طريق إلى النار
جدول المحتويات

    أنت تقرأ

    طريق إلى النار

    General Fiction

    مزيج من الألم لحكاية تروي لنا كيف هي مصائب الدنيا وكيف يُقسم الله الأقدار فَمنا من يكون نصيبه الفراق ومنا من يبقى تحت الاختبار حتى يتفوق فيه.. رواية #طريق_الى_النار تحكي عن فتاة في عمر الأحلام رأت اختها تحترق امامها.. وحينها تكتشف حب كان مخبأ في...

    #النار #الى #طريق

    بارت 33

    17 1 0 
                                        
    
                                              
    رواية #طريق_إلى_النار
    //بقلم.. نرجــس صــادق //
    
                          
    علاء...
    -لكيت اعيونج احلى من الصبح بهواي
    ولكيت الضلمه سهرانه ع ارموشج.
    
                          
    ودق...
    ‏يا هني 
    و يا شوگ روحي
    و يا عزيز 
    و يا مزار يطفح بچفي حنيني
    و من حنيني إعليك اغار 
    
                          
    ـــــــــــــــــــــــــــــــــــــــــــــــــــــــــــــــ
    ودق.. صحيت الصبح على صوت علاء، وهو يهمسلي.. 
    
                          
    ـ صباح السعادة على حبيبي ما ناوية تكعدين حياتي 
    خجلت وغطيت وجهي باديه.. 
    ـ ههههههههه خجلانة احجيلج شصار البارحه 
    ـ علاءءء حباب كافي 
    ـ ههههههه لعد كومي وشوفيني طولج الحلو
    ـ انت روح قبلي واني اجي وراك
    ـ امممم ليش 
    ـ احسن 
    ـ ماشي يصير خير إن شاءلله 
    
                          
    كام علاء راح سبح ورجع بدل ملابسه واني مغطية راسي بالمفرش وهو يضحك عليه بعدها طلع  .. البارحة ميتة خوف واليوم ميتة خجل شنو هالشعورين الغريبين. 
    كمت ورحت اخذت ملابسي وطلعت سبحت ورجعت..شويه واجتني فاطمة وكلتلي كملي بسرعة وتعالي.. العالم منتظرتج.
    
                          
    رجع علاء واجتي فاطمة حابتلنا الريوك...واكيد ما اخلص من حركات علاء وغزله..كملنا وعلاء طلع واجتي فاطمة اخذت الاكل...
    واني طلعت وراها وكعدت بالصالة بعد ساعة دخلت ماما وريم..فرحت كولش واني اشوفهم كبالي..اجتي ماما يمي وهي تحضني..
    أم ستار..شلونج يمه 
    ودق.. الحمدلله ماما بخير 
    ريم..شلونج حبيبتي
    ودق.. حياتي ريمو انتي شلونج
    ريم..الحمدلله 
    
                          
    كعدت يم ماما وريم..وماما اكلت راسي بالاسئلة.. صار وقت الغده..وخلوا الاكل...
    كمت اني لغرفتي ونزعت حجابي واخذت المشط وكعدت امشط بشعري..من كد ما طويل تعبني كولش واني امشط بي دخل علاء..
    
                          
    تقرب يمي واخذ المشط من ايدي.. ومشطلي شعري وحجالي غزل جانت أحلى كلمات سمعتها بحياتي... 
    
                          
    شكيت بيج بنية 
    شعرج شعر حورية 
    وبشعرج يشافون كل واحد عليل 
    مهره انتي وتريدين خيال واصيل 
    
                          
    ـ هههههه كافي علاء والله اخجل
    ـ أحلى شي بيج هو خجلج حبيبي 
    
                          
    كمل تمشيط شعري وحضني واني ضعت بحضنه وبعالم ثاني.. مرت ثواني وندكت الباب... 
    علاء.. منو تفضلي
    فاطمة.. جبتلكم الغده
    علاء.. اي اجيتي بوقتج جوعان 
    فاطمة.. ألف عافيه حبيبي 
    
                          
    كعدنا اني وعلاء نتغده وهو يتحارش بيه.. بعدين كوتله.. 
    ـ والله اذا متبطل ارجع ويه ماما
    ـ هههههههه ليش حبيبتي هي بكيفج
    ـ اي بكيفي 
    ـ امممم يله بطلت 
    
                          
    كملنا الغده واني جنت نعسانة كولش.. نمت وما حسيت بالعالم كله بعد. 
    
                          
    ريم.. بعد ما رجعنا من بيت علاء، اخذت علاوي وزنوبة وكعدت بالغرفة ابدللهم.. 
    دخلت ماما وكلتلي.. 
    أم ستار... يمه وسام اتصل عليج
    ريم.. شيريد
    أم ستار.. شيريد مثلاً يريدج ترجعين مو زين مخليج تبقين اسبوع كامل. 
    ريم... ليش تضايقتي مني ماما
    أم ستار.. لو متضايقة منج ما اخليج اسبوع يمي.. ولج يمه اعرفي مصلحتج ولا تضلمين هالولد وياج. 
    ريم.. ماشي خابري خلي يجي ياخذني
    طريق إلى النار حيث تعيش القصص. اكتشف الآن