد وكعدنا اني وعباس نسولف... فتحت جهازي وتصفحت وشفت خبر عاجل... هز العراق هز.
بتاريخ 6/6/2014... سقوط الموصل على يد الدولة الإسلامية... طفرت وصحت...
ـ ولك عباس سقطت الموصل
ـ شنوووو صدوك تحجي
ـ اي والله هذا خبر عاجل
كام عباس خابر على ابن عمه وصار الحجي صدوك وبدأت معركة طاحنة وكل يوم نسمع خبر يفجعنا ويرعبنا..
وصارت ابشع حادثة قتل جماعية وهي سبايكر والناس بده خوفها يزيد.. جانت أيام عبارة عن رعب والكل عايش بخوف وقلق... واكو ناس لمت غراضها وطلعت خارج العراق ...
الأيام تمر والحياة صارت رعب... الشوارع فرغت والكل معتكف ببيته ومتوقعين سقوط بغداد بأي لحظة...
بعد أيام وبالتحديد المصادف 13/6..اعلنت المرجعية الرشيدة فتوى بالجهاد.. وجانت هذي الفتوى مثل المنقذ للعراق بعد ما شارف على الانهيار..
طلعوا الكل.. شباب، شياب ومن كل المحافظات وتطوعوا لحماية العراق..
جان عباس يريد يتطوع واني قررت اروح ويا... بس عباس امه حلفته ميطلع...
اني جزمت اروح وما اتراجع عن قراري... جانت واكفة بعيوني ودق وكلما افتح الموضوع وياها تكعد تبجي..
جانت دموعها مانعتني وتمر الأيام وكل يوم نسمع بشهيد جابوا لأهله ويوم بعد يوم نترست شوارعنا صور شهداء وبكل بيت اكو دمعة واكو حزن واكو الم وبكل بيت اكو ام فاقدة وزوجة مترملة واكو ايتام واكو اب مكسور ظهره.
أنت تقرأ
طريق إلى النار
General Fictionمزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...
